Khilte rahain ge sehan-e-chaman main hazaar phuul
Lekin kahaan naseeb tamanaa main chaar phuul
Shayad yahiin kahiin ho tera naqsh-e-paa-e-naaz
Ham ne giraa diiye hain sar-e-raah-guzaar phuul
Aawaargaan-e-shauq chalo ham karain talaash
Wo kaarwaan jo chhorr gayaa hai ghubaar phuul
Khole hain uss ne gesuu-e-anbar-fishaan zaroor
Kuchh had se ho gaye hain sawaa ashkbaar phuul
Bhanwron ko justajuu hai tere kunj kunj main
Shaakhon pe kar rahe hain tera intezaar phuul
Haa'ey shaheed-e-naaz kii turbat pe ronaqain
Madham sii ik shamaa hai do saugawaar phuul
Phuulon pe mar-mitte kabhii kaanton pe jii liye
Apnii nazar main ek hain gulshan main khaar phuul
******************** *****
( Saghar Siddiqi )
Lekin kahaan naseeb tamanaa main chaar phuul
Shayad yahiin kahiin ho tera naqsh-e-paa-e-naaz
Ham ne giraa diiye hain sar-e-raah-guzaar phuul
Aawaargaan-e-shauq chalo ham karain talaash
Wo kaarwaan jo chhorr gayaa hai ghubaar phuul
Khole hain uss ne gesuu-e-anbar-fishaan zaroor
Kuchh had se ho gaye hain sawaa ashkbaar phuul
Bhanwron ko justajuu hai tere kunj kunj main
Shaakhon pe kar rahe hain tera intezaar phuul
Haa'ey shaheed-e-naaz kii turbat pe ronaqain
Madham sii ik shamaa hai do saugawaar phuul
Phuulon pe mar-mitte kabhii kaanton pe jii liye
Apnii nazar main ek hain gulshan main khaar phuul
******************** *****
( Saghar Siddiqi )