Tere dar pe main jitna jhuka aur Utha, jo Namazo.n me jhukta to kya baat Thi......
Jitne Harf-e-mohabbat tujhe de diye, Wo Duao.n me rakhta to kya baat Thi.....
Main Waraq dar waraq Tujhko Likhta raha
Geet Bunta raha, Nazm Kahta raha,
Itne Afkaar APne Tere Husn par, Raayega.n jo na karta to kya baat Thi.....
Mere aansu the Tasbiih Teri Yaad ki
Jinpe har pal Ibaadat main karta raha,
Meri Har Saans tujhse jo Kahti Rahi, Tu Wo Mujhse bhi kahta to kya baat Thi....
Ek Phulo.n Ki Rangat Lab-e-Surkh par
Uspe Aankho me ye shishe ki saadgi,
Sab diya Hai khudaa ne Tumhe Jaan-e-dil, Ek Dil bhi jo Deta to kya Baat Thi.....
Main bhi Roya bahut tha Tujhe paane ko
Apni Har Saans ke saath Dhundha Tujhe,
Tu Bhi phirta jo Dar dar Mere hi Liye, Koi Mujhsa na milta to kya Baat Thi....
Jo na hote Marasim zamane ke kacche
Samajhte wo apni Mohabbat Ko HamDam,
Sar-e-aam hote na Rusvaa jo ham, Ye tamasha na hota To kya baat Thi.....
Khun-e-dil se Qalam apni chalti rahia
Wo Na samjha magar Lafzo.n ke maayne,
Uski khaatir main Jo Nazm likhta Raha, YaaRa Wo Bhi samajhta to Kya baat Thi....!!