!!!!!!!!!!!shayari Collection!!!!!!!!!!!!!!!

[Afrasham_afi]

Tamana phir machal jaye agar tum milne chale aao​

Ye mosam b badal jaye agar tum milne chaley aao​

​

Nahi milty ho mujhse tum to sub hamdard hain mere​

Zamana mujh se jal jaye agar tum milne chaley aao​

​

Mujhe gham hai k maine zindagi main kuch nahi paya​

Ye gham Dil sy nikal jaye agar tum milne chaley aao​

 

[Afrasham_afi]

Mohabbat ka Bharam Hota to Phir kuch Soch kr Jatay,​

Warna Zindagi Ban k Mere Hamdam Guzar Jatay,​

​

Thakay Haaray Prindon Ko Jo Dekha to Khayal Aaya,​

Koi Jo Muntazir Hota To Hum Bhi Apny Ghar Jatay,​

​

Main Kha K Dard ki Thokar abhi tak Hosla Mand hoon,​

Ye Thokar Jo Tumhen Lagti To Tum khud Bhi Bikhar Jatay,​

​

Is Tanhai Ka Hum Pe Bara Ehsan Hai "Mohsin"​

Na Deti Saath Ye Apna To Janay Hum Kidhar Jatay..​

 

[Afrasham_afi]

Achanak berukhi itni,​

Batao to howa kia he?​

Manaon kis tarhan tum ko,​

Muje itna to batla do.​

Agar ab ho sake tum se,​

To ye ahsaan farma do.​

Meri manzil DOSTI he,​

Muje manzil pe pohancha do.​

Tumhare aankh mein ansu,​

Mujhe ache nahi lagty.​

Tumhare naram honton pe…​

Gily ache nahi lagty.​

Tumhare muskarane se,​

mera dil muskarata he.​

Tumhare rooth jaane se,​

Mera dil toot jata he.​

 

[Afrasham_afi]

Apne dil ko sanbhalo aur so jao,​

Aansoo ankhon mein chupa lo or so jao,​

Kuch nai milta ishq me siwaye is k,​

Ghum ki barish me naha lo or so jao,​

Chor do ye raaton ko dair tak jagna,​

Us ki yaad dil se mita lo aur so jao,​

Ishq mein hamesha bewafai hi hoti he GHALIB,​

Ye baat zehan me bitha lo aur so jao.​

 

[Afrasham_afi]

Aadat hi bana li hai es sheher k logon nay​

Andaaz badal lena,awaaz badal lena​

Dunia ki muhabbat main atwaar badal lena​

Mosaum jo naya aaye raftaar badal lena​

Agyaar wohi rakhna aehbaab badal lena​

Aadat hi bana li hai es sheher k logon nay​

Rasty main agar milna nazron ko jhooka lena​

Awaaz agar do to katra k nikal jana​

Har ek say juda rehna har ek say khafa rehna Har ek ka gila karna​

Jaty hoye raahi ko manzil ka pata day kar rasty main rula dena​

Aadat hi bana li hai es sheher k logon nay​

 

[Afrasham_afi]

ssay apnay farda ki fikr thi, woh jo mera waqif-e-haal tha​

​

Woh jo uss ki subh-e-urooj thi wohi mera waqt-e-zawal tha​

​

Mera dard kaisay woh janta, meri baat kaisay woh manta​

​

Woh tou khud fana kay safr mein tha, ussay rokna bhi ma'haal tha​

​

Kahan jao gay muje chor kay, mein pooch pooch kay thak gya​

​

Woh muj ko jawab na day saka, woh tou khud sarapa-e-sawal tha​

​

Dam-e-wapsi ussay kya hua, na woh roshni na woh tazgi​

​

Woh sitara kaisay bikhar gya jo aap apni misal tha​

​

Woh mila tou sadyoon kay baad bhi merey lab pe koi gila na tha​

​

Ussay meri chup ne rula diya jissay guftugoo mein kamal tha

Mere saath lag ke wo ro diya mujhay sirf itna hee keh saka​

Jisay jaanta tha main zindagi wo to mera weham-o-khayaal tha​

​

 

[Afrasham_afi]

