IQTIBAS by UMERAH AHMAD
Ba'az dafaa khaamoshi wajood par nahi dil mein utarti hai phir us se zayaada mukammal, khubsoorat or baa maani guftagoo koi or cheez nahi kar sakti or ye guftagoo insaan ki saari zindagi ka haasil hoti hai or is guftagoo ke baad aik doosray se kabhi dobaara kuch kehna nahi parta.
La-Hasil By Umera Ahmed
" Zindagi mein kabhi na kabhi hum us muqam per aa jate hain, jahan sare rishte khatam ho jate hain... wahan sirf hum hote hain aur Allah hota hai,,, Koi maan baap, koi bahan bhai, koi dost nahin hota. Phir humein pata chalta hai k humare pairon k neeche koi zaeen hai na humare sir k ooper koi aasman, bus sirf aik Allah hai jo humein is khala mein bhi thame hueye hai,,, Phir pata chalta hai hum zameen per parhi matti k dhair mein aik zaray ya darakht per lage aik patay se zyada ki wuqat nahin rakhte- Phir pata chalta hai k humare hone ya na hone se sirf humein farq parhta hai,,, Sirf humara kirdaar khatam ho jata hai... Kainat mein koi tabdeeli nahin aati,,, kisi cheez per koi asar nahin parta...
Is k baad humari aqal thikane aa jati hai. "
Peer-e-Kamil (S.A.W.W)
"jis chezze se be-hadd muhababt ho, is k baray ma sochna nahin chahiyea, soch shubhaat ko paida kerti hai aur shubhaa muhabbat ko khatam ker deta ha, tum chahtay ho, tum se meri muhabbat khatam ho jaye?"
Meri Zaat Zara-e-Be'Nishaan
Aap muhabbat zarror karien,Maghar muhabbat kay hasool ki itni khawish na karein.
Aap kay muqadar main jo chez hoo gee woh app ko mill jayee gee,
Magar kisi khawish ko kayee bana kar apnay wajood par phelnay mat dain warna yeh sab say philay app kay IMAAN ko niglay gee.
Pershan honay,Ratoon ko jagna aur saraboon kay pichay baghnay say kisi chez ko muqadar nahi banya ja sakta."
Imaan, Umeed Or Mohabat
"Mein aap se yeh nahin poochon ga k aap ne deen k liye kia chora, Mein sirf yeh poochon ga k aap ne kun chora?? Or yeh sawal is liye keron ga k KHUDA k liye kiye jane wale amal per fakhar k bajaye aap ko pachtawa hai or yeh pachtawa shar se barh ker hota hai. Yeh insan ka her acha amal bhi tabah ker deta hai... Khuda k liye kiye jane wale amal per shuker or phir fakhar kerna chahye k Us ne aap ko aazmaya or aap ne sabit qadmi or istaqamat dikhai.. Lekin agar aap ko pachtana tha to phir aap yeh qurbani na detin,,, Aap bhi saye ka intakhab ker letin... Raste to dono the aap k pass or kisi ne aap ko yaqeenan majboor nahin kiya hoga... Kam az kam Allah ne nahin,,, Us ne to ikhtiyar diya aa ko k intakhab ka haq istma'al kerein... Phir aap ne apne ikhtiyar ka istama'al kiya... Ab yeh pachtawa kun???"
Imaan, Umeed or Mohabat