!!!!!!!!!!!shayari Collection!!!!!!!!!!!!!!!

[Afrasham_afi]

Main Jis K Dil Ki Kitab Banta ​

Main Jis Ki Chahat Ka Khwab Banta ​

​

Main Hijar Mosam Ki Lambi Raaton Main Yaad Ban Kar Azaab Banta ​

Koi Tu Hota?​

Jo Meri Khowahish Main Uth Kar Raaton Ko Khoob Rota​

Dukhon Ki Chadar Lapait Kar Hajoom Duniya Say Door Hota​

Main Rooth Jata Manata Mujh Ko K Chahay Mera Qasoor Hota​

Koi Tu Hota?​

Jo Mujh Ko Dil Ka Qarar Kehta​

Ragoon Ka Apni Fishar Kehta​

Udaas Mosam Main Tazgi Ki Bahar Ban Kar​

Jo Meri Bahoon Ko Arzoo Ka Diyar Kehta​

Koi Tu Hota?​

Dua Say Apni Jo Dukh Bhi Meray Samait Leta​

Woh Is Jahan Say Ghamon Ka Merey Hisab Leta​

Woh Sari Duniya Ki Rafaqaton K Tamam Rishtay​

muje un main se kisi ka naam detaa​

Koi Tu Hota?​

Main Jis K Itna Kareeb Hota​

Na Paas Koi Rakeeb Hota​

Main Tanha Us Ka Habib Hota​

Yeh Silsila Bhi Ajeeb Hota Koi Tu Hota?​

Koi Tu Hota?​

 

[Afrasham_afi]

Mai Ne Poocha Kaise Ho​

Badley Ho Ya Waise Ho​

Roop Wohi Andaz Wohi​

Ya Phir Is Mein Hoi Kami​

Hijr Ka Kuch Ehsas To Ho Ga​

Koi Tumhare Pass To Ho Ga​

Mai Bichra ye Majboori Thi​

Kab Manzoor Mujhe Doori Thi​

Saath Hamara Kab Choota Hai​

Rooh Ka Rishta Kab Toota Hai​

Aankh Se Jo Aansu Behte Hain​

Tum Ko Khabar Hai Kya Kehte Hain?​

Mai Ne Kaha Awaz Tumhari​

Aaj Bhi Hai Hamraz Hamari​

Phool Wafa K Khil Jayen Ge​

Ik Din Hum Phir Mil Jayen Ge​

 

[Afrasham_afi]

Bay zubaan logon ko​

Baqarar ankhoon ko​

Badnaseeb qadmoon ko​

Jis tarf bhi lay jain​

Rastoon ki marzi hay​

​

Bay nishan jazeeron per​

Bad guman shehroon main​

Bay zubaan musafir ko​

Jis tarf bhi bhatka dain​

Rastoon ki marzi hay​

Ajnabi koi laa kr​

Hum safar bana dalain​

Saath chalny waloon ki​

Raakh bhi urra dalain​

Ye musaaftain sari​

Khaak main milla dalain​

Rastoon ki marzi hay​

Rook lain ya barhnay dain​

Thaam lain ya girnay dain​

Wasal ki lakiroon ko​

Tor dain ya milnay dain​

Rastoon ki marzi hay​

 

[Afrasham_afi]

Muhabbat phir mujh ko aazmane ko hai..​

Meri rooh mujh se bichar jane ko hai​

Wafa-e-muhabbat raak ho jane ko hai​

Jo mere dil se jhor kar meri zaat mein raha​

Woh bandhan pal mein toot jane ko hai​

​

Muhabbat phir mujh ko aazmane ko hai..​

Sokoon dil barbaad ho jane ko hai​

Raapte socho ke simat jane ko hai​

Yeh kaisa too ne muhabbat mein faasla rakha​

Apna ho ke ajnabi ho jane ko hai​

Muhabbat phir mujh ko aazmane ko hai..​

Qurbato ke nisha mit jane ko hai​

Faasle dooriyu mein badal jane ko hai​

Woh ja sakta hai meri muhabbat ko chor ke​

Meri zaat to us ki muhabat mein waqf ho jane ko hai​

 

[Afrasham_afi]

