Shireen Sukhan

[Untamed-Heart]

سوزِ غم دے کے مجھے اس نے یہ ارشاد کیا
جا تجھے کشمکشِ دہر سے آزاد کیا
وہ کریں بھی تو کن الفاظ میں تیرا شکوہ
جن کو تیری نگہِ لطف نے برباد کیا
دل کی چوٹوں نے کبھی چین سے رہنے نہ دیا
جب چلی سرد ہوا، میں نے تجھے یاد کیا
اے میں سو جان سے اس طرزِ تکلّم کے نثار
پھر تو فرمائیے، کیا آپ نے ارشاد کیا
اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا
اتنا مانوس ہوں فطرت سے، کلی جب چٹکی
جھک کے میں نے یہ کہا، مجھ سے کچھ ارشاد کیا
مجھ کو تو ہوش نہیں تم کو خبر ہو شاید
لوگ کہتے ہیں کہ تم نے مجھے برباد کیا​

 

[La-Haasil]

اس محبت نے ہمیں اس طرح ناشاد کیا
جس کو آباد کیا اُس نے ہی برباد کیا
​

روز اک زخم نیا پال رہا ہوں دل میں​

ہجر نے ایسا مجھے صاحب_اولاد کیا​

​

تُو نہ آیا تو مجھے موت کی ہچکی آئی​

شکر کرتا ہوں کسی نے تو مجھے یاد کیا​

 

[La-Haasil]

میرے پاس جاﻧﺎں کچھ نہیں!​

نہ جدائیاں نہ وصال پل
میری دسترس میں تو کچھ نہیں
کچھ اشک ہیں
اک یاد ہے
اک دل ہے
جو برباد ہے
اور شہر سنگ کے لوگ ہیں
میرے چاروں اور ہی درد ہیں
میرے ہمقدم بڑے روگ ہیں​

 

[Untamed-Heart]

بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیں
مری نظریں بھی ایسے قاتلوں کا جان و ایماں ہیں
نگاہیں ملتے ہی جو جان اور ایمان لیتے ہیں
طبیعت اپنی گھبراتی ہے جب سنسان راتوں میں
ہم ایسے میں تری یادوں کی چادر تان لیتے ہیں
خود اپنا فیصلہ بھی عشق میں کافی نہیں ہوتا
اسے بھی کیسے کر گزریں جو دل میں ٹھان لیتے ہیں
جسے صورت بتاتے ہیں پتا دیتی ہے سیرت کا
عبارت دیکھ کر جس طرح معنی جان لیتے ہیں
تجھے گھاٹا نہ ہونے دیں گے کاروبارِ الفت میں
ہم اپنے سر ترا اے دوست ہر احسان لیتے ہیں
فراق اکثر بدل کر بھیس ملتا ہے کوئی کافر
کبھی ہم جان لیتے ہیں کبھی پہچان لیتے ہیں​

 

[La-Haasil]

سنو!۔
ہماری تمھاری مُحبت کی
کلینیکل موت" واقع ہو چکی ہے"
نہ جانے اِسے معذرتوں
اور عُذر خواہئیوں کا مَصنوعی تنفس
کب تک زندہ رکھے گا؟
میرا ایک مشورہ ہے!۔
کہ ہم منافقت کے
اِس پَلگ کو اتار پھینکیں
اور اِس حَسین جذبے کو
ایک خوبصورت موت مرنے دیں۔
​

 

[Untamed-Heart]

ہرشخص پریشان سا حیراں سا لگے ہے ​

سائے کو بھی دیکھوں تو گریزاں سا لگے ہے
کیا آس تھی دل کو کہ ابھی تک نہیں ٹوٹی
جھونکا بھی ہوا کا ہمیں مہماں سا لگے ہے
خوشبو کا یہ انداز بہاروں میں نہیں تھا
پردے میں صبا کے کوئی ارماں سا لگے ہے
سونپی گئی ہر دولتِ بیدار اسی کو
یہ دل جو ہمیں آج بھی ناداں سا لگے ہے
آنچل کا جو تھا رنگ وہ پلکوں پہ رچا ہے
صحرا میری آنکھوں کو گلستاں سا لگے ہے
پندار نے ہر بار نیا دیپ جلایا
جو چوٹ بھی کھائی ہے وہ احساں سا لگے ہے
ہر عہد نے لکھی ہے میرے غم کی کہانی
ہر شہر میرے خواب کا عنواں سا لگے ہے
تجھ کو بھی ادا جراتِ گفتار ملی ہے
تو بھی تو مجھے حرفِ پریشاں سا لگے ہے​

​

 

[Untamed-Heart]

