''Ghalib'' saahib ki ek ghazal ka matlaa haazir hai...
ye na thii hamaarii qismat ke wisaal-e-yaar hotaa
agar aour jiite rahte, yehii iNtizaar hotaa!
ab isii zamiin par ''Daagh'' sahab ki ye ghazal haazir hai..mulaahiza farmaayeiN..
ajab apnaa Haal hotaa jo wisaal-e-yaar hotaa
kabhii jaan sadqe hotii, kabhii dil nisaar hotaa
ko_ii fitnah taa-qiyaamat, na phir aashkaar hotaa
tire dil pe kaash zaalim mujhe iKhtiyaar hotaa
jo tumhaarii taraH tum se ko_ii jhooTe wade kartaa
tumhiiN munsifii se kah do, tumheiN aitibaar hotaa
gham-e-ishq meN mazaa thaa jo use samajh ke khaate
yeh woh zehr hai keh aaKhir mai-e-Khushgawaar hotaa
na mazaa hai dushmanii meN, na hii lutf dostii meN
ko_ii ghair-ghair hotaa, ko_ii yaar-yaar hotaa
ye mazaa thaa dil-lagii kaa ke baraabar aag lagtii
naa tujhe qaraar hotaa, naa mujhe qaraar hotaa
tire wade par sitamgar! abhii aour sabr karte
agar apnii ziNdagii kaa hameiN aitibaar hotaa
ye woh dard-e-dil nahiiN hai ke ho chaarah-saaz ko_ii
agar ek baar miTtaa to hazaar baar hotaa
gaye hosh tere zaahid ! jo wo chashm-e-mast dekhii
mujhe kyaa ulaT na detaa jo na baadaa-Khwaar hotaa?
mujhe maante sab aisaa, ke udoo bhii sajdah karte
dar-e-yaar kaaba bantaa, jo miraa mazaar hotaa
tumheN naaz ho na kyoN kar ke liyaa hai "Dagh" kaa dil
ye raqam naa haath lagtii, naa ye iftiKhaar hotaa
ye na thii hamaarii qismat ke wisaal-e-yaar hotaa
agar aour jiite rahte, yehii iNtizaar hotaa!
ab isii zamiin par ''Daagh'' sahab ki ye ghazal haazir hai..mulaahiza farmaayeiN..
ajab apnaa Haal hotaa jo wisaal-e-yaar hotaa
kabhii jaan sadqe hotii, kabhii dil nisaar hotaa
ko_ii fitnah taa-qiyaamat, na phir aashkaar hotaa
tire dil pe kaash zaalim mujhe iKhtiyaar hotaa
jo tumhaarii taraH tum se ko_ii jhooTe wade kartaa
tumhiiN munsifii se kah do, tumheiN aitibaar hotaa
gham-e-ishq meN mazaa thaa jo use samajh ke khaate
yeh woh zehr hai keh aaKhir mai-e-Khushgawaar hotaa
na mazaa hai dushmanii meN, na hii lutf dostii meN
ko_ii ghair-ghair hotaa, ko_ii yaar-yaar hotaa
ye mazaa thaa dil-lagii kaa ke baraabar aag lagtii
naa tujhe qaraar hotaa, naa mujhe qaraar hotaa
tire wade par sitamgar! abhii aour sabr karte
agar apnii ziNdagii kaa hameiN aitibaar hotaa
ye woh dard-e-dil nahiiN hai ke ho chaarah-saaz ko_ii
agar ek baar miTtaa to hazaar baar hotaa
gaye hosh tere zaahid ! jo wo chashm-e-mast dekhii
mujhe kyaa ulaT na detaa jo na baadaa-Khwaar hotaa?
mujhe maante sab aisaa, ke udoo bhii sajdah karte
dar-e-yaar kaaba bantaa, jo miraa mazaar hotaa
tumheN naaz ho na kyoN kar ke liyaa hai "Dagh" kaa dil
ye raqam naa haath lagtii, naa ye iftiKhaar hotaa