Bazi e Ishq Kuch Es Tarah Se Harey Yaroo​

Zakham Per Zakham Lagey Dil Pe Humare Yaroo​

​

​

Koi To Aisa Ho Jo Ghao Per Marham Rakhey​

Yuun To Dushman Na Bunno Sare Ke Sare Yaroo​

​

​

Bazm Main Ser Ko Jhukaye Huye Jo Bethy Hain​

In Ko Mat Cheroo Yeh Hain Ishq Ke Marey Yaroo​

​

​

Jinn Main Hoty Thy Kabhi Meher O Wafa Ke Moti​

In Hi Ankhon Main Sittam Ke Hain Sharary Yaroo​

​

​

Dost Hi Apny Jo Kerny Lageen Nazr E Tofaan​

Kaam Nahi Aty Phir Koi Saharey Yaroo​

​

​

Sang Gheroon Ne Jo Marey To Koi Dukha Na Hua​

Mer Gaye Tum Ne Mager Phool Jo Marey Yaroo​

​

​

Wo Jo Raha Dil Geer Tumhari Khatir​

Tum Ne Kya Kya Nahiin Taney Usy Marey Yaro​

 

[Afrasham_afi]

kuch na kehna chup chup rehna​

ye bhi ik udasi he​

​

​

hans kar saare sadme sehna ​

ye bhi ik udasi he​

​

​

​

bethe bethe kho se jaana​

younhi door khayalon main​

​

​

chalte chalte hanste rehna​

ye bhi ik udasi he​

​

​

maar ke kankar lehrain gin'na​

beth ke jheel kinare par​

​

​

kuch logon ka he ye kehna ​

ye bhi ik udasi he​

 

[Afrasham_afi]

ye jo chehre se tumhen lagte hain beemar se hum​

khob roye hain lipat kar dar-o-deewar se hum​

​

yar ki aankh main nafrat ne hamain qatl kiya​

kon kehta hai kate yar ki talwaar se hum​

​

ranj har rang k jholi main bhare hain hum ne​

jab bhi guzre hain kisi dard k bazaar se hum​

​

ishq main hukm adooli bhi hamain ati hai​

talne wale to nahi hain tere inkaar se hum​

 

[Afrasham_afi]

Aise bhi mohabbat ki saza deti hai dunia .​

mar jaye tu jenay ki dua deti hai dunia.​

​

hum kon say momen thay jo ilzam na sehtay .​

pather ko bhagwan bana deti hai dunia .​

ye zakham mohabbat ka hai dekhnana na kisi ko .​

La kar saray bazar saja deti hai dunia .​

Qismat per karo naz na itna bhi faqeero .​

haton ki lakeeron ko mita deti hai dunia .​

marnay kay liye majboor tu karti hai ye lekin.​

Jeenay kay tareeqay bhi sekha deti hai dunia .​

 

[Afrasham_afi]

Veeran bohat hoon wasl say tashkeel ker mujhay​

Tu mujh se piar ker zara tabdeel ker mujhay​

Sehra ki tapti rait se aa ker mujhay bacha​

Tu thanday meethay paani ki ik jheel ker mujhay​

Ho jain na khrab kaheen adtain meri​

Her hukam per na is trah taameel ker mujhay​

Ab is trah se mujh ko adhoora na chor tu​

Main wada hunt era tu takmeel ker mujhay​

Chhoo ker meray wajood ko tajalli c bakhsh day​

Main ik adhoori raat hun takmeel ker mujhay​

 

[Afrasham_afi]

wo jazbon ki tijarat thi ye dil kuch aur samjha tha​

use hansne ki aadat thi ye dil kuch aur samjha tha​

​

mujhe us ne kaha ao nae dunya basatay hain​

use soojhi shararat thi ye dil kuch aur samjha tha​

​

hamesha uski ankhoun me dhanak se rang hote the​

ye uski aam si haalat thi ye dil kuch aur samjha tha​

​

wo meeray paas betha dair tak ghazlain meri sunta tha​

use khud se muhabbat thi ye dil kuch aur samjha tha​

 

[Afrasham_afi]

Kab talk pyas k sehara main Jhulaste jayen,​

Ab ye baadal jo uthe hain tou Barasate jayen​

​

Kaun batalaye tumhen kaise vo mausam hain k jo,​

Mujhse hi duur rahen mujh men hi Basate jayen​

​

Ha`aye kya log ye Aabaad huye hain mujh main,​

Pyaar k lafz likhen,Lahaje se Dhasate jayen​

​

Aaiina dekhun tou ik chehare k Be-rang Nuquush,​

Ek Nadida sii Zanjiir main kasate jayen​

​

Juzz muhabbat kise Aaya hai muyassar ummiid,​

Aisa lamhaa k Jidhr Sadiyon k raste jayen​

 

[Afrasham_afi]

