Jaun Elia (syed Muhammad Taqi )

[Just_Like_Roze]

جو رعنائی نگاہوں کے لئے فردوسِ جلوہ ہے
لباسِ مفلسی میں کتنی بے قیمت نظر آتی
یہاں تو جاذبیت بھی ہے دولت ہی کی پروردہ
یہ لڑکی فاقہ کش ہوتی تو بدصورت نظر آتی​

 

[NXXXS]

hmmm...........nice

 

[Just_Like_Roze]

روح پیاسی کہاں سے آتی ہے
یہ اداسی کہاں سے آتی ہے


ایک زندانِ بے دلی اور شام
یہ صبا سی کہاں سے آتی ہے


تو ہے پہلو میں پھر تری خوشبو
ہو کے باسی کہاں سے آتی ہے​

 

[Just_Like_Roze]

تھی گر آنے میں مصلحت حائل
یاد آنا کوئی ضروری تھا


دیکھیے ہو گئی غلط فہمی
مسکرانا کوئی ضروری تھا


لیجیے بات ہی نہ یاد رہی
گُنگُنانا کوئی ضروری تھا


گُنگُنا کر مری جواں غزلیں
جھُوم جانا کوئی ضروری تھا


مجھ کو پا کر کسی خیال میں گُم
چھُپ کے آنا کوئی ضروری تھا


اُف وہ زلفیں ، وہ ناگنیں ، وہ ہنسی
یوں ڈرانا کوئی ضروری تھا


اور ایسے اہم مذاق کے بعد
رُوٹھ جانا کوئی ضروری تھا​

 

[Just_Like_Roze]

کیا ہو گئیں اپنی وعدہ گاہیں
ہر چیز بدل گئی یہاں تو
میں شہرِ وفا سے آ رہا ہوں
کوئی بھی نہیں مِلا وہاں تو​

 

[Just_Like_Roze]

سینہ دہک رہا ہو تو کیا چُپ رہے کوئی
کیوں چیخ چیخ کر نہ گلا چھیل لے کوئی


ثابت ہُوا سکونِ دل و جان نہیں کہیں
رشتوں میں ڈھونڈتا ہے تو ڈھونڈا کرے کوئی


ترکِ تعلقات تو کوئی مسئلہ نہیں
یہ تو وہ راستہ ہے کہ چل پڑے کوئی


دیوار جانتا تھا جسے میں، وہ دھول تھی
اب مجھ کو اعتماد کی دعوت نہ دے کوئی


میں خود یہ چاہتا ہوں کہ حالات ہوں خراب
میرے خلاف زہر اُگلتا پھرے کوئی!!!!


اے شخص اب تو مجھ کو سبھی کچھ قبول ہے
یہ بھی قبول ہے کہ تجھے چھین لے کوئی !!


ہاں ٹھیک ہے میں اپنی اَنا کا مریض ہوں
آخر مرے مزاج میں کیوں دخل دے کوئی


اک شخص کر رہا ہے ابھی تک وفا کا ذکر
کاش اس زباں دراز کا منہ نوچ لے کوئی​

 

[Just_Like_Roze]

نشۂ ناز نے بے حال کیا ہے تم کو
اپنے ہی زور میں کمزور ہوئی جاتی ہو
میں کوئی آگ نہیں، آنچ نہیں، دھوپ نہیں
کیوں پسینہ میں شرابور ہوئی جاتی ہو​

 

[Just_Like_Roze]

عشق پیچاں کی صندل پر جانے کس دن بیل چڑھے
کیاری میں پانی ٹھہرا ہے دیواروں پر کائی ہے


حسن کے جانے کتنے چہرے حسن کے جانے کتنے نام
عشق کا پیشہ حسن پرستی عشق بڑا ہرجائی ہے


آج بہت دن بعد میں اپنے کمرے تک آ نکلا تھا
جوں ہی دروازہ کھولا ہے اس کی خوشبو آئی ہے


ایک تو اتنا حبس ہے پھر میں سانسیں روکے بیٹھا ہوں
ویرانی نے جھاڑو دے کے گھر میں دھول اڑائی ہے​

 

[Just_Like_Roze]

کسی حال میں نہیں ہوں کوئی حال اب نہیں ہے
جو گئی پلک تلک تھا وہ خیال اب نہیں ہے


میں سکون پا سکوں گا یہ گماں بھی کیوں کیا تھا
ہے یہی ملال کیا کم کہ ملال اب نہیں ہے


نہ رہے اب اس کے دل میں خلشِ شکستِ وعدہ
کہ یہاں کوئی حسابِ مہ و سال اب نہیں ہے


یہ دیارِ دید کیا ہے گئے دشتِ دل سے بھی ہم
کہ ختن زمین میں بھی وہ غزال اب نہیں ہے


جو لیے لیے پھری ہے تجھے روز اک نگر میں
مرے دل ترے نگر میں وہ مثال اب نہیں ہے


لبِ پُر سوال لے کے ہمیں کُو بہ کُو ہے پھِرنا
ہو کوئی جواب بر لب یہ سوال اب نہیں ہے​

 

[NXXXS]

hmm......

