Ghazlon Ki Bait Baazi !!
- Thread starter Fanii
- Start date
Word: Hasrat
Word : Halaat
Halaat ki bheegi raat bhi hai jazbaat ka tez alaav bhi,
main kaun si aag mein jal jaaun aye nukta-waro samjhaao bhi.
Har-chand nazar se jhele hain har baar sunahre ghaao bhi,
hum aaj bhi dhokha kha lenge tum bhesh badal kar aao bhi.
Girdaab ke khooni halqon se jab khel chuki hai naav bhi,
patwaar badalna kya maani? mallaahon ko samjhaao bhi.
Halaat ki bheegi raat bhi hai jazbaat ka tez alaav bhi,
main kaun si aag mein jal jaaun aye nukta-waro samjhaao bhi.
Har-chand nazar se jhele hain har baar sunahre ghaao bhi,
hum aaj bhi dhokha kha lenge tum bhesh badal kar aao bhi.
Girdaab ke khooni halqon se jab khel chuki hai naav bhi,
patwaar badalna kya maani? mallaahon ko samjhaao bhi.
Samajhna.
Tujh ko na samajhna he , hey tujhe samajh jana
na dikhae dena he , hey tera nazar aana
Aik wo bhi nukta he , aik wo bhi manzil he
jis pe ghair mumkin hey aql se pohanch pana
Aql ger na ho aajiz , dil ager no ho qayal
phir bhala ho kiyoo.N mumkin shukre-rab-baja laana
Tu he awwal-o-aakhir, tu he zahiro-batin
tujh se he hey hona bhi , tujh se he hey na hona
Raat ki siyahi se kiyoo.N na doo.N use nisbat
Munhasir he dhalne pe zulf ke sehar aana
Word: Raat
Baat Din Ki Nahi, Ab Raat Se Dar Lagta Hai...
Ghar Hai Kacha Mera, Barsaat Se Dar Lagta Hai...
Tere Tohfay Ne To Bas Khoon Ke Aansoo Hi Diye...
Zindagi Ab Teri Saughaat Se Dar Lagta Hai...
Pyaar Ko Chor Ker Tum Aur Koi Baat Karo...
Ab Mujhay Pyaar Ki Har Baat Se Dar Lagta Hai...
Meri Khaatir Na Wo Bandnaam Kahein Ho Jaein...
Iss Liye Unn Ki Mulaqaat Se Dar Lagta Hai...
Word: Mulaqat
Baadal To Ghar Aaey thay Barsaat Reh Gai,
Wo Aaj Yun Mila K Hamain Janta Na Ho,
Lab To Meray Khulay Thay Magar Baat Reh Gai,
Mai Haar K Bhi Khush Hoon k Tum Jeet To Gaey,
Qismat Main Meri Maat Thi So Maat Reh Gai,
Daaman Main Kya Rakha Hai Is K Siwa Bas,
Bakhshay Jo Tu Nay Zakhm Wo Soughaat Reh Gai,
Kya Kya Badal Rahay Hain Yahan Mousam Khabar Nahi,
DiL K Nagar Main Raat Thi So Raat reh Gai... )
Mil Kar Bhi Ussay Hasrat-E-Mulaqat Reh Gai,Baadal To Ghar Aaey thay Barsaat Reh Gai,
Wo Aaj Yun Mila K Hamain Janta Na Ho,
Lab To Meray Khulay Thay Magar Baat Reh Gai,
Mai Haar K Bhi Khush Hoon k Tum Jeet To Gaey,
Qismat Main Meri Maat Thi So Maat Reh Gai,
Daaman Main Kya Rakha Hai Is K Siwa Bas,
Bakhshay Jo Tu Nay Zakhm Wo Soughaat Reh Gai,
Kya Kya Badal Rahay Hain Yahan Mousam Khabar Nahi,
DiL K Nagar Main Raat Thi So Raat reh Gai... )
WORD : Dil
Aankhon mein rahaa dil mein utarkar nahin dekha
Kishti ke musafir ne samandar nahin dekha
Bewaqt agar jaunga sab chonk padenge
Ik umr hui din mein kabhi ghar nahin dekha
lis din se chala hun miri manzil pe nazar hai
Aankon ne kabhi meel ka patthar nahin dekha
Ye phool mujhe koi wirasat mein mile hein
Tumne mira kanton bhara bistar nahin dekha
Patthar mujhe kahta hai mira chahne wala
Main mom hun usne mujhe chhookar nahin dekha
View attachment 88410
TM Friends How are You All
Aap sab ko
View attachment 88411
Gazlon ki Bait Baazi Main ..
Friends Aap sab k liye boht interesting silsila shuru kr rha hon Hope Aap Sab
Enjoy Karingy ....
TM Bazm e Ghazal Boht Interesting Thread Hai Yahan Par Aap sb Daily Apni Aik
Favorite Ghazal Share Karaingy But Aik Rule Hai Or Wo Ye k Above Member Jo
Ghazal Share Karega Below Member ko Us Ghazal k last shair k kisi bhi Word Se
Ghazal Share Krni Hai
So I'm Starting
Ghum Sum Howa Awaz Ka Dariya Tha Wo Ek Shakhs
Pathar bhi naheen ab wo sitara tha jo ik shakhs
Shayd wo bhi koi harf-e-wafa dhoond raha tha
Chehroon ko baray ghor se parta the wo ik shaks
Sehra kee tarah dair se piyasa tha wo shayd
Badal kee tarah toot key barsa tha wo ik shakhs
Ay taiz hawa koi khabar us key janoon kee!
Tanha safr-e-shouq pe nikla tha jo ik shakhs
Ab akhree sitroon main kaheen naam hai us ka
Ahbaba kee feh-rist main pehla tha jo ik shakhs
Hathoon main chhupay hoay phirta hai kai zakham
Sheeshay key khilonon se behilta tha jo ik shakhs
Mur mur key isay dekhna chahain meri akhain
Kuchh door mujay chhornay aaya tha jo ik shakhs
Har zehn main kuchh naqsh-e-wafa chhor ghia hai
Kehnay ko bharay shehr main tanha tha jo ik shakhs
Munkar hai wohee ab meri pehchan ka Mohsin
Aksar mujay khat khoon se likhta tha jo ik shakhs
Is Ghazal k Last Shair k kisi b word se nxt member ko Ghazal share karni hai !!
So nice.