Kuch Khass Shairi Of Farhat Abbas Shah

[Naila_Rubab]

Isi se jaan geya mein ke waqt dhalney lage,
Main thakk ke chaaon mein betha to pairr chalne lage,

Main de raha tha saharey to ik hajoom mein tha,
Jo gir parra to sabhi raasta badalney lage..

 

[Naila_Rubab]

Aik qatra malaal bhi boya nahin geya,
Woh khauf tha ke logon se roya nahin geya,

Yeh sach hai ke teri bhi neendain ujarr gayin,
Tujh se bichar ke hum se bhi soya nahin geya,

Us raat tu bhi pehle sa apna nahin laga,
Us raat khul ke mujhse bhi roya nahin geya,

Daman hai khushk, ankh bhi chup chaap hai bohat,
Larriyon mein aansuyon ko piroya nahin geya,

Alfaaz talkh, baat ka andaaz sard hai,
Pichlaa malaal aaj bhi goya nahin geya,

Ab bhi kahin kahin pe hai kalakh lagi huyi,
Ranjish ka daagh theek se dhoya nahin geya.

 

[soul_of_silence]

Isi se jaan geya mein ke waqt dhalney lage,
Main thakk ke chaaon mein betha to pairr chalne lage,

Main de raha tha saharey to ik hajoom mein tha,
Jo gir parra to sabhi raasta badalney lage..

wowww darling awesme haiii

 

[Naila_Rubab]

wowww darling awesme haiii

thanks sweet heart

 

[Naila_Rubab]

Humsafri ka bojh uthana parta hai,
Dil ko duh ke sath chalana parta hai,

Hum jese awaara dil logon ko bhi,
Koi na koi qaul* nibhana parta hai,

Kabhi kabhi ik dard bhari siskaari se,
Khamoshi ko zakham lagana parta hai,

Sanattey mehfooz rakhe hain seeney mein,
Weeraani ka hath battana parta hai,

Pehle karna parta hai ik jungle saaf,
Uss ke baad ik sheher basaana parta hai,

Roz humain yadon ke ghaur samandar mein,
Raat gaye ik deep jalana parrta hai,

Pardon ka ik khail sajaana parta hai,
Aik uthaana aik giraana parta hai,

Tanhai mein bhi rehna majboori hai,
Logon mein bhi aana jana parta hai..

 

[Naila_Rubab]

Udaas shamain, ujarr rastey, kabhi bulayen to laut ana,
Kisi ki ankhon main ratjagon ke azaab ayen to laut ana,

Abhi neyi wadiyon, naye manzron main reh lo magar meri jaan,
Yeh saarey aik aik karke jab tum ko chorr jayen to laut ana,

Naye zamanon ko qurb orrhey, zayeef lamhey, niddhaal yadain,
Tumharey khawbon ke band kamron mein laut ayen to laut ana,

Agar andheron main chorr keer tum ko bhool jayen tumhare sathi,
Aur apni khatir hi apne apne diye jalayen to laut ana,

Meri woh batain to jin pe be’ikhtyaar hanstaa tha khil’khilaa kar,
Bicharney wali meri woh batain kabhi rulaayain to laut ana..

 

[soul_of_silence]

thanks sweet heart

 

[Naila_Rubab]

Tumhara Pyaar Mere Chaar Suu Abhi Tak Hai
Koi Hisaar Mere Chaar Suu Abhi Tak Hai

Bichartay Waqt Jo Tum Sonp Kar Gaye Thay Mujhe
Wo Intezaar Mere Chaar Suu Abhi Tak Hai

TU Khud Hee Jaanay Kaheen Door Kho Gaya Hai Magar
Teri Pukaar Mere Chaar Suu Abhi Tak Hai

Mein Jub Bhi Nikla Mere Paon Chhaid Daalay Ga
Jo Khaar Zaar Mere Chaar Suu Abhi Tak Hai

Mein Ab Bhi Girtay Howay Paanion Ki Qaid Mein Hun
Ik Aabshaar Mere Chaar Suu Abhi Tak Hai

Koi Gumaan Mujhe Tum Se Door Kaisay Karay ?
Ke Aitbaar Mere Chaar Suu Abhi Tak Hai

 

[Naila_Rubab]

Ye Neend Ki Devi Bhi Ajab Dushman-e-Jaa.n Hai
Aankhon Se Sadaa Door Rahay Raat Gaye Tak
Paspaa Howay Tanhaayi Ki Yalgaar Se Jub Bhi
Hum Sheher Mein Awaarah Phiray Raat Gaye Tak

 

