Patriotic Shayari Collection :)

[*Sarlaa*]

Tum pait pe laat to mar chuke, Ab kitne paaon pasaro ge,
Tum roti Kapraa kya do ge, Tum log kafan bhi utaaro ge,
Yeh baazi bhook ki baazi hai, Yeh baazi tum hi haaro ge,
Har ghar se bhooka nikle ga, Tum kitne bhookey maaro ge..
…

 

[*Sarlaa*]

Maan Achi Tarah Tyar Karna, Aj Mera Akhri Din Hai,
Bohat Sa Pyar Karna, Aj Mera Akhri Din Hai,
Sabhi Behno Ki Muhabbat Aaj Muje hi Ko Dey Do,
Dil-o-Jaan Nisaar Karna, Aj Mera Akhri Din ha,
Abbu ha Ammi ha Behan Bhai ha Saray,
Muj Ko Na Shumar Karna, Aj Mera Akhri Din ha,
Tumhay Staya, Tumhay Rulaya, Bohat Dukh diye hai tum ko,
Mujhe Maaf Meray Yaar Karna, aj Mera Akhri din ha,
Mai Chala KHUDA HAFIZ, Phir Milay Gey Jannat ma,
Maa Akhri Baar Pyar Karna, Aj Mera Akhri Din ha….!

 

[*Sarlaa*]

Sar jalayen gay roshni ho gi
us ujalay men faislay hongay
roshnai b khoon ki ho gi
aur wo faqa kash qalam jis men
jitni cheekhon ki dastanen hen
un ko likhnay ki arzoo ho gi
na he lamha qarar ka ho ga
na he rasta farar ka ho ga
wo adalat gareeb ki ho gi
jaan atki yazeed ki hogi
aur phir aik faqeer ka bacha
masnadon par bithaya jaye ga
aur tarazoo k dono palarron men
surkh lamhon ko tola jaye ga
saabqa hakmeen hazir hon
naam aur wald bola jaye ga
jo yateemon ki taraf uthy thay
aisay hathon ko tore dalen gay
aur jisnay rondi gareeb ki asmat
us ki gardan maror dalen gay
jis ne bechi hai qalam ki taqat
jis ne apna zameer becha hai
jo dukanen sajaye bethay hen
sach se daman churaye bethay hen
jis ne becha azaab becha hai
muflison ko saraab becha hai
dil ko be hisaab becha hai
kuch ne roti ka khawab becha hai
ab kis tarah kahen hum
k qom ne khud ko
kis taraha
bar bar becha hai
kis taraha
bar bar becha hai
faiz -o- iqbal ka parosi hun
ek tarap maray khoon men b hai
aankh men silsila hai khawabon ka
ek mehak maray chaarsoo b hai
jhoonpari k naseeb badlen gay
phir kahin inqilaab aye ga
beth rehnay se kuch nahin ho ga
aik din inqilaab aye ga

 

[*Sarlaa*]

Mere liye itna kaafi hai ke,
Mein apni sarzameen per maut dekhoon,
Aur yahin dafan hoon,
Aur is miti mein pighal kar phel jaaon,
Phir phool ki tarah zameen se bahar nikloon,
Mere des ke bache is ke sath khelein,
Mere liye itna hi kaafi hai
Ke mein apne watan ki gaud mein rahoon,
Is tarah jese muthi bhar gard,
Bahaar ki ghaas ki tarah,
Aik phool ki maanin…?Aey Paak Watan?
aey pak watan jab bhi tu ne pukara
hum barh kar badal daingay burray waqt ka dhara
niklain gay kafan baandh k sar pe teray betay
goonjay ga arsh pe teray naam ka na?ara
hum teri mohabbat ki qasam khaye huwaye hain
aey pak watan tu humain jaan se piyara hai
yeh shehar, yeh karriye, yeh gulistan, yeh bahaarain
jannat se fuzoon tar teray sehraa ka nizara
bin teray apna koi thikana bhi nahi hai
bin teray kahan dhoondnay jayengay sahara
hai meray liye TAKHAT E SULEMAAN teri mitti
hai mujh ko teri khaak ka bhi sitara
…

 

[*Sarlaa*]

?Qarz?
Hum Khoon Ki Qistain Tow Bohat De Chukay Lakin
Aey Khaak E Watan!!! Qarz Ada Kiyun Nahi Hota

