My Ghazls ' Collections

[*Sarlaa*]

Teray chehray ki shafaq subha, saba choomti thi
Teri raato’n ki sayah zulf ghata choomti thi
Teri saanso’n se churaai thi gulabo’n ne mehek
Thi sitaro’n se siwa teri in aankho’n ki chamak
Meray ae sheher-e-Muhabbat Kabhi aabaad tha tu
Tu ne ik zod faramosh ko apna jana
Such samajh baithy thy sapnay ko na sapna jana
Ab tou kuch bhi nahi baaqi
Naa wo mein hoon na wo tu
mery ae sheher-e-Muhabbat
Kabhi aabad tha tu. . !

 

[*Sarlaa*]

Jo mananay k fun se waqif hon
Wohi aksar khafa bhi hotay hain. . !
Jo baray ba-wafa se dikhty hain
Wo baray be-wafa bhi hoty hain
Jo theherty hain zeest ka haasil
Wohi lamhay saza bhi hoty hain
Hum ko itni khabar nahi hoti
Hum kisi ki dua bhi hoty hain
Jo bicherny ka wehem rakhtay hain
Wohi aksar juda bhi hoty hain. .

 

[*Sarlaa*]

Mein rah’guzar mein khari hui hoon. . !
Tumhari khatir arri hui hoon
Dukho’n se daaman wasee hai mera
Inhi mein pal k barri hui hoon
Kisi ki mujh ko nahi hai parwah
Mein tery dil mein jurri hui hoon. . !
…

 

[*Sarlaa*]

Muhabbat mangny ki shae nahi jo maang li jaye
Kisi ko kab kahan ye raas aai hai
Ye hum se aaj kehty ho?
Suno Janaa’n! Tumhain bhi yaad to ho ga?
Yehi to ibtada mein hum bhi kehty thy
Magar tum ne tou is ki khud nafi kar di thi pal bhar mein
Kaha tha us gharri tum ne
Muhabbat mangny se mil bhi jati hai
Magar ye shart hai jo mangta ho dil se wo mangy
Aur hum ne akhir tum ko ye daulat sonp di lekin
Wafa tum kar nahi paaye
Tum ab aaye ho barso’n baad
Aur ye hum se kehty ho
K hum tum ko bhula baithy
Tumhary khat jala baithy
Humain laazim tha ye, Ta umer baithy rasta taktay
Gharri bhar ko nahi thaktay
Baja kehty ho, such kehty ho, kab inkaar hai hum ko
Suno hum thak gaye hongy. . !
…

 

[*Sarlaa*]

Muhabbat neend sey jagey huay toofan jesi hai
Kisi simtey hoay heyjan jesi hai
Muhabbat ko kabhi kamzor mat samjho
…

 

[*Sarlaa*]

Agar tum ko muhabbat thi
To tum ney raast’on sey ja ker pocha kiun nahi manzil key barey mein
Hawa’on pey koi pegham tum ney likh diya hota
Darkht’on per likha wo nam tum ney kiun nahi dhonda..?
Wo thando oss mein bhega, mehakta sa gulab aur mein
Meray dhani sey anchal ko tumhara barh key chu lena
Churana rang titli key, kabhi jugnoo ko pa lena
Kabhi kaghaz ki kashti per bnana dil ki sorat aur is per khob likh jana
Kisi bhanwrey ki sokhi aur kali’yon ka wo urna
Tumh’ein bhi yaad to ho ga?
Agar tum ko muhabbat thi ye sari baat’ein bhool saktey thay?
Nahi jana’n!
Muhabbat tum ney dekhi hai muhabbat tum ney pai hai
Muhabbat ki nahi tum ney……

 

[*Sarlaa*]