[Naila_Rubab]

Tapish Se Bach Ke Ghataon Mein Baith Jaatay Hain
Gaye Howun Ki Sadaaon Mein Baith Jaatay Hain

Hum Ird Gird Ke Mausam Se Jub Bhi Ghabraayein
Tere Khayaal Ki Chhaon Mein Baith Jaatay Hain

 

[Naila_Rubab]

Tujh Se Bichda Tou Kidher Jaonga ?
Mein Tou Be-Chaini Se Mar Jaonga

Mein Tou Aisay Nahi Jaanay Waala
Chaand Doobay Ga Tou Ghar Jaonga

Moutyon Se Bhara Bartan Hun Mein
Toot Jaonga, Bikhar Jaonga

Mein Tou Sehma Howa Sannata Hun
Apni Awaaz Se Dar Jaonga

Mein Agar Koi Samandar Bhi Hun
Ik Tere Dard Se Bhar Jaonga

Waqt Ke Rath Se Mein “Farhat Abbas”
Kaheen Chup Chaap Bikhar Jaonga

 

[Naila_Rubab]

Saanson Ki Hararat Se Pighal Jaanay Ka Mausam
Aaya Hai Teri Aanch Mein Jal Jaanay Ka Mausam

Ham Ko Nahi Maaloom Tha Ishq Ka Aaghaaz
Yaadon Mein Kaheen Door Nikal Jaanay Ka Mausam

Lagta Hai Ke Chehre Pe Tere Theher Gaya Hai
Yak Lakht Kayi Rang Badal Jaanay Ka Mausam

Ay Sheher Tasalli Tere Mashkoor Hain Ham
Aaya Hee Nahi Dil Ke Sambhal Jaanay Ka Mausam

Ye Sheher-e-Tamanna Bhi Anokha Hai Ke Is Per
Barsaat Mein Bhee Rehta Hai Thal Jaanay Ka Mausam

Chehre Pe Agarche Hai Mere Subaah Ka Ujaala
Aankhon Mein Magar Shaam Ke Dhal Jaanay Ka Mausam

 

[Naila_Rubab]

Be-Qaraari Ke Waar Ke Dar Se
Bin Bulaaye Nikal Pade Ghar Se

Ek Tou Kuch Dasht Yaad Aatay Hain
Aur Wo Abar Jo Bohat Barsay

Koi Qaabil Nahi Bharosay Ke
Koi Mehfooz Hee Nahi Shar Se

Loog Tarsay Hain Paanion Ke Lye
Ham Magar Teri Pyaas Ko Tarsay

Aap Ko Yaad Hai Ke Hum Ek Din ?
Lout Aaye Thay Aap Ke Dar Se

 

[Naila_Rubab]

Hijr Jaari Hai Aur Jeevan Hai
Be-Qaraari Hai Aur Jeevan Hai

Khwaahishon Ke Ajeeb Mausam Mein
Aah-o-Zaari Hai Aur Jeevan Hai

Mustaqil Taig Raaigaani Ki
Zarb-Kaari Hai Aur Jeevan Hai

Dard Ne Mautabar Kia Mujh Ko
Burd-Baari Hai Aur Jeevan Hai

Ishq Ke Saamnay Mere Dil Ki
Inkisaari Hai Aur Jeevan Hai

Ek Ek Pal Howa Giraan Mujh Per
Saans Jaari Hai Aur Jeevan Hai

Haalat Ab Apni Ek Muddat Se
Iztaraari Hai Aur Jeevan Hai

 

[xortica_]

Wow nice thread @NailaRubab bht umda shairi ha

 

[Naila_Rubab]

Wow nice thread @NailaRubab bht umda shairi ha

thanks teeeekaa bhai

 

[xortica_]

thanks teeeekaa bhai

bhai

 

[Naila_Rubab]

bhai

acha chal bhai jaan ab khush

 

[xortica_]

acha chal bhai jaan ab khush

niiii

 

[Naila_Rubab]

Kahan Dil Qaid Se Chhoota Howa Hai ?
Abhi Tak Sheher Se Rootha Howa Hai

Hum Kaisay Kahain Is Dil Ko Sacha ?
Hamaaray Saamnay Jhoota Howa Hai

Ksi Ka Kuch Nahi Yahan Per….
Ye Sab Saamaan Loota Howa Hai

Tumhaaray Dil Mein Meri Chaahaton Ka
Koi Tou Beej Sa Phoota Howa Hai

Kisi Ke Naam Lag Jaayein Balaa Se
Ye Dil Phele Se Hee Toota Howa Hai