Zakham-e-hasrat

[Lonely-Prince]

Patthar mujhey sharminda e guftar na kardey
Uncha meri aawaz ko deewar na kardey

Majboor e sukhan karta hai kyun mjhuko zamana
Lehja merey jazbaat ka izhaar na kardey

Zanjeer samajh kar mujhey torha to hai too-ney
Abb tujhko pareesha’n meri jhankar na kar dey

Mai khudd ko mita kar tera shahkaar bana hoo’n
Neelam mujhey tu sar e bazar na kar dey

Chalta hoo’n to parhte hain qadam merey hawa par
Darta hoo’n hawa chalney sey inkaar na kar dey

Harr sans naye zakhm lagati hai
Tukrhey mery ik roz ye talwar na karr dey

 

[Lonely-Prince]

hehr-e-Muhabbat hijr ka mousam,ehed-e-wafa or mein
tu to is basti se khush khush chala gaya , or mein ...??

tu jo na ho to jaise sab ko chup lag jati hai
apas mein kya batein kertey raat, diya or mein

sair-e-chhaman adat thi pehley ab majboori hai
teri talash mein chal pertey hein bad-e-saba or mein

jisko dkeho teri hava mein pagal phirta hai
werna hum mashrab to nahi they khalq-e-khuda or mein

aik to wo humraz mera hai phir tera maddah
bas tera hi ziker kya kertey hein Zia or mein

aik zamaney bad 'Faraz' ye shair kahey meine
ik muddat se miley nahi hein yaar mera or mein

 

[Lonely-Prince]

Jb tere shahr se guzarta hun

Dil bhi karta hain yaad chupke tujhe
Naam leti hain zuban tera

ye bhi nahin mallum mujhe
Kis mohalley mein hein makan tera
Kaun si shakh-e-gul pe raqsan hai
Rashk-e-firdaus aashiana tere
Jane kin vadiyon mein thehra hein
Girat-e-husn karvaan tera
Kis se puchunga main khabbar teri
Kaun batlaye ga nishaan tera

Teri rusvaiyon se darta hun
Jb tere shahr guzarta hun

Hall-e-dil bhi na keh saki garche
Tuu rahi muddaton kareeb mere
Kuch teri azmaton ka daar bhi tha
Kuch khayallat the ajeeb mere
Bar-e-dar ho gaye raqiib mere
Tu mujhe choor ke chale bhi gayi
Khair kismat meri naseeb mere

Ab mein kyu tujse pyar karta hun
Jb tere shahr se guzarta hun

Vo zamane teri mohhabat ke
Ek bhuli hui kahani hain
Tere kuuche mein umr bhar na gaya
Saari duniya ki khaq chahni hain
Laazat-e-qarb ho ke zakhm-e-firaq
Jo bhi hain teri meharbani hain
Kis tammana se tujko chaha tha
Kis mohabbat se har mani hai

Apni qismat pe naz karta hun
Jb tere shahr se guzarta hun

 

[Lonely-Prince]

Tu jahan- jahan chalega
Mera saya sath hoga

Kabi mujko yaad karke
Jo bahein ge tere ansu

To wahi pe rok lein ge
Unhe aake mere ansu

Tu jidhar ka rukh karega
Mera saya sath hoga

Tu agar udas hoga
To udas hungi mein bhi

Nazar aon ya na aon
Tere pass hungi mein bhi

Tu kahiin bhi jahan rahega
Mera saya sath hoga

Mein agar bichar bhi jaon
Kabi mera gam na karna

Mera pyar yaad karke
Kabhi aankh nam na karna

Tu jo mur ke dekh lega
Mera saya sath hoga

Mera gam raha hai shamil
Tere dukh mein,tere gam mein

Mere pyar ne diya hai
Tera sath har janam mein

Tu kahin janam bhi le ga
Mera saya sath hoga

Tu jahan-jahan chale ga
Mera saya sath hoga

 

[ShehrYaar]

Terey baghair Sard mosmo'n ke khusgawar Din Udaas hen....

Fiza me Dukh Racha hoa hi..


Hawa koi udaas geet gungana rahi hi...


Phool ke Labo'n pe Peyas hi..


Aisa Lagta hi..

Hawa ki Aankhen Rotey Rotey khushk ho gai hon..


Saba ke dono hath khali hon..


keh...

shehr mein Tera koi pata nahen...

saans lena kitna mahaal hi..

udassian udassian Ajab haal hi..

Tamam sabz sayya-dar pero'n ney...

Tery baghair wehshato'n me apney perahan ko tar tar kr dia...

Ab kisi shajr key Jism per Qubba nahen....

Sookey Zard pattey...

Koo ba Koo teri tilaash me Bhatak rahey hen...

Meray Daricho'n me Gulabi dhoop roz jhaankti hi...

Mgr uss ki Aankho'n me..

Wo Jag-mgahetie'n nahen...

Jo teray Waqt me Zameen key sabeeeh maathey per...

