پوجا کی تھالی
عجب وحشتِ رقصِ مستی ہے دیکھو
کبھی لَب سوالی
کبھی کاسہٴ جاں وفاوٴں سے خالی
کبھی چشمِ حیرت میں خوابوں کی خوشبو
کبھی دِل کی دھرتی پہ ہے خُشک سالی
کبھی آس کا کوئ غنچہ کِھلے
شام کا رنگ بدلے
کبھی ٹُوٹنے کو لچکتی رہے
عمر کی زرد ڈالی
یہی ہے جزا
گر تِرے عشق کی تو
مِرے ہاتھ سے چُھوٹ جائے گی آخر
یہ پوجا کی تھالی
نوشی گیلانی
عجب وحشتِ رقصِ مستی ہے دیکھو
کبھی لَب سوالی
کبھی کاسہٴ جاں وفاوٴں سے خالی
کبھی چشمِ حیرت میں خوابوں کی خوشبو
کبھی دِل کی دھرتی پہ ہے خُشک سالی
کبھی آس کا کوئ غنچہ کِھلے
شام کا رنگ بدلے
کبھی ٹُوٹنے کو لچکتی رہے
عمر کی زرد ڈالی
یہی ہے جزا
گر تِرے عشق کی تو
مِرے ہاتھ سے چُھوٹ جائے گی آخر
یہ پوجا کی تھالی
نوشی گیلانی