Muhabbat mein muhabbat hi hamesha shart hoti hai
Magar kehtay hein kuch zimni si shart’ein bhi zarori hein
Koi wada karo to dil ki dharti per likho is ko
Jigar sey roshnai lo
Qalam jazb’on ka thamo aur dharkan sey gawahi lo
Ye jan jaye magar wadey pey koi anch na aaye
Muhabbat key safar mein pehli serhi per
Hamesha sey, khasara pehlay sey taiyar milta hai
Aur ungli tham ker chalta hai, jab tak saans baki hai
Muhabbat kernay waley mur ker dekha hi nahi kertay
Muhabbat kernay waley agar thak bhi jain to nahi ruktey
Bhaley sey per’on key chaley, dehakti rait sulghaye
Sawa nezay pey soraj an utrey aur jhulsaye
Key in key bal-muqabil to dehakta toor hota hai
Muhabbat to bohat anmol hoti hai magar is mein
Wafa mashrut hoti hai
…

 

[*Sarlaa*]

Larkiyo! Muhabbat key khawab dekhti kiun ho.?
Tum ko kiya nahi maloom?
Khawab dekhney wali jo bhi ankh hoti hai
Wo udas rehti hai, wo naras rehti hai
Ankh key darech’on mein jo bhi charag rakhtey hein
Bad-guman raat’on ka zaiqa wo chaktey hein
Un key dil ki rah’ein bhi be-nishan rehti hein
Be-aman rehti hein
Un key ghar key darwazey dastak’on sey anjaney
Aur samat’on ki gali ashna si ahhat sey, ajnabi rehti hai
Un key sary jewan mein,ik kami si rehti hai
Larkiyo! Muhabbat key khawab dekhti kiun ho.?
Tum ko kiya nahi maloom?

 

[*Sarlaa*]

Azal sey hi muhabbat bad-gumani aur yakeen ko sath lati hai
Wafa jo ho koi key bewafa
Dono hi sorat mein
Zara si baat per, palra kabhi bhari, kabhi halka, kabhi yaksaa’n
Kabhi chahat kabhi jaghrey
Kabhi izhar per tuley
Kabhi dher’on gilay shikwey
Muhabbat kernay walo hosla rakho
Muhabbat to muhabbat hai aur is mein ye to hota hai
Kabhi paspa nahi hota
Kabhi pachtawa,muthi mein nahi rakhna
Kabhi mur ker nahi takna
Zamaney ki baat’on mein nahi’ein ana
Muhabbat to muhabbat hai
Ye amrat hai key zehar hai,is ko chakhna hai
Wafa’on ka hamesha man rakhna
Muhabbat per sada eman rakhna
…

 

[*Sarlaa*]

Jo tum kehtay ho to man leti hun
Muhabbat tum ney ki ho gi
Magar jana’n
Muhabbat silsila dar silsila apney takaz’on mein muqeed hai
Tumh’ein bhi to pata ho ga?
Agar mehbob key mathey pey aye ik shikan tak bhi
Darar’ein an-ginat si chahney waley key dil per bhi ubhar ain
Lab’on ki muskurahat tor dey dam
Dharkan’ein be dam si ho jain
Ana mehbob key per’on taley rakh ker lagey meraj pa li hai
Isey rab ki jagha mat do magar…
Rab sey isey kam tar bhi mat jano
Ye tan mitti mein mitti ker key bhi is ko, manana jo parey is ko
Mana lena……..galey is ko laga lena
Jo tum kehtay ho man leti hun
Muhabbat tum ney ki ho gi
…

 

[*Sarlaa*]

Kaha mein ney
Mujhey tum sey muhabbat hai
Magar tum ney saholat sey kaha hans ker
Zara tum ‘hai’ badal dalo
Likho key ‘thi’
Sahi misrah liko jana’n
Tumh’ein mujh sey muhabbat thi
Suno, jazbey kabhi is qadar mehmal nahi hotey
Ye jazbey jo kabhi nadi ki sorat mein
Kabhi dariya ki tughyani sey hotey hein
Magar ye is qadar asa’n nahi hotey hein
Ye ‘hai’ hotey hein jis lamhey faqat asbat hotey hein
Ager ye ‘tha’ ka mani ban gaye to phir kabhi ye hal ka segha nahi bantey
Magar tum kesay samjho gey magar tum kesay jano gey?
Ye jaz’on ki baat’ein hein
Ajab jazb’on ki baat’ein hein
…

