~**My Collection...Qateel Shifayi..**~

[~Bahaar~]

Raqs Karne Ka Mila Hukm Jo DariyaaoN MeN …




​

Raqs karne ka milaa hukm jo dariyaaoN meN
​

Humne khush hoke bhaNvar baaNdh liye paaoN meN
​

Jo bhi aataa hai, bataata hai naya koi ilaaj

Bat na jaaye tera beemaar maseehaaoN meN
​

Jis barahman ne kaha hai K ye saal achchha hai

Us ko dafnaao mere haath ki rekhaaoN meN
​

Woh khuda hai kisi TooTe hue dil meN hoga

MasjidoN meN use dhooNdho na kaleesaaoN meN
​

Humko aapas meN muhabbat nahi karne dete

Bas yehi aib hai is shahr ke daanaaoN meN

​

 

[~Bahaar~]

Kam Kam Kaho, SaNbhal Ke Kaho, Shaan Se Kaho …

Kam kam kaho, saNbhal ke kaho, shaan se kaho
Roodaad E shouq zabt ke unwaan se kaho​

Is meN kuchh apne pyaar ki izzat ka hai sawaal
Aa jaaye raah par dil E naadaan se kaho​

Tark E wafaa jahaaN meN koi jurm to nahi
Kya tum wafaa shu’aar ho? eemaan se kaho​

Us dar pe ahl E dil ko nahi puuchhta koi
Tum ek rayees E shahr ho! darbaan se kaho​

KyuN le rahe ho hazrat E naaseh ka imtehaaN
Jo dil ki baat hai kisi insaan se kaho​

Humne banaa liyaa hai naya phir se aashiyaaN
Jaao yeh baat phir kisi toofaan se kaho​

Kis muNh se ab ‘Qateel’ pe dharte ho tohmateN
Yeh sab hikaayateN kisi anjaan se kaho​

​

 

[~Bahaar~]

Woh Teraa Naam Tha …

Jis ki jhankaar meN dil ka aaraam tha, woh teraa naam tha
Mere hoNtoN pe raqsaaN jo ek naam tha, woh teraa naam tha

Mujh se mansoob thiN daastaanaiN kayi, Ek se ek nayee
Khubsurat magar jo ek ilzaam tha, woh teraa naam tha

Kaise karta kisi aur ki guftaguu, yaad tha sirf tu
Mujh ko mere junuN ka jo in’aam tha, woh teraa naam tha

Subh se shaam tak jo mere paas thi, woh teri aas thi
Shaam tak jo kuchh lab E baam, woh teraa naam tha

Dost jitne the naa aashnaa ban gaye, paarsaa ban gaye
Jo mere saath ruswa sar E aam tha, woh teraa naam tha

Gham ne taarikiyoN me uchhaalaa mujhe, maar daalaa mujhe
Ek nayi chaaNdni ka jo paigham tha, woh teraa naam tha

Tere hi dam se hai yeh ‘Qateel’ aaj bhi, shairy ka wali
Us ki GhazloN meN kal bhi jo ilhaam tha, woh teraa naam tha

​

 

[~Bahaar~]

Duniya Ne Hum Pe Jab Koi Ilzaam Rakh Diya …

Duniya ne hum pe jab koi ilzaam rakh diya
Humne muqabil uske tera naam rakh diya​

Eik khaas had pe aa gayi jab teri berukhi
Naam uska humne gardish-E-ayaam rakh diya​

Min larkhara raha huN tujhe dekh dekh kar
Tu nay to mere saamne eik jaam rakh diya​

Kitna sitam-zareef hai woh saheb-E-jamaal
Usne diya jala ke lab-E-baam rakh diya​

Ab jis ke jee meN aaye wohi paye roshni
Hum ne to dil jala ke sar-E-’aam rakh diya​

Kya maslehat-shanaas tha woh admi ‘Qateel’
MajbooriyoN ka jisne ‘wafa’ naam rakh diya

 

[~Bahaar~]

