Bebas nigaahon mein hai tabaahi ka manzar,
Aur tapakate ashq ki har boond,
Wafa ka izhaar karti hai,
Dooba hai dil mein Bewafai ka khanjar,
Lamha-e-bekasi mein tasaavur ki duniya,
Maut ka deedar karti hai,
Aey hawa unko karde khabar meri maut ki,
Aur kehna,
Ke kafan ki khwahish mein meri laash,
Unke aanchal ka intezaar karti hai......
Mera andaza aath din ka hai. Poore aath din.
Main koi scientist ya pathologist nahi hoon aur na hi koi jyotishi. Main toh university mein economics padhata hoon. Par thodi bahut research, thoid kitabon ki khaak chhan kar mujhe poora yakeen hai ke Delhi ki garmi mein mera aath din ka andaza bilkul theek bethega.
Kyunki main tumse bahut pyaar karta hoon aur hamesha karta bhi rahunga. Aur tum ye baat bhi bahut achhi tarah janti ho ke badlav mujhe pasand nahi. Kisi bhi tarah ka koi bhi badlav. Phere lete hue jab tumne meri patni hone ka vachan liya tha, usi waqt maine bhi tumhara pati hone aur rehne ki kasam uthayi thi.
Is kasam ko toda nahi ja sakta, na badla ja sakta, ye tum jaanti ho.
Tum ghar vaapis aaogi. Tum ek baar phir hamare bedroom mein kadam rakhogi. Jis waqt ka maine andaza lagaya hai, us waqt tum andar kadam rakhogi. Jis hisaab se maine andaza lagaya hai, usi hisaab se tum mere nazdeek aaogi. Aur phir tum hisaab lagaogi ke mera andaza theek tha ya nahi.
Aath din meri jaan, Aath din.
Shayad ye bhi haqeeat hi hai ke mohabbat ek zinda cheez ki tarah hai aur jis tarah har zinda cheez ko ek din marna hota hai, usi tarah se mohabbat bhi ek din dam tod deti hai. Kabhi kabhi achanak aur kabhi dheere dheere, tadap tadap kar.
Aaj se aathve din hamari aathvi anniversary hai aur is anniversary par maine tumhare liye ek khaas tohfa taiyyar kiya hai.
Tum ghar par akeli hi aaogi, jaisa ke tumne mujhse wada kiya hai. Vaise toh tumhare mutaabik ab tumhare dil mein mere liye pehle wali jagah nahi rahi par phir bhi itni ummeed toh main tumse kar hi sakta hoon ke tum mujhse kiya apna wada toh nibhaogi hi. Tum par maine hamesha yakeen kiya tha, tumhari har baat pe
aankh band karke bharosa. Koi sawal nahi kiya tha maine us din jab tumne mujhse kaha tha ke tumhari zindagi mein aur koi doosra aadmi nahi. Theek usi tarah mujhe aaj bhi yakeen hai ke tum ghar par akeli hi aaogi.
Mumbai se tumhari flight Delhi Airport par dopahar 3:22 par land hogi. Tumne mujhe airport se tumhein pick karne ke liuye maine mana kiya hai aur main tumhari baat ko poori izzat doonga. Tum airport se Janakpuri ke liye ek Taxi karogi. Tum chahti ho ke tum ghar aao, apna sab saman lo aur usi taxi mein bethkar vo raat kisi hotel mein guzaro kyunki Mumbai ki agli flight agle din hi hai.
Tum taxi ko hamare ghar ke bahar ped ke neeche rukvaogi. Taxi mein bethi kuchh der tak tum nazar jamaye ghar ki taraf khamoshi se dekhti rahogi. Tum kaafi thaki hui hogi. Us waqt tumhein samajh nahi aa raha hoga ke kya karo. Jhijhak, afsos, dukh, guilt ki ek ajeeb mili juli si feelings se tum kuchh der tak vahin bethi guzarti rahogi.
Ya shayad tum vahan bethi sirf ye socho ke agle ek ghante mein sab khatam ho jaayega. Aur aakhir tumhein tumhari aazadi mil hi jaayegi.
Agar tumhari flight delay nahi hui toh tum takreeban 4 baje tak ghar pahunchogi. Garmi us waqt bhi bahut zyada hogi aur Taxi ke A.C. se tumhara bahar nikalne ka dil nahi kar raha hoga. Tumhein gaye hue 5 hafte ho chuke honge aur bahar sadak par taxi mein bethi tum ghar ko dekhogi aur ye sochogi ke kuchh bhi toh nahi badla.
Tum is baat ko bilkul nazar andaz kar dogi ke hamare living room ke parde zindagi mein pehli baar tumhein band milenge. Tum is baat ko bhi nazar andaaz kar dogi ke hamare ghar ke bahar bane lawn mein ghaas bahur zyada badh chuki hai aur pani na milne ki vajah se garmi mein jhulas kar jal chuki hai.