…

 

[*Sarlaa*]

?MERAY WATAN!!!?
bus iss khayaal se zinda hain , tu humara hai
jo tu raha na tow kuch nahi rahay ga jeenay main
meray WATAN!!! tujhay kaisay yeh dhoop chatay gi
hazaar MAA?ON k anchal hain teray seenay main
…

 

[*Sarlaa*]

?Qadam Milaao?
bachon agay qadam barhaao
apnay parcham ko lehraao
khaamoshi hai achi aadat
par jab bolo rung jamaao
yakjehti ka suraj chamkay
ik doojay se qadam milaao
KHALIQ hai saansaar ka woh hi
USS ki AZMAT k gunn gaao
ilam o amal ka pekar ban kar
saari duniya par chaa jaao
sach main sakoon sach main rahat
jhoot se Aasi tum sharmaao
…

 

[*Sarlaa*]

yaad e watan
hum bhi araam utha saktay thay ghar pe reh kar
hamain bhi paala tha MAA BAAP ne dukh seh seh kar
waqt e rukhsat unnhain itna bhi na aye keh kar
goud main ansu jo tapkay rukh se beh kar
ussay hi tifal samajh lena ji behlanay ko
hum ne jab wadah e ghurbat main qadam rakha tha
doour tak YAAD E WATAN ayee thi samjhanay ko.
…

 

[*Sarlaa*]

tu watan ki aabro hai , tu watan ka hai sahaarah
yeh hawaon k musafir , yeh samundaron k raahi
meray sir bakaf mujhahid , meray sar shikan sipahi
yeh tera yaqeen mehkam , teri himmaton ki jaan hai
teray bazo?uon ki kuwwat teray azm ka nishaan hai
tu hi raah , tu hi manzil , tu hi meer e karwaan hai
yeh zameen teri hai , yeh jahaan tera jahaan hai
tu watan ka pasbaan hai , teray haath main hai shaahi
meray sir bakaf mujhahid , meray sar shikan sipahi
teri abro?uon ki junbash teri ankh ka ishaarah
teray dushmano ki aafat , teray qehar ka ishaarah
tu watan ki aabro hai , tu watan ka hai sahaarah
iss aabro se chamka iss dais ka sitaarah
yehi bankapan hai tera , yehi teri kaj-kalaahi
meray sir bakaf mujhahid , meray sar shikan sipahi
…

 

[*Sarlaa*]

Haathon Mein Haath
Haathon mein haath liyay, Chalay yonhi karwan
Apni Zameen Hai, Apna hai aasman
Aaein gay ghum, Aayay gi khushi
Manzil Chahay, Mushkil Sahee
Aagay Barhoo
Haathon mein haath liyay, Chalay yonhi karwan
Apni Zameen Hai, Apna hai aasman
Aangan aanagan khushiyan manaein
Apni zameen ko milke sajaein
yehi hai dua
Haathon mein haath liyay, Chalay yonhi karwan
Apni Zameen Hai, Apna hai aasman
Wada karo, saath chalain
Irada karo, saath jeeain
Yunhi Sada
Haathon mein haath liyay, Chalay yonhi karwan
Apni Zameen Hai, Apna hai aasman
Veeran rahain, Raushan banaein
Bhatkay huoon ko, rasta dikhaein
Jeenay ka
Haathon mein haath liyay, Chalay yonhi karwan
Apni Zameen Hai, Apna hai aasman
…

 

[*Sarlaa*]

qabron main nahi hum ko qitabon main utaro
hum log muhabbat ki kahani main mare hain
…yadon ka aik jhonka aya hum se milne barson bad
pehle itna roye nahi the jitna roye barson bad
aj hamari khak pe duniya rone dhone behti hai
phool huwe hain jane kaise itne saste barson bad
bhol bhi jao kisne tora keyun tora kaise tora
keyun dhond rahe ho dil ke tukre in galioun main barson bad
dastak ki umeed lagaye kab tak jete qaisar hum
kal ka wada karne wale milne aye barson bad

 

[*Sarlaa*]

yadon ka aik jhonka aya hum se milne barson bad
pehle itna roye nahi the jitna roye barson bad
aj hamari khak pe duniya rone dhone behti hai
phool huwe hain jane kaise itne saste barson bad
bhol bhi jao kisne tora keyun tora kaise tora
keyun dhond rahe ho dil ke tukre in galioun main barson bad
dastak ki umeed lagaye kab tak jete qaisar hum
kal ka wada karne wale milne aye barson bad