سنا تھا کافی لوگوں سے ​

محبت مر بھی سکتی ہے
دغا یہ کر بھی سکتی ہے
جسے میں زندگی سمجھا
مجھے وہ روگ کہتے تھے
بڑی چاھت سے اک دن
ہاتھ میرا تھام کے اس نے
کہا تھا زندگی مجھ کو
جب اپنے دل کے دروازے
کئے تھے بند اس نے تو
یقیں آیا
محبت مر بھی سکتی ہے​

*******​

شاعرعبدالمطلب مقید​

​

 

[Untamed-Heart]

میں تنہائی کی محفل میں
جب اُس کا نام لیتا ہوں
تو ہونٹوں پر
تبسم کی دھنک
لہرانے لگتی ہے
میں تنہائی کی محفل میں
جب اُس کو یاد کرتا ہوں
تو اک مانُوس سی خوشبُو
مجھے مہکانے لگتی ہے
وہ میرے دل میں رہتا ہے
میری آنکھوں میں بستا ہے
گلِ اُمید کی صورت
اور اِس اندھیر نگری کے
بہت سنسان راہوں پر
شبِ تاریک میں
خورشید کی صورت
-----
شاعرعبدالمطلب مقید
​

 

[Untamed-Heart]

Aaj bhi wo Masoom si Larki
Us patthar pe Beti hai
Jis phathar pe bethy shakhs se
Ghantoo’n batain karti thi
Kandhy par sar rakh ky apna
Haal e dil sunaati thi
Dheemy Dheemy lafzoo’n main
Izhaar e Muhabbat karti thi
Hansti thi Kabhi roti thi
Kabhi Payal ko chankaati thi
Bachpan ke Masoom se geet
Khud se gungunaati thi
Aanchal ko sirkaati thi
Aur apna dil behlaati thi
LEKIN ab Mahool alag hai
Soona soona saara jag hai
Aaj bhi sab kuch Wesa hi hai
Wahi parindy aur wo geet
Lekin un ke geeto’n main
Kuch dard o gham jhalakta hai
Tab khushi ke Ansoo’n thy
Ab dukh se aankh chalakta hai
Aaj bhi wo Masoom si larki
Us patthar pe beti hai
Jis patthar pe bête shakhs se
Ghanto’n batain karti thi

(Poetry by Muttalib "Muqayyad")​

 

[La-Haasil]

میں نے اس طور سے چاہا تجھے اکثر جاناں​

جیسے غنچے کھلے موسم سے حنا مانگتے ہیں
جیسے ماہتاب کو انت سمندر چاہے​

جیسے سورج کی کرن سیپ کے دل میں اترے
جیسے خوشبو کا ہوا رنگ سے ہٹ کر چاہے
جیسے پتھر کے کلیجے سے کرن پھوٹتی ہے​

جیسے غنچے کھلے موسم سے حنا مانگتے ہیں
جیسے خوابوں میں خیالوں کی کماں ٹوٹتی ہے
جیسے بارش کی دعا آبلہ با مانگتے ہیں
میرا ہر خواب مرے سچ کی گواہی دے گا
وسعتِ دید نے تجھ سے تری خواہش کی ہے
میری سوچوں میں کبھی دیکھ سراپا اپنا
میں نے دنیا سے الگ تیری پرستش کی ہے
خواہشِ دید کا موسم کبھی ہلکا جو ہوا
نوچ ڈالی ہیں زمانوں کی نقابیں میں نے
تیری پلکوں پہ اترتی ہوئی صبحوں کے لئے
توڑ ڈالی ہیں ستاروں کی طنابیں میں نے
میں نے چاہا کہ ترے حسن کی گلنار فضا
میری غزلوں کی قطاروں سے دہکتی جائے
میں نے چاہا کہ مرے فن کے گلستاں کی بہار
تیری آنکھوں کے گلابوں سے مہکتی جائے
طے تو یہ تھا کہ سجاتا رہے لفظوں کے کنول
میرے خاموش خیالوں مین تکلم تیرا
رقص کرتا رہے ، بھرتا رہے خوشبو کا خمار
میری خواہش کے جزیروں میں تبسم تیرا
تو مگر اجنبی ماحول کی پروردہ کرن
میری بجھتی ہوئی راتوں کو سحر کر نہ سکی
تیری سانسوں میں مسیحائی تھی لیکن تو بھی
چارۂ زخمِ غمِ دیدۂ تر کر نہ سکی
تجھ کو احساس ہی کب ہے کہ کسی درد کا داغ
آنکھ سے دل میں اتر جائے تو کیا ہوتا ہے
تو کہ سیماب طبیعت ہے تجھے کیا معلوم
موسمِ ہجر ٹھہر جائے تو کیا ہوتا ہے
تو نے اس موڑ پہ توڑا ہے تعلق کہ جہاں
دیکھ سکتا نہیں کوئی بھی پلٹ کر جاناں
اب یہ عالم ہے کہ آنکھیں جو کھلیں گی اپنی
یاد آئے گا تری دید کا منظر جاناں
مجھ سے مانگے گا ترے عہدِ محبت کا حساب
تیرے ہجراں کا دہکتا ہوا محشر جاناں
یوں مرے دل کے برابر ترا غم آیا ہے
جیسے شیشے کے مقابل کوئی پتھر جاناں !​

