Kisi ki bewafai bais-e-hairat nahi hoti

[dream girl]

Kisi ki bewafai bais-e-hairat nahi hoti
Zara sa dil to dukhta he magar shiddat nahi hoti

Bohat khud ko jalata hoo'n ye barso'n ki riazat hai
Meray andar ki lekin door ye zulmat nahi hoti

Yeh dukh hai k' kisi ne bhi hamen dil say nahi chaha
Zara sa piyar mil jata to yeh haalat nahi hoti

Zamin-o-aasmaan main ik ta'alluq hai to sadyoo'n say
magar paida kahin bhi rabt ki soorat nahi hoti

Bohat sey khoob chehray hain bohat si dilruba nazrain
Teray honay se jo hoti thi wo kefiiyyat nahi hoti

Hawala jab talak tera na aa jaye kahin in main
meray shairo'n main paida tab talak jiddat nahi hoti

Teray gumnaam mar janay main AZHAR kya burai hay
ke har insaan ki qismat main to shohrat nahin hoti ​

 

[Dark]

Nice post

 

[nrbhayo]

boht umda nice..