Main Dukhi Nahi Tha,​

Us Waqt Jab Ek Toofan Meri Jindgi Ko​

Or Mere Ashiyane Ko Ek Hi Pal Me Mita Gaya​

Or Main Koi Shikwa Bhi Na Kar Saka Or Na Hi Shikayat,​

Main Dukhi Nahi Tha,​

Us Waqt Jab Sab Log Puchte The Mujhe​

Ki Main Sab Ke Saath Hote Huye Bhi Kahan Hun,​

Main Dukhi Nahi Tha,​

Us Waqt Bhi Jab Aksar Main Jor Se Hansjaya Karta Tha​

Apne ansuon ko chupane ke liye​

Or Meri Ankhon Main Chupe Huye Ansu​

Mere Rokne Par Bhi Meri Palkon Par Nahi Ruk Paate The,​

Main Dukhi Nahi Tha,​

Us Waqt Bhi Jab Main sona chahata Tha​

Or Main So Nahi Paata Tha,​

Main Us Waqt Bhi Dukhi Nahi Tha,​

Jab Tumhara Ek Sapna Mujhe Raaton Ko Bechain Kar Jata Tha,​

Main Dukhi Nahi Tha,​

Jabki Main Janta Tha Ki Meri Har Khushi Tum Thi​

Meri Har Chahat Tum Thi Or Tum Hi Meri Nahi Thi.​

Main Dukhi Nahi Tha,​

Us Waqt Bhi Jab Main Apne Hathon Ki Rekha Main Tumhai Pata Tha​

Or Chahakar Bhi Unhai Mita Nahi Paata Tha,​

Main Dukhi Kabhi Nahi Tha Kabhi Bhi Nahi.​

Us waqt bhi nahi jab main hasna chahata tha ,​

khush rahana chahata tha​

or main aesa nahi kar paata tha...​

 

[Afrasham_afi]

WO Shakhs Kabhi Dasht Se Guzrey To Usey Kehna,
Ik Pal Mere Ghar Mein Bhi Thehrey Usey Kehna..

Kehna K Samandar K Kinarey Pe Na Jaaey,
Kuch Log Samandar Se Bhi Hain Gehrey Usey Kehna..

Zarkhaiz Zameenen kabhi Banjar Nahi Hotin,
Dariya Hi Badal Lete Hain Rasta Usey Kehna..

Kuch Log Safar K Liye Mozoon Nahi Hote,
Kuch Rastey Kat-Tay Nahi Tanha Usey Kehna..

Is Shehr Mein Sach Keh K Guneh'gaar Na Hona,
K Basti K Sabhi Log Hain Behrey Usey Kehna..​

 

[Afrasham_afi]

Toot jaye na bharam honth hilaon kaise,​

Haal jaisa bhi ho logon ko sunaon kaise,​

Khushk aankhon se bhi ashkon ki mehak aati hai,​

Main uss ke gam ko zamane se chupaon kaise,​

Phool hoti to main us ke dar pe saja bhi deti,​

Zakhm le ke uski dehleez pe jaon kaise,​

Wo rulata hai to jee bhar ke rulaye mujhe Lekin,​

Wo meri aankhen hai, Main usko rulaon kaise?​

 

[Afrasham_afi]

Tareeki mein ik shamma jala kyun nahi dete​

Arzu mujhay apni bata kyun nahi dete​

​

Apnay ho to dil mein jaga kyun nahi dete​

Pathar hun to raste se hata kyun nahi dete​

​

Har roz gira dete ho deewar-e-muhabbat​

Ik roz mera ghar he jala kyun nahi dete​

​

Darbanoon se sar'goshiyan achi nahi jaana​

Tum khud mujhay mehfil sy utha kyun nahi dete​

​

Jab tery dil main jaga nahi to "SHANI"​

Dunya mein meri aag laga kyun nahi dete​

 

[Afrasham_afi]

Hum se tas'kher muqadar k sitare na hue​

Zindagi ap the or Ap hamaray na hue​

​

Phir btao k bhala kis pe sitam dhao ge?​

Shehr-e-Ulfat main agar dard k maray na hue​

​

Sach to ye hai k bina us k guzara jeewan​

Ye b such hai k bina us k guzare na hue​

​

Is liye apna milan ho b nahi sakta tha​

Ik darya k kabhi dono kinare na hue​

​

Toot jate hain sabhi pyaar k rishte "Mohsin"​

Kache dhage to kisi k bhi sahare na hue​

 

