Guldaan Mera Dil Hai Teri Yaad Phool Hai.. …

[*Sarlaa*]

Apna to chahton mein yehi ik asool hai,
Tera bhalaa bura humain sab kuch qubool hai,
Yeh umar bhar ka jaagna bekaar hi na jaye,
Tu naa mila to saari reyaazat fazool hai,
Khud hi kaha tha tu ne meri jaan chorr de,
Ab chorr di to kyon tera chehra malool hai,
Aye Maan yeh meri shohrtain meri yeh iztain,
Kuch bhi nahin bass tere kadmon ki dhool hai,
Aayi jo teri yaad to aankhain barass parri,
Iss waqt tere dard ka dil per nazool hai,
Ik doosrey ke waastey dono baney Wasi,
Guldaan mera dil hai teri yaad phool hai..
…

 

[huny]

bht aala my fvrt

 

[*Sarlaa*]

Maan lai ab bhi meri jaan-e-adaa, dard na chun,
Kaam aati nahin phir koi duaa, dard na chun,
Aur kuch dair mein mujh ko chale jana hoga,
aur kuch dair mujhe khawab dikha, dard na chun,
Aik bhi dard na kam hoga keyi sadiyon mein,
Ab bhi kehta hoon tujhe waqt bachaa, dard na chun,
Woh jo likha hai kisi taur nahin ttal sakta,
Aa mere dil main koi deep jala, dard na chun,
Main tere lamss se mehroom na rah jaaon kahin,
Aakhri baar mujhe khud se laga, dard na chun,
Ab to yeh raishmi purain bhi chaddi jati hain,
Khud ko ab bakhssh bhi de, zulm na dhaa, dard na chun,
Yeh nahin hon ge to khali nahin ho jaon ga mein,
Mere zakhmon se koi geet bana, dard na chun,
Kuch na de ga yeh masaayel se ulajhtey rehna,
Chorr sab kuch meri banhon mein samaa, dard na chun..
…

 

[*Sarlaa*]

Sari raat ki jaagi aankhein,
College mein kiya parrhti hon gi,
Yunhi khoye, dil hi dil mein,
Jaanay kiya kiya karti hon gi,
Sari raat ki jaagi aankhen,
Koi bolay, kaan na dharna,
Koi hillay to ek dam darna,
Koi daikhe in ka barhna,
Apne aap say larti hon gi,
Sari raat ki jagi aankhein,
Apni kitaabein phartey rehna,
Us ki baaten kartey rehna,
Us ki yaadein ghartey rehna,
Jeetay jeetay marti hon gi,
Sari raat ki jagi aankhein,
College mein kiya parrhti hon gi..
…

 

[*Sarlaa*]

bht aala my fvrt

 

[huny]

hor Na Kar Dhadkan Zara Tham Ja…. Kuch Pal Ke Liye
Badi Muskil Se Meri Aankho Me Uska Khawab Aaya hai…….!!

 

[huny]

 

[*Sarlaa*]

 

[huny]