باقی اس نکتہ کی وضاحت (جب عام مسلمانوں کوعلم نہ رکھنے کے باوجود بزرگوں کے قول کو رد کرنے کا سبق پڑھا جائے تو اس کا انجام کیا ہوسکتا ہے)ہم نے اس مضمون میں پیش کی تھی ۔۔ مضمون تھوڑا طویل ہے لیکن توجہ سے مطالعہ کرنے پرآپ کو اپنے اشکال سمجھنے میں مدد ملے گی ۔۔۔ملاحظہ کیجیے
محترمہ ملاحظہ فرمائیں پہلے ہمارا وہ اقتباس جس میں ہم نے آپ کو ایک نکتہ کی وضاحت پیش کی تھی:
جی محترمہ ہمیں تو سب یاد ہے کہ اللہ رب العزت نے انسان کو تمام مخلوقات میں افضل قرار دیا ۔۔۔۔ اور انسان کو عقل شعور عطاء فرمایا
لیکن آپ اپنی اگلی بات پیش کرنے میں پچھلا نکتہ ہی بھول گئیں کہ ہر انسان کی عقل و شعور کا معیار ایک جیسا نہیں
آپ ایک طرف خود قبول کرتیں ہیں کہ ہر انسان کا عقل و شعور کا معیار ایک جیسا نہیں ۔۔۔لیکن دوسری طرف آپ صرف اپنے موقف کو درست ثابت کرنے کی جستجو میں تمام مسلمانوں کے لئے ہر شرعی مسئلہ کی ایسی تحقیق کی مشقت ڈالنا ضروری سمجھتی ہیں جس کا انجام بالآخر کسی نہ کسی کی بزرگ کے قول پر اعتماد کرتے ہوئے قبول کرنا ہے ؟؟؟
جس کے جواب میں آپ کا یہ اقتباس آپ کی پوسٹ نمبر 38 سے لیا گیا ہے :۔
ہمیں یہ بات یاد رکھنا چاہیے کہ شرعی دلیل صرف قرآن اور حدیث کا نام ہے دنیا کے سارے فقہا کا ہم احترام کرتے ہیں مگر ان میں کوئی کامل نہیں ہے اس کا ثبوت خود امت مسلمہ کے عمل سے ہوتا ہے، ذرا اگر ہم غور کریں تو ہم پر یہ حقیقت واضح ہو جاۓ گی کہ اگر امام مالک کامل ہوتے تو امام ابو حنیفہ الگ راہ اختیار نہ کرتے، امام شافعی ان دونوں سے اختلاف نہ کرتے، اور امام حنبل ہر گز ان تینوں کی مخالفت کو گوارہ نہ کرتے، ان کے اختلاف نے واضح کر دیا کہ کوئی کامل نہیں ہے، لہذا کسی کی بھی اتباع کر کے کامیابی ممکن نہیں ہے. اور نہ ہی ہم فقہ کے زریعے کسی غیر مسلم کو اسلام کو مطمئن کر سکتے ہیں اور نہ اسلام کی صحیح تبلیغ کر سکتے ہیں.
جبکہ اوپر ہمارے اقتباس کا خلاصہ یوں تھا کہ ہر انسان کی عقل و شعور یا سوچنے سمجھنے کا معیار ایک جیسا نہیں ۔۔۔یعنی کسی کو مشکل سے مشکل بات باآسانی سمجھ آجاتی ہے ۔۔۔۔ تو کسی کو آسان سی آسان بات بہت مشکل سے سمجھ آتی ہے ۔۔۔تو جب ہم اس نکتہ پر متفق ہوجاتے ہیں کہ تمام انسانوں کے عقل و شعور کا معیار ایک جیسا نہیں ۔۔۔۔ تو پھر یہ بات سمجھنا زیادہ مشکل نہیں کہ جیسے کسی شرعی مسئلہ سے متعلق جو بات آپ کا کوئی عالم باآسانی سمجھ سکتا ہے ۔۔۔وہی بات ہمارے جیسا دین کا کم علم رکھنے والا انسان تھوڑی مشقت کے بعد سمجھے گا ۔۔۔۔لیکن جو بات ہم تھوڑی مشقت کے بعد سمجھ سکتے ہیں ۔۔۔وہ بات دین کے علم سے بالکل نا آشنا شخص کافی محنت کے بعد سمجھے گا ۔۔۔۔اسی طرح وہی بات دین و دنیا کے علم سے کورا شخص یعنی ایک بالکل جاہل شخص شاید سمجھ ہی نا پائے ۔
