نا جنس کا لمس
وُہ چلتیتَو اُس کے دوپٹے پہ
کاڑھے ہُوئے پھول
اک ایک کر کے
فضا میں بکھرتے
نئی کونپلیں پھوٹتیں
پھول کھلتے
فضا میں بکھرتے
کوئی پھول جب اپنے ناجنس کا لمس پاتا
تَو شعلہ بھڑکتا
کہیں آئینوں سے
کہیں پانیوں سے
مچلتی ہُوئی راکھ اُڑتی
تماشائی سب دیکھتے
دیکھتے اور رستہ بدلتے
مگر میں۔۔۔۔۔۔!
مجھے اِن پُر اسرار پھولوں کی
مانوس خوشبو نے
کچھ ایسا پاگل کیا
میں فضاوٴں میں اُڑتے ہُوئے پھول چننے لگا
پھول چنتا رہا
مجھ سے کیا پوچھتے ہَو کہانی مری
یہ مرے ہاتھ دیکھو۔۔۔!