 

[cute bhoot]

 

[NXXXS]

ایک شخص اس طرح میرے دل میں اتر گیا
جیسے وه جانتا تھا میرے دل کا راستہ....!!

 

[Just_Like_Roze]

جون ایلیا
گھر سے ہم گھر تلک گئےہوں گے
اپنے ھی آپ تلک گئے ہوں گے

ہم جو اب آدمی ہیں پہلے کبھی
جام ہوں گے چھلک گئے ہوں گے

وہ بھی اب ہم سے تھک گیا ہو گا
ہم بھی اب اس سے تھک گئے ہوں گے

کتنے ہی لوگ حرص شہرت میں
دار پر خود لٹک گئے ہوں گے

شکر ہے اس نگاہ کم کا میاں
پہلے ھی ہم کھٹک گئے ھوں گے

ہم تو اپنی تلاش میں اکثر
از سما تا سمک گئے ھوں گے

اس کا لشکر جہاں تہاں یعنی
ہم بھی بس بے کمک گئے ہوں گے

شب جو ہم سے ہوا معاف کرو
پی نہیں تھی بہک گئے ہوں گے

جون ، اللہ اور یہ عالم
بیچ میں ہم اٹک گئے ہوں گے
​

 

[NXXXS]

hmmmm................

 

[HorrorReturns]

ان فورموں پہ اداسی
بال کھول کر ڈانس کر رہی ہے

چھوٹے چھوٹے بچے ہیں
بس اشعار لگا سکتے ہیں

Joon horror

 

[Just_Like_Roze]

اب نکل آؤ اپنے اندر سے
گھر میں سامان کی ضرورت ہے


ہم نے جانا تو ہم نے یہ جانا
جو نہیں ہے وہ خوبصورت ہے


خواہشیں دل کا ساتھ چھوڑ گئیں
یہ اذیت بڑی اذیت ہے


لوگ مصروف جانتے ہیں مجھے
ہاں میرا غم ہی میری فرصت ہے


آج کا دن بھی عیش سے گزرا
سر سا پا تک بدن سلامت ہے​

 

[Just_Like_Roze]

آپ اپنا غبار تھے ہم تو
یاد تھے یادگار تھے ہم تو


پردگی! ہم سے کیوں رکھا پردہ
تیرے ہی پردہ دار تھے ہم تو


وقت کی دھوپ میں تمہارے لیے
شجرِ سایہ دار تھے ہم تو


اُڑتے جاتے ہیں دھُول کے مانند
آندھیوں پر سوار تھے ہم تو


ہم نے کیوں خود پہ اعتبار کیا
سخت بے اعتبار تھے ہم تو


شرم ہے اپنی بار باری کی
بے سبب بار بار تھے ہم تو


کیوں ہمیں کر دیا گیا مجبور
خود ہی بے اختیار تھے ہم تو​

 

[Just_Like_Roze]

تم
تمہارا نام
لیکن میں نے یہ نام پہلی بار تم سے ہی سُنا ہے
کون ہو تم
کون تھیں تم
اب رہا میں یعنی میں
میں تو کبھی تھا ہی نہیں
تھا ہی نہیں میں
اور سارے کاغذوں پر صرف انگارے لکھے ہیں
صرف انگارے
تم مجھے بتاؤ تو۔۔۔۔


تم نے مجھ کو لکھا ہے، میرے خط جلا دیجے
مجھ کو فکر رہتی ہے آپ انہیں گنوا دیجے
آپ کا کوئی ساتھی دیکھ لے تو کیا ہو گا
دیکھیے میں کہتی ہوں یہ بہت بُرا ہو گا​

 

[Just_Like_Roze]

میں بھی کچھ کہوں تم سے اے مری فروزینہ
زشکِ سروِ سیمینا
اے بہ نازُکی مینا
اے بہ جلوہ آئینہ
میں تمہارے ہر خط کو لوحِ دل سمجھتا ہوں
لوحِ دل جلا دوں کیا
سطر سطر ہے ان کی، کہکشاں خیالوں کی
کہکشاں لُٹا دوں کیا
جو بھی حرف ہے ان کا ، نقشِ جانِ شیریں ہے
نقشِ جاں مٹا دوں کیا
ان کا جو بھی نقطہ ہے، ہے سوادِ بینائی
میں انہیں گنوا دوں کیا
لوحِ دل جلا دوں کیا
کہکشاں لُٹا دوں کیا
نقشِ جاں مٹا دوں کیا​

 

[Just_Like_Roze]

مجھ کو ایسے خط لکھ کر اپنی سوچ میں شاید
جرم کر گئی ہو تم
اور خیال آنے پر اس سے ڈر گئی ہو تم
جُرم کے تصور میں گر یہ خط لکھے تم نے
پھر تو میری رائے میں جُرم ہی کئے تم نے
اے مری فروزینہ!
دل کی جانِ زرّینا!
رنگ رنگ رنگینا!
بات جو ہے وہ کیا ہے
تم مجھے بتاؤ تو ۔۔۔۔۔
میں تمہیں نہیں سمجھا
تم سمجھ میں آؤ تو
جُرم کیوں کیے تم نے
خط ہی کیوں لکھے تم نے​