لہذا اگر آپ کا یہ فارمولہ ہر خاص و عام مسلمان کے لئے درست مان لیا جائے کہ جس شخص کو بھی حدیث کے مخالف بڑے سے بڑے بزرگ کا قول مل جائے ۔۔۔وہ اُسے رد کردے ۔۔۔۔ تو اس طرح بہت خراب صورت ہونے کا اندیشہ ہوجائے گا ۔۔۔۔
جیسا کہ خود آپ کی مثال آپ کے سامنے ہے کہ جب آپ کو ابن تیمیہ رحمہ اللہ کے حوالےسے ایک ایسا معمولی نکتہ پیش کیا گیا ۔۔۔ جس سے نہ صرف آپ کے علماء اتفاق کرتے ہیں بلکہ عقلی طور پر بھی باآسانی یہ بات سمجھی جاسکتی ہے ۔۔۔۔ کہ جب احادیث پاک مرتب ہونے کا سلسلہ شروع نہیں ہوا تھا ۔۔۔یا ہورہا تھا ۔۔۔۔اُس وقت کے ائمہ کرام کس طرح احادیث پاک سے استفادہ حاصل کرتے تھے ؟؟؟
یقینا اُس وقت ایک دوسرے سے احادیث سننے کا رواج تھا ۔۔۔۔ اور اُس وقت قرب نبوت کے دور کی وجہ سے جھوٹ دھوکہ عام نہیں ہوا تھا ۔۔۔۔ یہ تو بعد میں جب جھوٹ دھوکہ عام ہونے لگا ۔۔۔۔ لوگوں نے موضوع روایات شامل کرنی شروع کردیں ۔۔۔۔ یا اکثر رواۃ کے ضعف حافظہ کی وجہ سے روایات کے الفاظوں میں ردوبدل آنے لگا ۔۔۔۔ یا کہیں سے راوی منقطع ہونے لگے ۔۔۔۔ اسکے بعد حضرات محدثین کرام رحمھم اللہ نے باقاعدہ علم جرح و تعدیل وغیرہ کو ایک فن کی حیثیت دی ۔۔۔۔ جس کے بعد روایات کا دارومدار رواۃ پر پر ہونے لگا ۔
لیکن جو ائمہ کرام شروع کے ادوار سے تعلق رکھتے ہیں ۔۔۔۔اُن کے پاس جو احادیث قلیل رواۃ اورعادل رواۃ سے جوروایات پہنچیں ۔۔۔۔ وہی روایات بعد میں آنے والے ائمہ کرام تک مجہول رواۃ یا منقطع طریق سے پہنچی ۔۔۔۔ تو یقینا بعد میں آنے والے ائمہ کرام و محدثین کرام نے اُن روایات کے ضعف کو دیکھتے ہوئے پچھلے ائمہ کرام کے برعکس فتاوی جات دئیے ۔۔۔۔جو ایک بڑی وجہ بنی ائمہ میں اختلاف کی ۔
اب ایسی صورتحال میں نہ تو پہلے ائمہ کرام رحمھم اللہ کے فتاوی کا انکار ممکن ہے ۔
اور نہ بعد میں آنے والے ائمہ کرام رحمھم اللہ یا محدثین کرام رحمھم اللہ کے فتاوی کو غلط قرار دیا جاسکتا ہے ۔
لیکن آپ نے ہماری بات توجہ سے نہ سمجھتے ہوئے فرمایا کہ "آپ کو ابن تیمیہ رحمہ اللہ کا قول حدیث کے مقابلے میں قبول نہیں"۔
حالانکہ نہ تو ہم نے کوئی ایسی بات کہی تھی جو خلاف حدیث ہو ۔۔۔۔اور نہ ہی امام ابنی تیمیہ رحمہ اللہ کا مذکورہ قول کسی بھی طرح مخالف حدیث تھا ۔۔۔۔بلکہ یہ نکتہ تو تھوڑی توجہ سے باآسانی عقلی طور پر بھی سمجھا جاسکتا تھا ۔
باقی الحمدللہ کوئی بھی ادنی سے ادنی مسلمان اپنے تصور میں بھی جناب رسول اللہ صلیٰ اللہ علیہ وسلم کے فرمان پر کسی بھی امتی کے قول کو فوقیت نہیں دے سکتا ۔۔۔۔چہ جائکہ کہ ہم یہ سوچیں کہ ائمہ کرام یا صدیوں سے مسلمان ایسا کام کررہے ہیں جو مسلمان گھرانے کا ایک بچہ بھی سمجھ سکتا ہے کہ یہ غلط ہے ؟؟؟