Gham-e-Hijar Se Na Dil Ko Kabhi Humkinaar Karna …


Gham-e-Hijar Se Na Dil Ko Kabhi Humkinaar Karna
MaiN Phir AauuNga Palat Kar Mera Intezaar Karna

Mujhe Darr Hai, Mere Aansoo Teri Aankh Se Na JhalkeN
Zara Sooch Kar Samajh Kar Mujhe Sogawaar Karna
​

Usay Dhoond Sab Se Pehlay Jo Mila NahiN Hai Tujh Ko
Yeh Sitaaray AasmaaN Kay Kabhi Phir Shumaar Karna

Mere Shahr Ki Fiza MeN Koi Zahr Bhar Gaya Hai
Tere Husn Par Hai Laazim Ussay Khushgawaar Karna
​

MaiN UthauuNgaa Na EhsaaN Tere Baad Na-Khuda Ka
Mujhe Tu Ne Hi Duboya, Mujhe Tu Hi Paar Karna

Mere Bad-Naseeb sathi, Teri Zindagi Hi Kya Hai
Na Kisi Sey Dil Lagaanaa, Na Kisi Sey Pyaar Karna
​

Kabhi Iqtidaar BaKhshay Jo Khuda ‘Qateel’ Tujh Ko
Jo Rawish Hai QatiloN Ki, Woh Na Ikhtiyaar Karna

 

[~Bahaar~]

Ye Mo’jezaa Bhii Muhabbat Kabhi …

Ye mo’jezaa bhii muhabbat kabhii dikhaaye mujhe
K sang tujh pe gire aur zaKhm aaye mujhe​

Vo meraa dost hai saare jahaaN ko hai maaluum
DaGhaa kare vo kisii se to sharm aaye mujhe​

Vo meherbaaN hai to iqraar kyuuN nahiiN kartaa
Vo badgumaaN hai to sau baar aazmaaye mujhe​

Vohii to sab se zyaada hai nukta-chiiN meraa
Jo muskuraa ke hamesha gale lagaaye mujhe​

Barang-e-uud milegii use merii khushbuu
Vo jab bhii chaahe baRe shauq se jalaaye mujhe​

MaiN apnii zaat meN niilaam ho rahaa huuN Qateel
Gham-e-hayaat se kah do khariid laaye mujhe​

 

[Tariq Saeed]

wow.... nice collection..
you know bahaar muje apnay college ka time yaad agiya... hamay hamaray urdu k Prof. akser Qateel shafai ki ghazals or sher sunatay thay.
vah kia dor tha..

nice sharing...... appreciatable

 

[~Bahaar~]

Thankooooo....
aapko accha daur meine yaad dila diyaa...

 

[Tariq Saeed]

welcome......
bahot acha dour tha bahaar
but tha abi to nai

Thankooooo....
aapko accha daur meine yaad dila diyaa...

 

[~Bahaar~]

Kya Ishq Tha Jo …

Kya ishq tha jo baa’as e ruswaayi ban gaya
Yaaro tamaam shahr tamaashaayi ban gaya
​

Bin mange mil gaye meri aankhoN ko rat jaggay
MaiN jab say aik chand ka shaidaayi ban gaya
​

Dekha jo uska dast-e-hinaaee qareeb se
Ehsas goonjti hooyi shahnaayi ban gaya
​

Barham huaa tha meri kisi baat par koyi
Woh haadsa hi wajh-e-shanasayi ban gaya
​

Karta raha jo roz mujhay us say bad gumaan
Woh shakhs bhi ab usska tamannayi ban gaya
​

Woh teri bhi to pahli muhabbat na thi Qateel
Phir kya hoowa agar koyi harjaayi ban gaya​

 

[~Bahaar~]

welcome......
bahot acha dour tha bahaar
but tha abi to nai

Har daur nahi rahta bas yaaden rah jati hain..