​

 

[Untamed-Heart]

کہاں گئے وہ لہجے دل میں پھول کھلانے والے
آنکھیں دیکھ کے خوابوں کی تعبیر بتانے والے
کدھر گئے وہ رستے جن میں منزل پوشیدہ تھی
کدھر گئے وہ ہاتھ مسلسل راہ دکھانے والے
کہاں گئے وہ لوگ جنہیں ظلمت منظور نہیں تھی
دیا جلانے کی کوشش میں ‌خود جل جانے والے
یہ اک خلوت کا رونا ہے جو باتیں کرتی تھی
یہ کچھ یادوں کے آنسو ہیں دل پگھلانے والے
کسی تماشے میں رہتے تو کب کے گم ہو جاتے
اک گوشے میں رہ کر اپنا آپ بچانے والے
ہمیں کہاں ان ہنگاموں میں تم کھینچے پھرتے ہو
ہم ہیں اپنی تنہائی میں رنگ جمانے والے
اس رونق میں شامل سب چہرے ہیں خالی خالی
تنہا رہنے والے یا تنہا رہ جانے والے
اپنی لے سے غافل رہ کر ہجر بیاں کرتے ہیں
آہوں سے ناواقف ہیں یہ شور مچانے والے
عزم یہ شہر نہیں ہے نفسا نفسی کا صحرا ہے
یہاں نہ ڈھونڈو کسی مسافر کو ٹھیرانے والے​

 

[Untamed-Heart]

یا رب غمِ ہجراں میں اتنا تو کیا ہوتا
جو ہاتھ جگر پر ہے وہ دستِ دعا ہوتا
اک عشق کا غم آفت اور اس پہ یہ دل آفت
یا غم نہ دیا ہوتا، یا دل نہ دیا ہوتا
غیروں سے کہا تم نے، غیروں سے سنا تم نے
کچھ ہم سے کہا ہوتا، کچھ ہم سے سنا ہوتا
امید تو بندھ جاتی، تسکین تو ہو جاتی
وعدہ نہ وفا کرتے، وعدہ تو کیا ہوتا
ناکامِ تمنا دل، اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا​

 

[Untamed-Heart]

ﺁﺝ ﺑﮍﯼ ﻣﺪﺕ ﮐﮯ ﺑﻌﺪ
ﺿﺒﻂ ﮐﺎ ﺑﻨﺪﮬﻦ ﭨﻮﭦ ﮔﯿﺎ ﺗﻮ
ﻣﯿﮟ ﻧﮯ ﺍﺱ ﮐﻮ ﻟﮑﮫ ﺑﮭﯿﺠﺎ ﮨﮯ
'ﻗﻄﻊ ﻧﻈﺮ ﺳﺐ ﺑﺎﺗﻮﮞ ﮐﮯ
ﺍﺗﻨﺎ ﮐﮩﻮ ﺗﻢ ,ﮐﯿﺴﮯ ﮨﻮ
​

 

[La-Haasil]

ہم وہ بے درد ہیں​

خواب گنوا کر بھی جنھیں نیند آجاتی ہے
سوچ سوچ کر بھی
جن کے ذہنوں کو کچھ نہیں ہوتا
ٹوٹ پھوٹ کر بھی
جن کے دل دھڑکنا یاد رکھتے ہیں
ہم وہ بےدرد ہیں
کہ جن کے آنسو
آنکھوں کا راستہ بھول جاتے ہیں
ٹوٹ کر رونے کی خواہش میں
بات بے بات مسکراتے ہیں
شام سے پہلے مرنے کی خواہش میں
جو جیتے ہیں
اور جیتے ہی چلے جاتے ہیں​

​

 

[Untamed-Heart]