بس یہی بات آپ کو سمجھائی گئی تھی کہ آپ یہ کیوں نہیں سوچتے کہ جب ہمیں تسلیم ہے کہ
تمام لوگوں میں سوچنے سمجھنے کا معیار ایک جیسا نہیں ۔۔۔۔۔
اور ہم عقلی طور پر یہ بھی تسلیم کرتے ہیں کہ بعض لوگوں کو جو آسان سی آسان بات مشکل سے سمجھ آتی ہے ۔۔۔۔
تو ہوسکتا ہے کہ یہاں بھی معاملہ کچھ ایسا ہی ہو کہ
کیوں کہ ہماری عقل و فہم میں علم حدیث کے سارے نکات نہیں ہیں ۔۔۔۔
ہمیں کیوں کہ رواۃ کے حال احوال کا معلوم نہیں ۔۔۔۔
ہمارے علم میں پوری طرح ناسخ منسوخ کا علم نہیں ۔۔۔۔
ہماری نظر میں کسی بھی مسئلہ پر قرآن و حدیث کی تمام نصوص نہیں ہیں ۔۔۔۔۔
ہم پر شرعی احکامات کی حکمتیں پوری طرح عیاں نہیں ۔۔۔۔
تو ہوسکتا ہے کہ ان میں سے کسی چیز پر ہماری پوری طرح گرفت نہ ہونے کی وجہ سے ہم مسئلہ کو سمجھ نہیں پائے ہوں ۔۔۔اور ہمیں بظاہر یہ محسوس ہورہا ہے کہ امام صاحب کا فلاں قول مخالف فلاں حدیث ہے ؟؟؟؟
جبکہ حقیقت میں معاملہ مختلف ہو ؟؟؟؟
اسی طرح ایک اور مثال پیش خدمت ہے :۔
ارشاد رسول اللہ صلی اللہ علیہ وسلم ہے۔البیعان بالخیار مالم یتفرقا۔خریدورفروخت کرنے والوں کو اپناسودا رد کرنے کا اختیار ہے جب تک کہ وہ متفرق نہ ہوجائیں۔
کچھ ائمہ نے اس تفرق سے تفرق بالابدان مراد لیاہے۔۔۔یعنی دونوں فریقین کی مجلس ختم ہوجائے اوردونوں ایک دوسرے سے جسمانی لحاظ سے ہی الگ ہوجائیں۔
جب کہ امام مالک رحمہ اللہ اورامام ابوحنیفہ رحمہ اللہ نے مالم یتفرقا (جب تک وہ دونوں الگ نہ ہوجائیں )سے تفرق اقوال مراد لیاہے یعنی بیع وشراء کی بات ختم کرکے کوئی دوسری بات نہ کرنے لگیں تب تک ان کو سودا رد کرنے (یعنی چھوڑنے کا)کا اختیار ہوگا۔
کچھ حضرات اسی حقیقت کونہ سمجھنے کی بناء پر امام مالک اورامام ابوحنیفہ پر مخالفت حدیث کا الزام لگادیا۔
بلکہ ابن ابی ذئب نے تویہاں تک کہہ دیاکہ امام مالک سے توبہ کرایاجائے اوراگر وہ توبہ نہ کریں تو ان کو قتل کردیاجائے۔
اورایک مشہور محدث نے امام ابوحنیفہ کے اس مراد اورمفہوم کو مخالفت حدیث کے معنی میں لیااورجب امام ابوحنیفہ نے اپنی بات کی وضاحت اس طور پر کی کہ اگر دونوں کشتی میں ہوں تو پھرتفرق بالابدان کیسے مراد ہوسکتاہے اس کو انہوں نے حدیث کو رد کرنے کے معنی میں مراد لیااورامام ابوحنیفہ پر حدیث مسترد کرنے کی تہمت لگائی ۔
(اثرالحدیث الشریف فی اختلاف الفقہاء)جب کہ امام احمد رحمہ اللہ نے اس حدیث میں باوجود اس کے کہ ان کا قول تفرقا سے تفرق بالابدان ہی کے مراد کی جانب ہے۔انہوں نے امام مالک کی جانب سے یہ کہتے ہوئے عذر پیش کیا۔
"مالک لم یرد الحدیث ولکن تاولہ علیٰ غیرذالک"
( العلل ومعرفۃالرجال 1/228)
