Aaj Ka Intikhaab............!!

[minaahil]

اپنا ہی عکس آج تو دھندلا لگا مجھے
میں ہوں اداس یا میرا شیشہ اداس ہے

 

[Kavi]

کُوچہِ یار میں ہو گا کہیں مصروفِ طَواف
دِل اگر سینے میں ہوتا تو دھڑکتا ہوتا
​

 

[minaahil]

کتابوں کے صفحے پلٹ کر سوچتی ہوں
یوں پلٹ جائے اگر زندگی تو کیا بات ہو

 

[Kavi]

ساری خوشیاں ہیں عارضی دل کی
جتنے دُکھ ہیں وہ دائمی دُکھ ہیں
ہم مُحبت بھی سہہ نہیں پائے
فیض کہتے تھے اور بھی دُکھ ہیں ​

 

[Kavi]

کب پلٹ کر تجھے وہ دیدہ تر دیکھیں گے
جانے والے تو فقط اپنا سفر دیکھیں گے​

 

[Kavi]

منزل کو نہ پہچانے رہِ عشق کا راہی
ناداں ہی سہی ایسا بھی سادہ تو نہیں تھا​

 

[Kavi]

تــم نـے کیا ســوچ کــر میــرے آگـے
پھــــر محبتــــ کا مشــــورہ رکھا؟
عشــق گھـر کا کوئی مــلازم ہـے؟
کہ ایکـــ چھـــوڑا تو دوســــرا رکھا​

 

[Kavi]

مُحبت نام ہے جس کا وہ مُحسن قید ایسی ہے
کہ عُمریں بیِت جاتی ہیں سزا پُوری نہیں ہوتی​

 

[Kavi]

ممکن ہے کہ صدیوں بھی نظر آئے نہ سورج
اس بار اندھیرا میرے اندر سے اُٹھا ہے​

 

[Kavi]

کون آنکھوں میں چھپے کرب کو پڑھتا ہوگا
لوگ اِتنے بھی سمجھدار کہاں ہوتے ہیں​

 

[Kavi]

ڈرا رہا ہے مسلسل یہی سوال مجھے
گزار دیں گے یوں ہی کیا یہ ماہ و سال مجھے​

 

[Kavi]

ﮐُﻨﺞِ ﺣﯿﺮﺕ ﺳﮯ ﭼﻠﮯ، ﺩﺷﺖِ ﺯﯾﺎﮞ ﺗﮏ ﻻﺋﮯ
ﮐﻮﻥ ﻻ ﺳﮑﺘﺎ ہے ہم ﺩﻝ ﮐﻮ ﺟﮩﺎﮞ ﺗﮏ ﻻﺋﮯ​

 

[Kavi]

میری دنیا میں کوئی چیز ٹھکانے پہ نہیں
بس تجھے دیکھ کے لگتا ہے کہ سب اچھا ہے​

 

[Kavi]

عُمرِ رفتہ کو تِرے شہر کے بازاروں میں
ڈھونڈتے ڈھونڈتے مُمکن ہے زمانے لگ جائیں
کیا سِتم ہو کہ نئے سال کو چل دیں ہم لوگ
اور تعاقب میں وہی روگ پرانے لگ جائیں​

 

[Kavi]

وہ مجھے یاد تو کرتا ہے مگر یوں جیسے
گھر کا دروازہ کسی رات کُھلا رہ جائے​

 

[Kavi]

مجھ سے رسماَ بھی نہیں ہاتھ ہلایا جاتا
کوئی جاتا ہے تو بس آنکھ جھپک دیتا ہوں

​

 

[Kavi]

آشوب ہے ایسا کہ سَراسِیمہ ہے وِحشت
یہ عجزِ بَیاں زخم بھی دھونے نہیں دیتا​

 

[Kavi]

رابطہ ٹوٹ چُکا ہے تو صدائیں کیسی
اب جو مِلنا ہی نہیں ہے تو وفائیں کیسی
چند یادیں ہیں اور آنسو ہیں واپس لے لو
!جب کوئی جُرم نہیں ہے تو سزائیں کیسی​

 

[Kavi]

تجھ کو معلوم نہیں میرے غم کی حقیقت ورنہ
تُو بھی میرے ساتھ بھرے شہر میں ماتم کرتا​

 

[Kavi]

محو تسبیح تو سب ہیں مگر اِدراک کہاں
زندگی خود ہی عبادت ہے! مگر ہوش نہیں​