 

[AshirFrhan]

Muhabbat mangny ki shae nahi jo maang li jaye
Kisi ko kab kahan ye raas aai hai
Ye hum se aaj kehty ho?
Suno Janaa’n! Tumhain bhi yaad to ho ga?
Yehi to ibtada mein hum bhi kehty thy
Magar tum ne tou is ki khud nafi kar di thi pal bhar mein
Kaha tha us gharri tum ne
Muhabbat mangny se mil bhi jati hai
Magar ye shart hai jo mangta ho dil se wo mangy
Aur hum ne akhir tum ko ye daulat sonp di lekin
Wafa tum kar nahi paaye
Tum ab aaye ho barso’n baad
Aur ye hum se kehty ho
K hum tum ko bhula baithy
Tumhary khat jala baithy
Humain laazim tha ye, Ta umer baithy rasta taktay
Gharri bhar ko nahi thaktay
Baja kehty ho, such kehty ho, kab inkaar hai hum ko
Suno hum thak gaye hongy. . !
…

@maanu115

 

[*Sarlaa*]

Khawahish hi rahi apni
Ik bar kabhi pocho
Kia mujh sey muhabbat hai?
Kiya mujh sey muhabbat hai?
Tab dheray sey mein bol’on
Lahasil baat’ein hein
Haan’ keh key mein kiun jana’n!
Dhundla doun nigah’on ko
Dobhar ho sambhalna phir
Kabo mein phir dil na aye aur dharkan tham jaye
Inkar ki sorat mein
Imkan hai jee pa’on
Thori si tasali ho
Pehlay ki tarha ab bhi
Khawahish hi rahi apni
Ik bar kabhi pocho……khawahish hi rahi apni!!
…

 

[*Sarlaa*]

Kahani nit naye andaz rakhti hai
Kabhi to muskurati hai, kabhi gungunatihai
Kabhi khod seham jati hai, kabhi hum ko darati hai
Hansati hai, rulati hai, mitati hai, banati hai
Kahani be-kali mein kaam ati hai
Kahani sey mera sanjog khasa hi prana hai
Kahani khod zamana hai
Wo aaj ai to khasi muztarib si thi
Kaha is ney, Sakhi! Saasi ki sorat tu do thal’on mein rul gai kesay?
Teray pair’on mein khar’on ney hazar’on ched ker daley
Inhi khar’on ney tera dil fagara hai
Magar tu aaj bhi chup hai
Teray hath’on ki sari ungli’on pey mout likhi hai
Hatheli pey jo tu ney deep rakha tha wo jal ker bojh gaya kab sey?
Faqat ab rakh baki hai
Musafir rast’on ki qaid mein gum ho gaya shayad
Jabhi to hu ka alam hai
Kahani roz ati hai,
Kahani azmati hai
…

 

[*Sarlaa*]

Mein kiun kabhi dil ki kahani aam karney ka soch’on
Ana nelam karney ka soch’on
Mujhey tum sey muhabbat hai, magar mein kiun kaho’n tum sey?
Mein tum sey kiun kaho’n jana’n!
Meri tum dharkan’on ki ley mein shamil ho
Meray jeewan ka hasil ho
Agar palk’on key jhalar ko utha’on to tumhi ho
Utha’on to tumhi ho
Mein jag’on to mujhey tum piyar sey aa ker sulatey ho
Mein so jaon to tum sargoshi’yan ker key tum jagatey ho
Muhabbat ka kanwal jis mein khila wo jheel ho jana’n!
Amaos ki tarha hun mein, to tum qadeel ho jana’n!
Tumh’ein mein ney khuda mana,tumhi ko na khuda mana
Magar mein kiun kah’on tum sey
Magar mein kiun kah’on tum sey??
…

 

[*Sarlaa*]