Koi deewana kehta hakoi pagal samjhta ha,​

magar dharti ki bechani ko bas badal samjhta ha,
​

Main tujhse dur kaisa hu,tu mujhse dur kaisi ha,
​

Yeh tera dil samjhta hain ya mera dil samjhta ha,
​

Ke mohobbat ek ehsaason ki paawan si kahaani ha,
​

kabhi kabira deewana tha kabhi meera diwaani ha,
​

Yahaan sab log kehte hain meri aakho mein aasu ha,
​

Jo tu samjhe toh moti hain jo na samjhe toh paani ha,
​

Samandar peer ka andar hain lekin ro nahi sakta,
​

Yeh aasu pyaar ka moti hain isko kho nahi sakta,
​

Meri chahat ko dulhan tu bana lena magar sun le,
​

Jo mera ho nahi paaya woh tera ho nahi sakta
​

Bhramar koi kumudni par machal baitha toh hungama,
​

Humare dil mein koi khwaab pal baitha toh hungama,
​

Abhi tak doob kar sunte the sab kissa mohobbat ka,
​

Main kisse ko hakikat mein badal baitha toh hungama,​

 

[Afrasham_afi]

Gulab Chehray PAy muskrahit...​

​

Chamkti ankhoon Main Shokh JAzbay​

​

Wo jab bhi College ki serioon Say ​

​

Sehelion ko liye utarti... ​

​

K JAisay Dil Main uter rahi ho ​

​

Wo apnay Rastay main dil bechatai Hui​

​

nighahoon Se HAns ke kahti...​

​

Main Sahil ki hawa hoon...​

​

Neelay Samndroon ke liye bany hoon....​

​

Wo Apni Rahoon Main Sir bichati hui​

​

Nigahon Say hans ke kahti...​

​

Tumharay JAisay ​

​

bohat Say larkon Say ​

​

main yeh batien...​

​

bohat Se barsoon se sun rahi hoon...​

​

Main Sahil ki hawa hoon...​

​

neelay samndroon ke liye bani hoon...​

​

Wo Sahilloon ki hawa JAisy larki...​

​

Wo kal mili thi ​

​

ussi tarah thi...​

​

Gulab chehray pe muskurahat...​

​

Chamkti ankhoon main shokh JAzbay...​

​

K jaisay Dil main uter rahi ho...​

​

Magar jab Wo Boli ​

​

To us ke lehjay main Wo Thakan thi...​

​

K JAisay Sadioon Say Dasht_E_Zulmat ​

​

MAin Chalty rahi ho...!!!​

 

[Afrasham_afi]

pasine pasine hue jaa rahe ho ​

​

ye bolo kahaan se chale aa rahe ho ​

​

hamen sabr karane ko kah to rahe ho ​

​

magar dekh lo Khud hii ghabara rahe ho ​

​

ye kisaki buri tum ko nazar lag gai hai ​

​

bahaaron ke mausam men murjha rahe ho ​

​

ye aaina hai ye to sach hi kahegaa​

​

kyon apani haqiqat se katara rahe ho​

 

[Afrasham_afi]

ye bhi nahin bimaar na the​

itane junuun aasar na the​

logon ka kya zikr karen​

ham bhi kam ayyar na the​

ghar men aur bahut kuch tha​

sirf dar-o-diivar na the​

sab par hansana shevaah tha​

jab tak Khud us par na the​

terii Khabar mil jatii thi​

shahar men jab aKhbaar na the​

pahale bhi sab kuchh bikata tha​

Khvaabon ke bazaar na the​

maut ki baaten pyaarii thin​

marane ko tayyar na the​

 

[Afrasham_afi]

barey masoom jazboob se​

​

wo apne shokh hathoon par​

wafa ki surkh mehndi se​

USSi ka naam likhti ha....​

jisse wo pyar krti ha..​

magar wo na-samaj larki​

abhi tk ye nahi samjhi​

k sapney toot jaen to​

bohat barbaad krtey hian​

yeh uljhey rang hathon par​

kabhi tehra nahi krtey​

mohabat to haqeqat ha ..​

koi sapna nahi hota​

kissi ka naam likhney se​

​

koi apna nahi hota.......​

 

[Afrasham_afi]

samandaR k safaR maiN is taRha awaz day hum ko​

hawa'yeN taiz hooN auR kashtioN maiN sham ho jaeY​

​

mujhaY maloom hai is ka thikana phiR kahaN ho gha​

prinda asmaaN choonaY maiN jab nakam ho jaeY​

​

ujalaY apni yadooN k hamaRay sath rahnaY do​

na janaY kis gali maiN zindghi ki shaam ho jaeY​

 

[Afrasham_afi]

kaha us ne ke shaakhon se,​

​

judaa phoolon ko karne kii​

​

hawaaon ki jo saazish hai ,​

​

use achchi nahi lagti​

​

faqat ik pal ko jii chaaha​

​

use itna to keh doon aaj​

​

mohabbat​

​

phool ki in pattiyon se barrh ke​

​

naazuk thi​

​

jise qadmon tale is ne​

​

kabhi ka rond daala hai​