Assalam-o-Alaikum
Yaha'n per sub hi Aalim hai'n
Jub TM join kia tu khwahish ti keh Islam section mai'n ziyadha post kroo'n ga laikin ek do post key baad hi andaza hogaya keh ye jagha mairey liye nahi'n sirf do hi rastey they keh ya tu mai'n bhi behas-o-mubahisey mai'n ulajh jaoo'n ya phir is section ka rukh hi kerna chor doo'n aur mai'n ney dosra rasta ikhtiyar kia
Mai'n aaj tek ye samajhney sey qasir raha hoo'n keh yaha'n khas tor per aisi posts hi kyoo'n lagai jati hai'n jin mai'n kisi na kisi terha behas shoro ho jati hey aur baaz mertaba tu baat talkh kalami tek ja ponhchti hey
Quran aur Hadih ko aisey quote kia jata hey jaisey ye koi masla hi nahi'n mujhey samajh nahi'n aata keh kia hum yaha'n aisi threads nahi'n laga saktey jo behas-o-mubahisey sey pak hoo'n laikin nahi'n hum aisa nahi'n krai'n ge kyoo'n keh hum samajhtey hai'n keh ye tu dunya ka sub sey aasan kaam hey
Jub hum bimar pertey hai'n tu kisi MBBS doctor key pas jatey hai'n kisi phd key pas nahi'n kyoo'n?.......kyoo'n keh woh us field sey munsalik hotey hai'n aur unhoo'n ney medical ki perhai mai'n 5 saal lagaye hotey hai'n tab ek taza doctor taiyar hota hey
Laikin ek Aalim-e-deen 9 saal ki mehnet key baad taiyar hota hey mujhey nahi'n maloom yaha'n TM per kitney Aalim-e-Deen threads lagatey hai'n aur ager woh aalim hai'n tu unhai'n batana chahiye keh woh kin kin madaris sey farighul tehseel hai'n warana itni ferawani sey mozoaat per Quran-o-Hadith ko quote kerna kuch munasib nahi'n lagta haa'n mozouaat ki himayet mai'n Quran-o-Hadith ko quote kerney ki bajaye sirf logoo'n k bataney key liye Quran-o-Hadith ko quote krai'n tu koi muzaiqa nahi'n
Mai'n janta hoo'n keh buhat sey mairey behen bhai mujh sey ikhtilaaf krai'n gey laikin fi zamana ikhtilaf-e-umet ko khatem kerney key liye zarori hey keh hum ikhtilafi masil mai'n ulajhney sey guraiz krai'n aur
Masieel ki bajaye fazaiel per baat krai'n tu acha hoga.