Chalo sahil pey ja ker
Gulab’on kin kanwari pati’yon per shabnami moti
Chamak uthtey hein lakhtey ko
Magar phir bhujh bi jatey hein
Key dasht-e-arzo ki rait ankh’on mein khatakti hai
Chalo shil pey ja ker….
Ro pehli chand ki kiran’on ko muthi bech band ker key
Hawa’on sey bhi saat’on sur churatey hein
Chalo mitti ka ik chota sa dono ghar banatey hein
Ghari bhar ko sahi par khul key dono muskuratey hein
Jo likhey ja chukey hein pathar’on per khushk pat’on per
Wo mah-o-sal gintey hein
Chalo sahil pey ja ker apni palko’on sey
Sunehra jal buntey hein
…

 

[*Sarlaa*]

Muhabbat mein kabhi dorahey ka imkan nahi hota..
Ye hoti hai to hoti hai
Nahi hoti to jitna bhi jatan ker lo,nahi hoti
Koi acha agar lag jaye to sab khami’yan is ki
Achanak khobi’yon ki ourhni mein chup si jati hein
Zamana lakh samjhaye, sambhal jao
Samat aur basarat ko sujhai kuch nahi deta
Samajh ata hai us lamhey
Key jab daman mein lakh’on chyed ho ja’ein
Kabotar key par’on key sath liptey
Sab ayaa’n jab bheyd ho jain
Muhabbat mein kabhi dorahey ka imkan nahi hota..
Ye hoti hai to hoti hai
Nahi hoti to jitna bhi jatan ker lo,nahi hoti
…

 

[*Sarlaa*]

Gulab’on ko kabhi chuna kabhi khushbo ban jana
Aur ankh’on key mundair’on per
Chamaktey jugno’on ko wasal ki tasweer dikhlana
Aur is mein gum sa ho jana
Agarchey khawab tha lekin hum’ein tabeer lagta tha
…

 

[*Sarlaa*]

Aik sapna hasee’n tar dekha
Ye jaha’n dil nashee’n tar dekha
Chand hum ney zameen per paya tha
Khod ko arsh-e-bare’n pey paya tha
Wo haqeqat tha aik sapna sa
Ghair ho key bhi apna apna sa
Is ka lehja tha dhema dhema sa
Ankh’on ankh’on mein baat kehta tha
Is ki ankh’ein bhi khawab jesi thi’ein
Khob sorat sarab jesi thi’ein
Wo wafa ka yakee’n delata raha
Wadey karta raha, bhulata raha
Phir achanak pata chala hum ko
Hum sey kuch wasta nahi us ko
Hum ney bhanwrey ko jana perwana
Ye to tha us ka mashgala, jana
You’n wo ankh’on mein bo gaya gham ko
Aik pachtawa dey gaya hum ko
…

 

[*Sarlaa*]

To tum ney teh ker liya hai jana’n!
Key ab munasib ye hi hai key manzil ki khawahish ko
Mita hi dal’ein
Zamaney ki bhi ye hi khushi hai
Isi rawish mein zindagi hai
Suno! zamaney ko dosh denay ki rasam farsoda ho chuki hai
Tum apney dil sey bhi kalam ker key poch lena
Key is ki adarsh kiya hai’en?
Abhi zamaney ney tum sey manzil ki aas cheni
To kal ye tum sey kahey ga rasta hi chor do tum
Kahey ga chehray sey apni ankh’on ko nochlo tum
Kahey ga pathar key bot mein dharkan talash ker do
To kiya karo gey??
Chalo ye na kahey to itna hi tum sey keh dey
Key sans lena fazol hai ab
Key tum is rayazat ko bhol jao
Tum apni sans’on ko qatal kesay karo gey bolo?
Suno! zamaney ko dosh denay ki rasam farsoda ho chuki hai
tum asal mein wo sipahi ho, ain larney key waqt jis ko
khayal aye
key jang karney key sab tarekay hein yad us ko
wo sarey hathiyar ley ker aya hai sath apney
magar wo jaldi mein hosla ghar bhol aya
khayal rakhna’
asas jewan ki manzil’on sey lagan hai jana’n!
jo tum ney is ko ganwa diya to geo gey kesay?
…