 

[*Sarlaa*]

pakistan pakistan pakistan pakistan
hay azmaton muhabaton ka nishan
rooh e qaied ki azmaton ko salam ho
jo na banate watan hum reh jate be nishan
…

 

[*Sarlaa*]

yeh subaz halali percham,
yehi mere pehchan mere ha shan,
Qaid ki koshishoon ka inam,
yeh mera payara Pakistan,
mere yeh shan mere pehchan,
Yeh mera payara Pakistan!
…

 

[*Sarlaa*]

qadam barhao?? Hath milao
pakistan bantay jao
her ik fard hai pakistan
pakistan ki hum pehchaan
pakistan hamari jaan
her ik fard hai pakistan
waqt hai kathin
chahiye janon
mulk o qoam ko
aao kar dein surkhuru
bharhayein apnay watan ki shaan
her ik fard hai pakistan
manzil ki justaju
dil mein hum rakhein
mehnat karein sabhi
maza jeet ka chakhein
karein taskheer her maidaan
her ik fard hai pakistan
pakistan ki hum pehchaan
pakistan hamari jan
her ik fard hai pakistan
…

 

[*Sarlaa*]

Chhoo Lain Aasma?an
Hum Aao Bantain Khushiyan
Har dil ka Hai Armaan
Pakistaan, Hamari Jaan
Hai is par sab Qurbaan
Pakistaan, Hamari Jaan
Zinda Hain JazzBay
Humko Yaqe?en Hai
Saaray Jaha?an mein
Hum sa Nahin Hai..!
Jeetain gay Har Damm
Hai ye Eemaan
Pakistaan, Hamari Jaan
Hai is par sab Qurbaan
Pakistaan, Hamari Jaan
Khush?haliya?an hon
Har soo Humaray
Utrain Yahan par
Sb Chand Taaray
Hai pyari Dharti
Apni Pehchaan
Pakistaan, Hamari Jaan
Hai is par sab Qurbaan
Pakistaan, Hamari Jaan
Chhoo Lain Aasma?an
Hum Aao Bantain Khushiyan
Har dil ka Hai Armaan
Pakistaan, Hamari Jaan
Hai is par sab Qurbaan
Pakistaan, Hamari Jaan
…

 

[*Sarlaa*]

Ye Nafrat Buri Hai, Na Paalo Isay
Dilo Main Khalish Hai ,Nikalo Isay
Na Tera ,Na Mera ,Na Iska , Na Uska
Ye Sab Ka Watan Hai,Bacha Lo Isay

 

[*Sarlaa*]

Aao Desh Ka Samman Kare
Shahido Ki Shahadat Yaad Kare
Ek Baar Fir Se Rashtra Ki Kamaan..
Hum Hindustani Apne Haath Dhare..
Aao.. Swantantra Diwas Kaa Maan Kare…

 

[*Sarlaa*]

Kyun Aaj Mein Dukhi Hun,
Mujhe Gham Kiska Sata Raha Hai.
Uss Mor Par Jo Andhra Chaya Hai,
Kyun Mujhe Woh Daraa Raha Hai
Kyun Unchayiyana Mere Mulk Ki,
Mujhe Khokhli Dikhai De Rahi Hain,
Kyun Woh Jo Gehra Ander Sama Raha Hai
Woh Hai Meri Zami Ka Dil
Jo Aaj Dukh Mana Raha Hai,
Noch Rahe Hai Zamane Wale,
Har Ek Apna Jeevan Sawar Raha Hai
Mere Mulk Ka Kya Hoga Ae Jan..
Mera Bharat Dukhi Hai , Dukh Mana Raha Hai.

 

[*Sarlaa*]

Kashmir Laho
Ik Khwab Ki Hay Tabeer Laho
Sifaak Adad,Shamsheer Lahu
Wadi Ki Fiza Dil Geer Lahu
Har Ban Pe Hai Zanjeer Lahu
Wadi Ki Fighaa Shab Geer Lahu
Aur Subah Ki Hai Tanveer Lahu
Kyon Dharti Ki Hai Tasveer Lahu
Muslim Ki Kyon Jageer Lahu