یعنی امام مالک رحمہ اللہ نے حدیث کو رد نہیں کیالیکن اس کی تاویل(تفسیر)دوسری کی۔
اب یہاں توجہ سے ملاحظہ فرمائیں کہ مذکورہ مسئلہ پر کتنے ہی لوگوں نے مسئلہ کو نہ سمجھتے ہوئے ان دونوں جلیل القدر ائمہ پر مخالفت حدیث کا الزام لگایا؟؟؟
لیکن دوسری طرف امام احمد بن حنبل رحمہ اللہ جو شرعی علوم پر گہری نظر رکھتے ہیں ۔۔۔وہ فرمارہے ہیں کہ امام مالک رحمہ اللہ نے حدیث کو رد نہیں کیاہے۔بلکہ اس کی دوسری تاویل کی ۔
اور تیسری طرف امام مالک رحمہ اللہ اور امام ابو حنیفہ رحمہ اللہ کی باریک بینی اور دور اندیشی اور علمی مہارت کا اندازہ لگائیں کہ امام صاحب فرماتے ہیں کہ اگر فریقین کشتی پر سوار ہوں ۔۔۔ تو پھر تفرق بالابدان (یعنی دونوں کا جسمانی لحاظ سے علیحدہ ہونا )کیسے ممکن ہے ؟؟؟
اور اگر آج کاانٹرنیٹ اور موبائل کا دور دیکھیں تو ائمہ کرام رحمہ اللہ کا فتوی (مالم یتفرقا) یعنی تفرق اقوال ۔۔۔یعنی بیع و شراء کی بات ختم کرکے دوسری بات شروع ہونے تک کا فتوی کتنا صحیح ہے ۔۔۔یہ بتانے کی ضرورت نہیں
اب یہاں توجہ سے ملاحظہ فرمائیں کہ باوجود علم رکھنے کے پھر بھی کچھ حضرات نے ائمہ کرام کی بات کو نہ سمجھتے ہوئے ۔۔۔۔ائمہ کرام کے قول کو مخالف حدیث سمجھ لیا ۔۔۔۔لیکن ائمہ کرام کے قول کی حقیقت کیا تھی وہ بھی آپ کے سامنے ہے ۔۔۔۔ یعنی مذکورہ مسئلہ مخالف حدیث نہیں تھا بلکہ کچھ لوگوں کا سمجھنے کا قصور تھا ۔
اسی طرح ابن تیمیہ رحمہ اللہ کے قول والی مثال آپ کے سامنے ہے کہ آپ کی پوری توجہ نہ ہونے کے سبب آپ کو یہ قول سمجھ نہیں آیا اور آپ کو یہ محسوس ہونے لگا کہ یہ قول مخالف حدیث ہوسکتا ہے؟؟؟
اب انہی مثالوں کو اپنے پیش نظر رکھتے ہوئے خود سوچیں کہ اگر نسبتا آپ سے کم علم رکھنے والے کو یا نسبتا کم عقل و فہم والے کے سامنے اس بھی آسان سا کوئی قول (جو آپ کو سمجھ آتا ہو یا جسے آپ تسلیم کرتی ہوں)لیکن کسی کمزور عقل والے کو وہ بات سمجھ نہ آئے ۔۔۔ اور وہ بھی آپ کی طرح کہہ دے کہ مجھے قرآن و حدیث کے مخالف کسی کا بھی قول قبول نہیں ۔۔۔۔اور آپ لاکھ اسے سمجھائیں کہ نہیں بھائی یہ بات مخالف حدیث نہیں بلکہ تمہاری فہم کا قصور ہے ۔۔۔۔ لیکن وہ پھر بھی اپنی کمزور عقل و فہم کی وجہ سے تسلیم کرنے سے انکاری ہوجائے ۔۔۔ تو آپ خود سوچیں کہ آپ کا یہ فارمولہ کس قدر نقصان کا باعث ہے ۔۔۔۔ جب لوگ اسی طرح وہ قول بھی رد کرنا شروع کردیں گے جنہیں آپ اپنی بہتر عقل و فہم کی وجہ سے قبول کرتی ہیں ؟؟؟؟
اس ساری تفصیل کے بعد آپ اپنے جواب پر غور کریں کہ آپ نے کتنا ہمارا نکتہ استدلال سمجھا۔۔۔۔ اور جو جواب دیا کیا وہ ہمارے نکتہ کا درست جواب تھا ؟؟؟