میں کیا کروں کہ مجھے سچ بولنے کی عادت ہے
برا لگے تو میرا اعتبار مت کرنا
میں واپسی کے ارادے سے جا رہا ہوں مگر
سفر سفر ہے تم میرا انتظار مت کرنا
سنا ہے تشنگیاں ساحلوں پہ قابض ہیں
سفر میں رہنا سمندروں کو پار مت کرنا
اب اپنے دل کی سیاہی کہاں چھپا ؤ گے
تمہیں کہا تھا ناں کہ اجالوں سے پیار مت کرنا
ہنر وروں کی جانب سنگ اتے ہی رہتے ہیں
تم اپنا ذھن مظفر فگار مت کرنا
​

 

[La-Haasil]

غلط فہمی کی مکڑی نے
بڑی سرعت سے اک جالا سا بُن ڈالا
محبت اس کے تاروں میں الجھ کر
ہاتھ پاؤں مار کر بچنے کی کوشش کررہی ہے
ایک مدت سے
وہ ذہنی کشمکش اور کرب
کے اس جال سے
نکلے بھی تو کیسے
وہ کوئی روشنی اپنے دریچوں سے ادھر آنے نہیں دیتا
ہوائے اعتبار و باہمی الفت کے جھونکوں کو
وہ شہرِ دل کی گلیوں میں گزرنے ہی نہیں دیتا
مرے جذبوں کا سچ
فہم و فراست کی فصیلوں سے
اترنے ہی نہیں دیتا
مگر ہر دن کی روپہلی کرن سے میں یہ کہتی ہوں
اسے گر ہوسکے تو اب حقیقت آشنا کردو
ذرا گھر کے اندھیروں میں لگے
ان شک کے جالوں میں
وفا کی ایک اس اجلی کرن کو کام کرنے دو
دریچے کھول دو دل کے
​

 

[La-Haasil]

انا جب تک
فنا کے ہاتھ پر بیعت نہیں کرتی
نماز _عشق سے دل کی جبیں محروم رہتی ہے

نگاہیں ایک چہرے سوا کچھ دیکھنا چاہیں
تو صدیوں تک پھر آنکھوں پرعطا کا در نہیں کھلتا
کسی منظر کے اندر دوسرا
منظر نہیں کھلتا

کہ یہ رستہ وہ ہےجس پر
وفا کی خاک میں جب ھجر کےآنسو اترتے ہیں
تو حرف_بے ہنر کو درد کی سوغات ملتی ہے
دعاۓ شوق کی وارفتگی کو
باریابی کی فقط اک رات ملتی ہے

مگر کس کو خبر تب تک
طلب ہی وصل کی معدوم ہوجاۓ
فنا کا اسم _ اعظم روح کو معلوم ہوجاۓ

 

[Untamed-Heart]

غلط فہمی کی مکڑی نے
بڑی سرعت سے اک جالا سا بُن ڈالا
محبت اس کے تاروں میں الجھ کر
ہاتھ پاؤں مار کر بچنے کی کوشش کررہی ہے
ایک مدت سے
وہ ذہنی کشمکش اور کرب
کے اس جال سے
نکلے بھی تو کیسے
وہ کوئی روشنی اپنے دریچوں سے ادھر آنے نہیں دیتا
ہوائے اعتبار و باہمی الفت کے جھونکوں کو
وہ شہرِ دل کی گلیوں میں گزرنے ہی نہیں دیتا
مرے جذبوں کا سچ
فہم و فراست کی فصیلوں سے
اترنے ہی نہیں دیتا
مگر ہر دن کی روپہلی کرن سے میں یہ کہتی ہوں
اسے گر ہوسکے تو اب حقیقت آشنا کردو
ذرا گھر کے اندھیروں میں لگے
ان شک کے جالوں میں
وفا کی ایک اس اجلی کرن کو کام کرنے دو
دریچے کھول دو دل کے
​

buhut khoobsorat

 

[Untamed-Heart]

انا جب تک
فنا کے ہاتھ پر بیعت نہیں کرتی
نماز _عشق سے دل کی جبیں محروم رہتی ہے

نگاہیں ایک چہرے سوا کچھ دیکھنا چاہیں
تو صدیوں تک پھر آنکھوں پرعطا کا در نہیں کھلتا
کسی منظر کے اندر دوسرا
منظر نہیں کھلتا

کہ یہ رستہ وہ ہےجس پر
وفا کی خاک میں جب ھجر کےآنسو اترتے ہیں
تو حرف_بے ہنر کو درد کی سوغات ملتی ہے
دعاۓ شوق کی وارفتگی کو
باریابی کی فقط اک رات ملتی ہے

مگر کس کو خبر تب تک
طلب ہی وصل کی معدوم ہوجاۓ
فنا کا اسم _ اعظم روح کو معلوم ہوجاۓ

buhut umda janab

 

[Rana-Rehman]