meiN isi waqt ka muntazir tha k salman taseer k havale se koi thread open ho , go k meiN ne ek thread open kia tha but shaied mere new comer honey ki wajah se ussey taa haal post nahiN kia gaya ..anyhow,
salman taseer k qatl k havaley se hameiN deep analysis ki zarurat hai , salman taseer ne kia amal anjam dia jis ki bina par usey qatl kia gaya ya wo konse siyaasi awamil kar farma thay jin ki bina par issey siyaasi qatl qarar dia jaata hai ,
islaam meiN murtadd ya gustaakh e rasool saww ki saza qatl hai ye cheez unn qabeehiyaat meiN se hai k hameiN iss havale se kisi fatwey ya hukm ki bhi zarurat nahiN lekin , qatl ki saza sirf gustaakh e rasool saww k liye hai ,
salman taseer k qatl ki wajah jo qatil bayan karta hai wo ye hai k salman taseer ne qanoon tahaffuz e namoos e risalat meiN tarmeem ka mutaliba kia , ye qanoon general zia ne apni aamirana hukoomat k doran pakistani constitution meiN enter kia tha , aur uss ne ye bohot bari naiki ki taham..
agar salman taseer k case par ghor kiaa jaye to uss ne hargiz gustaakhi nahiN ki ye baat aql tasleem karti hai k uss ne directly shaan e aqdas e huzoor saww meiN gustakhi nahiN ki balkeh qanoon meiN tarameem ka mutaliba kiaa aur qanoon ko kala qanoon kaha , uss ka aisa kehna beshak gunah tha lekin meiN samajhta hoon wo kisi tarah se bhi qatl ko deserve nahi karta tha , usey qatl nahiN kia jana chahye tha ,
islam meiN chor ki saza hath kaaTna hai , zaani ki saza sangsaar/100 koRey heiN lekin agar kisi chor ko chori k badley qatl kar dia jaaye to ye maavra e qanoon e islam ho ga aur islam ki ro se na jaeiz ho ga , islam to yahaN tak haqooq rakhta hai k kisi ko koRey lagatey huve haath itne na uThaeiN k baghleiN nazar aaney lageiN to islami qanoon kis tarah ye bardasht kar sakta hai k ek shakhs jis ne directly koi gustaakhi nahiN ki usey qatl kar dia jaaye.
salman taseer ka moaqqaf ghalat zaroor tha , wo chor zaroor tha lekin uss ki saza qatl nahiN banti koi bhi iss qatl ko islamically correct sabit nahiN kar sakta.
islam meiN har kisi ko haqooq wa ihteraam hasil hai , aap kisi kaafir ko bhi bilawajah qatl nahiN kar saktey , islam aman , ittehaad , bhai charey , bahmi akhuwwat , bahmi ihteraam , aazadi roy khayal ka dars deta hai , islam apne ooper tanqeed ka jawab daleel se deta hai , ye kahaN ka insaaf hai k ek shakhs kisi qanoon ki mukhalifat karey (go k uss ki mukhalifat ghalat hai) to usey qatl kar dia jaaye , islam iski sakht tardeed karta hai ,
agar ye qatl theek hai to islam se akhuwwat , mohabbat , bardaasht , haq e roy khayal aur aazadi nikaal kar ghulami , jabr , nafrat shamil kar di jaaye , aur aisa islam mujhe hargiz qubool nahiN.
jihaad k naam par muslim kushi karney , masjidoN meiN dhamakey karney ki ijazat islam hargiz nahiN deta , agar kisi ko apna ishq e rasool sabit karna hai to phalasteen,bait ul muqaddas aur muslamanaan e kashmir ki aazadi k lye jihaad karey.
meiN ye nahiN kehta k salman taseer durust tha , lekin uss k qanoon ki mukhalifat karney ki saza islamically qatl kisi bhi tarah se sabit nahiN hoti (jesa k meiN sukhan e baala meiN arz kar chuka hoon) , agar meiN ghalat hooN to mujhe daleel se jawab dia jaaye na k goli se.