ahab MASHAALLAH nice replies@Hoorain
1.waise to aap k bohat se pasandeeda writer hain lakin sab se ziada kis se mutasir hain jo aap k khayal may sab se munfarid likhte hain?
Mai’n ney do writers key naam diye to hai’n aur do is liye keh who donoo’n alag alag andaz sey likhney waley munfarid writers hai’n,
(i)Janab Ashfaq Ahmed (marhoom)
(ii)Janab Naseem Hijazi(marhoom)
2.aap k articles kis naam se publish hote hain?
Aaj kal to time hi nahi’n nikal pata jis zamaney mai’n likhta tha to apney real naam sey hi likhta tha aur magazines mai’n jo stories likhi’n who bhi real naam sey hi likhi’n.
3.ALfazz ka chunao Tereer k purasar hone may kis had tak asar andaz hota hay?
Is mai’n koi shak nahi’n keh achey aur pur asr lafzoo’n ka intikhab kisi bhi tehreer ko char chand laga daiti hey laikin mairey khayal mai’n ager aap kisi bhi tehreer ko dil sey likhtey hai’n to phir na to sochney ki zaroret perti hey aur na hi lafzoo’n key chunaow ki her wo lafz jo dil sey guzer ker qalam key zerye kaghaz per muntaqil hota hey qari key dil mai’n uter jata hey.
4.baaz auqat aise hota hay k do log aik hi baat akr rhe hote hain lakin un may se kisi aik ki baat ziada asar rakhti hay aur sab ziada jaldi qayl ho jate hain aap k khayal se uski kia wja hay?
Buhat sey log dosroo’n ko mutasir kerney key liye bhari bhari lafzoo’n ka intikhab kertey hai’n laikin log unhai’n samajh nahi’n patey laikin jo baat sada lafzoo’n mai’n baya’n ki jati hey wo asan fehem hoti hey aur sub sey berh ker to ye keh baat key peechey kehney waley ki neeyet kaisi hey ager neeyet naik hey to asr zaror hota hey.
5.Ghar may aapki tehreer kon ziada shauq se parhta hay?
Sirf gher mai’n hi nahi’n belkeh mairey khandan key sarey log aur mairey tamam dost ahbab aur un ki families sub hi shoq sey perhtey hai’n siwaye tumhari bhabi key.
6.ghar waalon ki taraf se kon tanqeedi tabsra karta hay aap k articles waghaira par?
Aaj tek to kisi ney tanqeed nahi’n ki haa’n hosla afzai zaror ki hey.
7.koi kisi baat par tanqeed kare to aapka response kia hota hay?
Mairi koshish hamaisha yehi hoti hey keh tanqeed ko masbet andaz sey lia jaye keh ye tanqeed hi hoti hey jo aap ki khamiyoo’n k odor kerney mai’n madedgar sabit hoti hey
8.aksar logon ki taraf se Konsa sawal aisa hay jisa ka jawab daite huye koft hoti hay?
Koi bhi nahi’n
aur hmari bhabhi kio nhi parhti?