“MAA KI SHAAN”
Phoolon ki hay mehkar magar teri kami hay,
Chiriyon ki hay chehkar magar teri kami hay
Chiriyon ki hay chehkar magar teri kami hay
Ramadan ki ronaq thi tere dam se dobala,
Hay sehri-o-iftar magar teri kami hay,
Hay sehri-o-iftar magar teri kami hay,
Qismat ne kiya Dolat-e-Mamta se hay mehroom,
Dolat k hain asbaab magar teri kami hay,
Dolat k hain asbaab magar teri kami hay,
Isyaan hain haqiqat k tujhe pa k kho diya,
Pana hay tujhe aj magar teri kami hay,
Pana hay tujhe aj magar teri kami hay,
Khidmat nahi kuch bhi ki teri ay meri MAA,
Khadim hay ye tayyar magar teri kami hay,
Khadim hay ye tayyar magar teri kami hay,
Teri kami rehegi har ik mor pe ay MAA,
Ehsan-e-Yadgar mager teri kami hay,
Ehsan-e-Yadgar mager teri kami hay,
Teri qadar na ki, nahi samjha tera wujood,
Wohi din hay wohi raat magar teri kami hay,
Wohi din hay wohi raat magar teri kami hay,
Sudhaarna chahti thi Tum magar bhaagta tha may,
Hay jazba-e-sudhaar magar teri kami hay,
Hay jazba-e-sudhaar magar teri kami hay,
Ronay na diya tu ne kabhi mujhko meri MAA,
Aankhen hain ashk baar aur teri kami hay,
Aankhen hain ashk baar aur teri kami hay,
Hota tha pareshan sambhalti thi tu mujhe,
Hun aj pareshan magar teri kami hay,
Hun aj pareshan magar teri kami hay,
Uljhan si taari hay dil-o-jaan pe ay MAA,
Mumkin hua ye aj kiun k teri kami hay,
Mumkin hua ye aj kiun k teri kami hay,
Tu samne hoti to qalam jhoom k likhta,
Likhta to hun ash’aar magar teri kami hay,
Likhta to hun ash’aar magar teri kami hay,
Mola ata mujhe ho MUHAMMAD k wastay,
Unki riza kamal haan Jinki kami hay.
Unki riza kamal haan Jinki kami hay.