Us nay thak ker ser bed crown se tika diya or aankhain mondleen, us ka dil udaas tha, rooh bojhal thi.
ab usay rahat chahiye thi, sukoon chahiyey tha.
apnay khandaan walon ki qed se nikalnay kay ehsaas ko mehsoos kerney ki his chahiye thi.
usay gham se nijaat chahiye thi.
us nay holay say labon ko herkat di or aankhain monday dheemii awaaz main dua mangnay lagi
" Ya Alllah, Main aap ki bandi hun, aor aap kay banday ki betee hun, or apki bandee ki betee hun,. meri peshaani ap key qaboo main hai, merey haq me aap ka hukm jaari hai, aap ka faisla merey baray me insaan per mabni hai..
Main aap se sawal kerti hun, aap ker her us naam k wastay se jo aap nay apnay lye pasand kiya, ya apni kitaab main utara, ya apni makhlooq me say kisi ko sikhaya ya apnay ilm ghaib main aap ne is ko ikhtyar ker rkha hai.is baat ko k aap QURAN E Azeem ko merey dil ki bahar or meri aankhon ka noor bana dain or mere fikr or gham ko ley janay ka zariya bana dain"
wo dua k alfaaz ko bar bar dohrati gyee, yahan tak k dil main sukoon uter gaya. uski aankhain bojhal hogain or wo neend main doob gyee. ...(mushaf)