باقی ہمیں امید ہے کہ آپ کے سامنے ائمہ کرام رحمھم اللہ کے درمیان اختلاف ہونے کا ایک پہلو یہ بھی سمجھ آگیا ہو گا کہ ائمہ کرام رحمھم اللہ کا اختلاف اگر ایک طرف اپنی اپنی تحقیق کے مطابق روایات پہنچنے پر ہوا ۔۔۔۔یعنی جس امام کے پاس کسی مسئلہ پر کوئی روایات صحیح اسناد کے ساتھ پہنچی تو امام نے اُس کے مطابق فتوی دیا ۔۔۔۔لیکن وہی روایات کسی دوسرے امام کے پاس کسی ضعف کے ساتھ پہنچی تو دوسرے امام نے اپنی تحقیق کے مطابق پہلے امام سے اختلاف کرتے ہوئے فتوی اس کے برعکس دیا ۔۔۔۔اسی طرح ائمہ کرام کے درمیان اختلاف کا دوسرا پہلو بھی اوپر (تفرق بالابدان والی) مثال سے واضح ہے کہ بہت سے مسائل پر ائمہ کرام میں اختلاف کی وجہ فہم دلائل بھی رہے ہیں ۔۔۔۔یعنی ایک امام نے کسی روایات کے الفاظوں سے جو کچھ سمجھا ۔۔۔۔لیکن دوسرے امام نے انہی الفاظوں سے دوسرا مفہوم مراد لیا اور پہلے امام سے اختلاف کرتے ہوئے فتوی دوسرا دیا (جیسا کہ ایک سفر میں نماز عصر پڑھنے میں صحابہ کرام نے اپنی اپنی فہم کے مطابق الگ الگ عمل کیا حالانکہ حکم ایک ہی تھا)
اس کے علاوہ بھی ائمہ کرام رحمھم اللہ کے درمیان اختلافات کی مختلف وجوہات رہی ہیں ۔۔۔۔لیکن ائمہ کرام کے درمیان جو بھی اختلافات رہے ہیں ۔۔۔۔اُن کا تعلق اصول دین سے نہیں تھا بلکہ فروع دین سے تھا ۔۔۔۔۔اصول دین پر تمام امت مسلمہ مجتمع ہے ۔۔۔۔اور یہ اصول دین یا ضروریات دین اسلام کی بنیادیں ہیں ۔۔۔۔جن کا علم رکھنا ہرمسلمان کا فرض ہے ۔۔۔۔ ایسے مسائل پر نہ تو اجتہاد ہوتا ہے اور نہ ہی ایسے مسائل پر مقلدین تقلید کے قائل ہیں ۔۔۔اور یہی وہ ضروریات دین اور اصول دین ہیں جس کے لئے غیر مسلم بھی اگر خود سے سمجھنا چاہے تو یقینا وہ ہدایت کی روشنی حاصل کرسکتا ہے ۔۔۔۔ لہذا یہاں آپ کا یہ نکتہ اعتراض کہ "ہم فقہ کے ذریعے کسی غیر مسلم کو مطمئن نہیں کرسکتے اور نہ ہی اسلام کی صحیح تبلیغ کرسکتے ہیں "۔۔۔۔فقہ کی حقیقت نہ سمجھنے کے سبب ہے ۔۔۔۔فقہ اسلام کی بنیادی دعوت سمجھنے کے لئے نہیں ہے ۔۔۔۔بلکہ فقہ اسلام میں داخل ہونے کے بعد قرآن و حدیث سے احکام و مسائل کی تشریحات سمجھنے کے لئے ہے ۔
اور دین اسلام کے انہی فروعی مسائل کی تشریحات میں ائمہ کرام رحمھم اللہ کے درمیان اختلافات رہے ۔۔۔۔اور ائمہ کرام رحمھم اللہ کے درمیان فروعی مسائل پر اختلافات کی کوئی نہ کوئی ٹھوس علمی بنیاد رہی ہیں ۔۔۔۔۔یعنی ائمہ کرام نے اگر ایک دوسرے سے اختلاف کیا ۔۔۔۔ تو پوری طرح شریعت کے احکامات پر گہری نظر رکھتے ہوئے اختلاف کیا ۔۔۔۔لیکن یہ تو سوچیں کہ ہمارے پاس ائمہ کرام سے اختلاف کرکے اپنی راہیں خود سے چننے کی کون سی ٹھوس وجہ ہے ؟؟؟
اللہ تعالیٰ ہم سب کو دین کی صحیح سمجھ اور عمل کی توفیق عطاء فرمائے۔آمین