Aur tapakate ashq ki har boond,
Wafa ka izhaar karti hai,
Dooba hai dil mein Bewafai ka khanjar,
Lamha-e-bekasi mein tasaavur ki duniya,
Maut ka deedar karti hai,
Aey hawa unko karde khabar meri maut ki,
Aur kehna,
Ke kafan ki khwahish mein meri laash,
Unke aanchal ka intezaar karti hai......
Mera andaza aath din ka hai. Poore aath din.
Main koi scientist ya pathologist nahi hoon aur na hi koi jyotishi. Main toh university mein economics padhata hoon. Par thodi bahut research, thoid kitabon ki khaak chhan kar mujhe poora yakeen hai ke Delhi ki garmi mein mera aath din ka andaza bilkul theek bethega.
Kyunki main tumse bahut pyaar karta hoon aur hamesha karta bhi rahunga. Aur tum ye baat bhi bahut achhi tarah janti ho ke badlav mujhe pasand nahi. Kisi bhi tarah ka koi bhi badlav. Phere lete hue jab tumne meri patni hone ka vachan liya tha, usi waqt maine bhi tumhara pati hone aur rehne ki kasam uthayi thi.
Is kasam ko toda nahi ja sakta, na badla ja sakta, ye tum jaanti ho.
Tum ghar vaapis aaogi. Tum ek baar phir hamare bedroom mein kadam rakhogi. Jis waqt ka maine andaza lagaya hai, us waqt tum andar kadam rakhogi. Jis hisaab se maine andaza lagaya hai, usi hisaab se tum mere nazdeek aaogi. Aur phir tum hisaab lagaogi ke mera andaza theek tha ya nahi.
Aath din meri jaan, Aath din.
Shayad ye bhi haqeeat hi hai ke mohabbat ek zinda cheez ki tarah hai aur jis tarah har zinda cheez ko ek din marna hota hai, usi tarah se mohabbat bhi ek din dam tod deti hai. Kabhi kabhi achanak aur kabhi dheere dheere, tadap tadap kar.
Aaj se aathve din hamari aathvi anniversary hai aur is anniversary par maine tumhare liye ek khaas tohfa taiyyar kiya hai.
Tum ghar par akeli hi aaogi, jaisa ke tumne mujhse wada kiya hai. Vaise toh tumhare mutaabik ab tumhare dil mein mere liye pehle wali jagah nahi rahi par phir bhi itni ummeed toh main tumse kar hi sakta hoon ke tum mujhse kiya apna wada toh nibhaogi hi. Tum par maine hamesha yakeen kiya tha, tumhari har baat pe
aankh band karke bharosa. Koi sawal nahi kiya tha maine us din jab tumne mujhse kaha tha ke tumhari zindagi mein aur koi doosra aadmi nahi. Theek usi tarah mujhe aaj bhi yakeen hai ke tum ghar par akeli hi aaogi.
Mumbai se tumhari flight Delhi Airport par dopahar 3:22 par land hogi. Tumne mujhe airport se tumhein pick karne ke liuye maine mana kiya hai aur main tumhari baat ko poori izzat doonga. Tum airport se Janakpuri ke liye ek Taxi karogi. Tum chahti ho ke tum ghar aao, apna sab saman lo aur usi taxi mein bethkar vo raat kisi hotel mein guzaro kyunki Mumbai ki agli flight agle din hi hai.
Tum taxi ko hamare ghar ke bahar ped ke neeche rukvaogi. Taxi mein bethi kuchh der tak tum nazar jamaye ghar ki taraf khamoshi se dekhti rahogi. Tum kaafi thaki hui hogi. Us waqt tumhein samajh nahi aa raha hoga ke kya karo. Jhijhak, afsos, dukh, guilt ki ek ajeeb mili juli si feelings se tum kuchh der tak vahin bethi guzarti rahogi.
Ya shayad tum vahan bethi sirf ye socho ke agle ek ghante mein sab khatam ho jaayega. Aur aakhir tumhein tumhari aazadi mil hi jaayegi.
Agar tumhari flight delay nahi hui toh tum takreeban 4 baje tak ghar pahunchogi. Garmi us waqt bhi bahut zyada hogi aur Taxi ke A.C. se tumhara bahar nikalne ka dil nahi kar raha hoga. Tumhein gaye hue 5 hafte ho chuke honge aur bahar sadak par taxi mein bethi tum ghar ko dekhogi aur ye sochogi ke kuchh bhi toh nahi badla.
Tum is baat ko bilkul nazar andaz kar dogi ke hamare living room ke parde zindagi mein pehli baar tumhein band milenge. Tum is baat ko bhi nazar andaaz kar dogi ke hamare ghar ke bahar bane lawn mein ghaas bahur zyada badh chuki hai aur pani na milne ki vajah se garmi mein jhulas kar jal chuki hai.