[Afrasham_afi]

Wo jazbon ki tejarat thi ye dil kuch aur samja tha​

usey hansne ki aadat thi ye dil kuch aur samja tha​

​

​

Muje us ne kaha aao nai dunya basate hain​

usey soojhi shararat thi ye dil kuch aur samja tha​

​

Hamesha us ki ankhon main dhanak se rang hote thy​

ye us ki aam halat thi ye dil kuch aur samja tha​

​

Wo mery paas bethi der tak ghazlen meri sunti​

usey khud se mohabat thi ye dil kuch aur samja tha​

​

Mery kandhe per ser rakh ker kahin per kho gae thi wo​

ye ik waqti enayat thi ye dil kuch aur samja tha​

​

Muje wo dekh ker aksar nigahen pher leti thi​

ye dar parda haqarat thi ye dil kuch aur samja tha.​

 

[Afrasham_afi]

Wo jazbon ki tejarat thi ye dil kuch aur samja tha​

usey hansne ki aadat thi ye dil kuch aur samja tha​

​

​

Muje us ne kaha aao nai dunya basate hain​

usey soojhi shararat thi ye dil kuch aur samja tha​

​

Hamesha us ki ankhon main dhanak se rang hote thy​

ye us ki aam halat thi ye dil kuch aur samja tha​

​

Wo mery paas bethi der tak ghazlen meri sunti​

usey khud se mohabat thi ye dil kuch aur samja tha​

​

Mery kandhe per ser rakh ker kahin per kho gae thi wo​

ye ik waqti enayat thi ye dil kuch aur samja tha​

​

Muje wo dekh ker aksar nigahen pher leti thi​

ye dar parda haqarat thi ye dil kuch aur samja tha.​

 

[Afrasham_afi]

Ghum-o-Dukh k ye isharay tum na samjho ge​

Jo din hum ne tumhare bin guzare tum na samjho ge​

​

Tumhain kese batain tum hamaray waste kya ho​

Samandar ki kahani mein kinaray tum na samjho ge​

​

Bus itna jan lo ik shakhs se hum ne muhabbat ki​

Hamary tootne ka khail payare tum na samjho ge​

​

Hazaron mushkilon se khail kar bhi jeetney wale​

Ye aakhir kis jaga per aa k haray tum na samjho ge​

 

[Afrasham_afi]

Tamana phir machal jaye agar tum milne chale aao​

Ye mosam b badal jaye agar tum milne chaley aao​

​

Nahi milty ho mujhse tum to sub hamdard hain mere​

Zamana mujh se jal jaye agar tum milne chaley aao​

​

Mujhe gham hai k maine zindagi main kuch nahi paya​

Ye gham Dil sy nikal jaye agar tum milne chaley aao​

 

[Afrasham_afi]

Mohabbat ka Bharam Hota to Phir kuch Soch kr Jatay,​

Warna Zindagi Ban k Mere Hamdam Guzar Jatay,​

​

Thakay Haaray Prindon Ko Jo Dekha to Khayal Aaya,​

Koi Jo Muntazir Hota To Hum Bhi Apny Ghar Jatay,​

​

Main Kha K Dard ki Thokar abhi tak Hosla Mand hoon,​

Ye Thokar Jo Tumhen Lagti To Tum khud Bhi Bikhar Jatay,​

​

Is Tanhai Ka Hum Pe Bara Ehsan Hai "Mohsin"​

Na Deti Saath Ye Apna To Janay Hum Kidhar Jatay..​

 

[Afrasham_afi]

Tujh se koi gilla nahin hai​

Qismat main meri silla nahin nahi​

​

Bichar ke to na-janey kia haal ho​

Jo shakhs abhi milla nahi hai​

​

Jeeney ki to aarzu hi kab thi​

Marney ka bhi hosla nahin hai​

​

Jo zeest ko mu-tabir bana dey​

Aesa koi silsila nahin hai​

​

Khushboo ka hisaab ho chuka​

Aur phool abhi khilla nahi hai​

​

Sershaari-e-rehbari main dekha​

Peechy mera qafilla nahin hai​

​

Ek thais pe dil ka phoot behna​

Chooney mein to aabla nahi hai​

​

 

