رواں مالی سال آئی ایم ایف کو مجموعی طور پر 2 ارب ڈالر کا قرضہ ادا کیا جائیگا، حکام فوٹو: رائٹرز/فائل
اسلام آ باد: پاکستان نے اسٹینڈ بائی ارینجمنٹ پروگرام کے تحت بین الاقوامی مالیاتی فنڈ(آئی ایم ایف) سے حاصل کردہ قرضہ کی چھٹی قسط ادا کردی۔
اس ضمن میں وزارت خزانہ کے حکام نے بتایا کہ آئی ایم ایف کو 14 کروڑ 45لاکھ ڈالر ادا کردیے گئے ہیں، پاکستان کی طرف سے اب تک آئی ایم ایف کو مجموعی طور پر 1 ارب 56 کروڑ 50 لاکھ ڈالر کے لگ بھگ رقم واپس کی جا چکی ہے، اس کے علاوہ آئی ایم ایف کو 40 کروڑ ڈالر کی اگلی قسط 23 نومبر کو ادا کی جائے گی جبکہ رواں مالی سال کے دوران آئی ایم ایف کو مجموعی طور پر 2 ارب ڈالر کے لگ بھگ قرضہ واپس کیا جائے گا۔