Manzalain aik se ,awargiaan aik se hain
mukhatalif ho ke be sab zindagiaan aik se hain
koi maqasid ho ke nasih,koi aashiq ke addo
sab ke is shokh se wabastigiaan aik se hain
dasht-e-majnoon na saheeh tesha-e-farhad saheeh
safar-e-ishq main wamandigiaan aik se hain
yeh alag baat ke ahsas juda hoon warna
rahatain aik se afsurdigiaan aik se hain
sofi o rind ke maslak main saheeh lakh tazad
mastiyaan aik se waraftagiaan aik se hain
wasal ho,hijer ho,qurbat ho ke dooree ho FARAZ
sari kafiyattain,sab tishnagiaan aik se hain