 

[~Bahaar~]

Kab Talak Shama’ Jali …

Kab talak shama’ jali, yaad naheeN
Sham-e-gham kaise dhali, yaad naheeN​

Is qadar yaad hai apne the sabhi
Kisne kya chaal chali, yaad naheeN

Hum zamane mein kuch aise bhatkay
Ab to unki bhi gali yaad naheen​

Abr tha, jaam tha, per aap na thay
Woh ghaRi kaise tali yaad naheeN

Kat gayi umr kisi tarh’ “Qateel”
Woh buri thee k bhali yaad naheeN​

 

[~Bahaar~]

Raqs Karne Kaa Milaa …

Raqs karne kaa milaa hukm jo dariyaaoN meN
Ham ne Khush hoke bhaNvar baaNdh liye paaoN meN​

Un ko bhi hai kisi bhige hue manzar ki talaash
Boond tak bo na sake jo kabhii saharaaoN meN​

Ae mere ham-safaro tum bhii thaake-haare ho
Dhuup ki tum to milaavaT na karo chaaoN meN​

Jo bhi aataa hai bataataa hai nayaa koi ilaaj
Bat na jaaye teraa biimaar masiihaaoN meN​

Hausalaa kis meN hai Yusuf ki Kharidaari kaa
Ab to mahNgaayi ke charche haiN zuleKhaaN meN​

Jis barahman ne kaha hai k ye saal achchha hai
Us ko dafnaao mere haath ki rekhaaoN meN​

Woh khuda hai kisi tootay hue dil me hoga
MasjidoN me use dhoondho na kalissaaoN meN​

Hum ko aapas me muhabbat nahi karne dete
Ik yahi aib hai is shehr k daanaaoN meN​

Mujh se karte haiN Qateel is liye Kuch log hasad
KyuN mere she’r hain maqbool haseenaaoN men​

 

[Redvirus]

Have you finish yet or u have more?

Anyway NICE collection! and is it ur blog?

 

[Deep Silence]

wow bahar zabardast...v{()|aw nice collection

keep sharing

 

[Qawareer]

boht khoob............

 

[Amreen]

Kya Ishq Tha Jo …

Kya ishq tha jo baa’as e ruswaayi ban gaya
Yaaro tamaam shahr tamaashaayi ban gaya
​

Bin mange mil gaye meri aankhoN ko rat jaggay
MaiN jab say aik chand ka shaidaayi ban gaya
​

Dekha jo uska dast-e-hinaaee qareeb se
Ehsas goonjti hooyi shahnaayi ban gaya
​

Barham huaa tha meri kisi baat par koyi
Woh haadsa hi wajh-e-shanasayi ban gaya
​

Karta raha jo roz mujhay us say bad gumaan
Woh shakhs bhi ab usska tamannayi ban gaya
​

Woh teri bhi to pahli muhabbat na thi Qateel
Phir kya hoowa agar koyi harjaayi ban gaya​

bohot khoob Bahar...zabardust collection hai...mujhe bohat achi lagi sabhi ghazlen nazme...Thx Alot dear...

 

[St0rm]

raqs karne ka mila hukm jo dariyaaon men …




​

raqs karne ka milaa hukm jo dariyaaon men
​

humne khush hoke bhanvar baandh liye paaon men
​

jo bhi aataa hai, bataata hai naya koi ilaaj

bat na jaaye tera beemaar maseehaaon men
​

jis barahman ne kaha hai k ye saal achchha hai

us ko dafnaao mere haath ki rekhaaon men
​

woh khuda hai kisi toote hue dil men hoga

masjidon men use dhoondho na kaleesaaon men
​

humko aapas men muhabbat nahi karne dete

bas yehi aib hai is shahr ke daanaaon men

​

very nice bahaar....

 

[Dawn]

mashaAllah bahaar kia baat hai.qateel shifai ki ghazlen ziada padh rahi ho khairiat to hai.
qateel shifai mere pasandeeda shayer me se ek hain.bahot khoob bahaar.keep sharing.

 

[Zee Leo]

Nice Sharing Bahaar