Faiz Ahmed Faiz Ghazal's In Urdu.

[AnadiL]

‎--
"اے نئے سال"

اے نئے سال بتا، تُجھ ميں نيا پن کيا ہے؟
ہر طرف خلق نے کيوں شور مچا رکھا ہے؟

روشنی دن کی وہی، تاروں بھری رات وہی
آج ہم کو نظر آتی ہے ہر ايک بات وہی

آسمان بدلا ہے افسوس، نا بدلی ہے زميں
ايک ہندسے کا بدلنا کوئی جِدت تو نہيں

اگلے برسوں کی طرح ہوں گے قرينے تيرے
کسے معلوم نہيں بارہ مہينے تيرے

جنوری، فروری اور مارچ ميں پڑے گي سردی
اور اپريل، مئی اور جون ميں ہو گی گرمی

تيرا انسان دہر ميں کچھ کھوئے گا کچھ پائے گا
اپنی ميعاد ختم کر کے چلا جائے گا

تو نيا ہے، تو دکھلا صبح نئی، شام نئی
ورنہ اِن آنکھوں نے ديکھے ہيں نئے سال کئی

بے سبب لوگ ديتے ہيں کيوں مبارک باديں
غالبا بھول گئے وقت کی کڑوی ياديں

تيری آمد سے گھٹی عمر جہاں سے سب کی
فيض نے لکھی ہے يہ نظم نرالے ڈھب کی

(شاعر: فیض احمد فیض)

 

[AnadiL]

 

[AnadiL]

تم جو پل بھر کو ٹھر جائو تو یہ لمحے
آنے والے کئی لمحوں کی امانت ہو جائیں
تم جو ٹھر جائو تو یہ رات،یہ مہتاب
یہ سبزہ،یہ گلاب اور ہم دونوں کے خواب
سب کے سب ایسے بہم ہوں کے حقیقت ہو جائیں
تم ٹھر جائو کہ عنوان کی تفسیر ہو تم
تم سے تلخئ اوقات کا موسم بدلے
رات تو کیا بدلے گی،حالات تو کیا بدلیں گے
تم جو ٹھر جائو تو میری ذات کا موسم بدلے
مہرباں ہو کہ نہ ٹھرو،تو پھر یوں ٹھرو
جیسے پل بھر کوئی خوابِ تمنا ٹھرے
جیسے درویش مدح نوش کے پیالے میں کبھی
ایک دو پل کے لیئے تلخئ دنیا ٹھرے
ٹھر جائو کے مدارت کے مئے خانے سے
چلتے چلتے کوئی ایک آدھ سبو ہو جائے
اس سے پہلے کہ کوئی لمحہءِ آئندہ کا تیر
اس طرح آئے کہ پیوستِ گلو ہو جائے​

 

[AnadiL]

وہ لوگ بہت خوش قسمت تھے
جو عشق کو کام سمجھتے تھے
یا کام سے عاشقی کرتے تھے
ہم جیتے جی مصروف رہے
کچھ عشق کیا،کچھ کام کیا
کام عشق کے آڑے آتا رہا
اور عشق کام سے الجھتا رہا
پھر آخر تنگ آکر ہم نے
دونون کو ادھورا چھوڑ دیا

 

[AnadiL]

تم آئے ہو نہ شب انتظار گزری ہے
تلاش میں ہے سحر بار بار گزری ہے

جنوں میں جتنی بھی گزری بکار گزری ہے
اگرچہ دل پہ خرابی ہزار گزری ہے

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے

نہ گل کھلے ہیں،نہ ان سے ملے ہیں،نہ مے پی ہے
عجب رنگ میں اب کے بہار گزری ہے

چمن میں غارت گلچیں پہ جانے کیا گزری
قفس سے آج صبا بے قرار گزری ہے

 

[AnadiL]

تجھ سے کھیلی ہیں وہ محبوب ہوائیں جن میں
اس کے ملبوس کی افسردہ مہک باقی ہے
تجھ پہ بھی برسا ہے اس بام سے مہتاب کا نور
جس میں بیتی ہوئی راتوں کی کسک باقی ہے

تو نے دیکھی ہے وہ پیشانی،وہ رخسار،وہ ہونٹ
زندگی جن کے تصور میں لٹادی ہم نے
تجھ پر اٹھی ہیں وہ کھوئی ہوئی ساحر آنکھیں
تجھ کو معلوم ہے کیوں عمر گنوادی ہم نے

 

[AnadiL]

پھر نظر میں پھول مہکے،دل میں پھر شمعیں جلیں
پھر تصور نے لیا اس بزم میں جانے کا نام​

 

[AnadiL]

@Hoorain @Shiraz-Khan @khusboo @sOnO_ @Mahen @Chocolate_Hero @Asheer @Iceage-TM

 

[shailina]

zaburdust...
@Haya_Fatima

 

[Asheer]

sab achy hen

 

[Fanii]

wah wah

 

[AnadiL]

sab achy hen

Pata hai..

 

[AnadiL]

wah wah

thankuu..