[Afrasham_afi]

Puuraa dukh aur aadhaa chaaNd​

hijr kii shab aur aisaa chaaNd​

(hijr=separation; shab=night)​

itane ghane baadal ke piichhe​

kitanaa tanhaa hogaa chaaNd​

(tanhaa=lonely)​

merii karavaT par jaag uThe​

niind kaa kitanaa kachchaa chaaNd​

seharaa seharaa bhaTak rahaa hai​

apane ishq men sachchaa chaaNd​

(seharaa=desert)​

raat ke shaayad ek baje hain​

sotaa hogaa meraa chaaNd​

 

[Afrasham_afi]

Kamaal-e-zabt ko Khud bhii to aazamaa_uuNgii​

main apane haath se us kii dulhan sajaa_uuNgii​

supurd kar ke use chaaNdanii ke haathon​

main apane ghar ke aNdheron ko lauT aa_uuNgii​

badan ke karb ko vo bhii samajh na paayegaa​

main dil men rouuNgii aaNkhon men muskuraa_uuNgii​

vo kyaa gayaa ke rafaaqat ke saare lutf gaye​

main kis se ruuTh sakuuNgii kise manaa_uuNgii​

vo ik rishtaa-e-benaam bhii nahiin lekin​

main ab bhii us ke ishaaron pe sar jhukaa_uuNgii​

bichhaa diyaa thaa gulaabon ke saath apanaa vajuud​

vo so ke uThe to Khvaabon kii raakh uThaa_uuNgii​

ab us kaa fan to kisii aur se manasuub huaa​

main kis kii nazm akele men gun_gunaa_uuNgii​

(manasuub=attached)​

javaz DhuuNDh rahaa thaa na_ii muhabbat kaa​

vo kah rahaa thaa ke main us ko bhuul jaa_uuNgii​

(javaz=reason)​

sama'aton men ghane jangalon kii saaNsen hain​

main ab kabhii terii aavaaz sun na paa_uuNgii​

 

[Afrasham_afi]

Rukane kaa samay guzar gayaa hai​

jaanaa teraa ab Thahar gayaa hai​

ruKhsat kii ghaDii khaDii hai sar par​

dil ko_ii do-niim kar gayaa hai​

maatam kii fazaa hai shahar-e-dil men​

mujh men ko_ii shaKhs mar gayaa hai​

bujhane ko hai phir se chashm-e-nargis​

phir Khvaab-e-sabaa bikhar gayaa hai​

bas ik nigaah kii thii us ne​

saaraa cheharaa nikhar gayaa hai​

 

[Afrasham_afi]

sabz maddham roshanii men surKh aaNchal kii dhanak​

sard kamare men machalatii garm saaNson kii mahak​

baazuuon ke sakht halqe men ko_ii naazuk badan​

silvaTen malabuus par aaNchal bhii kuchh Dhalakaa huaa​

garmii-e-ruKhsaar se dahakii hu_ii ThaanDii havaa​

narm zulfon se mulaayam uNgaliyon kii chheD chhaaD​

surKh honThon par sharaarat ke kisii lamhen kaa aks​

reshamii baahon men chuuDii kii kabhii maddham dhanak​

sharmagiin lahajon men dhiire se kabhii chaahat kii baat​

do dilon kii dhaDakanon men guuNjatii thii ek sadaa​

kaaNpate honThon pe thii allaah se sirf ek duaa​

kaash ye lamhe Thahar jaayen Thahar jaayen zaraa​

 

[Afrasham_afi]

sundar komal sapanon kii baaraat guzar ga_ii jaanaaN
dhuup aaNkhon tak aa pahuNchii hai raat guzar ga_ii jaanaaN

(komal=soft)

bhor samay tak jis ne hamen baaham ulajhaaye rakhaa
vo albelii resham jaisii baat guzar ga_ii jaanaaN

(baaham=with each other)

sadaa kii dekhii raat hamen is baar milii to chup ke se
Khaalii haath pe rakh ke kyaa sauGaat guzar ga_ii jaanaaN

kis konpal kii aas men ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaaN

log na jaane kin raaton kii muuraaden maaNgaa karate hain
apanii raat to vo jo tere saath guzar ga_ii jaanaaN​