Soorajo'n ki kehkashan'n sajaaney aatie'n thien..

Zamee'n bhe meri Trah hi..

Teray baghair es ki Kohk se bhe ab..

Koi Gulaab uug na paye ga..

Zamee'n Banjer ho gai hi...

Aur...
Meri Rooh ki Bahaar Aafree'n kohk be...

Meri soch key sadaf mein...

Fun key suchey moti kis trah Janam lia kren...

keh main sarapa-e-tashnagi hon...

Aur door door tak, Visaal-e-abr ki khabr nahen...

Meray aur Teray darmian...

Paanch Paanio'n key Des mein...

Kachey gharrey bhe to meri dastars se door hen...

Mian kis trah SHER kahoo'n...

Meri Soch key Badn ko, tooo Namoo to dey...

keh...
Main Teray baghair Ek Sehra hon..........!!

lengthy but nice ..............

 

[Lonely-Prince]

BeSabab To Na Theen Teri Yaadein!
Teri Yaado Say Kiya Nahin Seekha!

Zabt Ka Housla Barha Layna!
Aansoo’n Ko Kaheen Chhupa Layna!

Kaanpti Doultee Sadaaon Ko!
Chupp Ka Roug Laga Layna!

BeSabab Bhee
Kabhee Kabhee Hansna!

Jab Bhee Ho Koi Baat Talkhee Ki!
Guftugoo Ka Rukh Badal Dayna!

BeSabab To Na Theen Teri Yaadein!
Teri Yaadon Say Kiya Nahin Seekha!

 

[Lonely-Prince]

Sulagg Raha Houn Main Dheerey Dheerey
Magar Kisi Pey Ayaan Nahin Hay!

Vo Aagg Dil Men Lagi Hay Jismen,
Tapish Hay Lekin Dhuuan Nahin Hay!

Tumharey Gham Ne Sikha Diya Hay,
Mujhey Her Ek Gham Sey Pyaar Karna!

Gham e Jahaan Bhee Yaqeen Maano,
Mizaaj e Dil Pey Giraan Nahin Hay!

Khudaa Ki Bastee Men Har Qadam Per,
Koi Hay Giryan Kisi Kay Gham Men!

Ye Dard To Darde Mushtarik Hay,
Ye Aankh PurNam Kahan Nahin Hay!

Mataae Umre Aziz Saari,
Ganwaa Chukay Per Safar Hay Jaari!

Ajeeb Sauda Hay Aashqii Ka,
Fikare Soodo Ziyaan Nahin Hay!

 

[Lonely-Prince]

Wo shakhs to Tabinda Sitaron ki tarha tha
Mash'hor jo Dushman mein b Yaaron ki tarha tha

Us Shakhs k Aany sy Khil Uthti thi hr cheez
Wo Shakhs to jaisy k Baharon ki tarha tha

Sunta tha Wo hr Baat brry Gor sy Meri
Rehta magr Chup Chaap Diwaron ki tarha tha

Us Shakhs k AasaAb to Pathar ki tarha thy
Ab Tota to bikhra wo Akhbaron ki tarha tha

Uljha huwa rhta hai Wo ik Mudat se
Wo Shakhs jo Pur-Nor Nzaron ki tarha tha......!

 

[Lonely-Prince]

baray anjaan mousam main
bohot berang lamhon main,
bina aahat bina dastak
bohot masoom sa sapna
utar aaya hay aankho main
bina soochey bina samjhay,
kaha hay dil ne chupke se,
haan is masoom sapnay ko,
aankho main jagha de do!
bina roke bina bole
jhuka diya hay sar hum ne!
magar tabeer kya hogi,
ye hum janey na dil janey
bus maloom hay itna...
k dil k faislay aksar
"humain kam raas aaye hain"

 

[Lonely-Prince]

TERE ISHQ NE MERA YEH HAAL KIYA,

MUJHE APNA TAK NA HOSH RAHA,

DEKH K MERI HALAT AB K,

MUJHE JO MILE AB YEH KAHE ,

TUM PAGAL HO
TUM PAGAL HO

YEH DUNIYA TERI KESI HE,

SAB LOG YAHAN NIRALE HAIN,

MERE TARAPNE PAR YEH HANSTE
HAIN,

AUR HANS K MUJH SE KEHTE HAIN

TUJHE KIS KI YAAD RULATI HE

TUM KIYOON YOON HI TARAPTE HO

MAIN UN SE JAB YEH KEHTA HOON

KOI AUR NAHEEN YEH DIL HE APNA

JO MUJH KO YOON SATATA HE

MERE TAN MAIN AAG LAGATA HE

DE K MUJH KO ISHQ KI MASTI

PHIR YEH DIN RAAT NACHATA HE

YEH SUN K LOG PHIR HANSTE HAIN

AUR HANS HANS K MUJH KO KEHTE HAIN

TUM PAGAL HO
TUM PAGAL HO

HAR ROZ K APNE MILNE PAH

IK DOST NE MUJH SE YEH KAHA

SAYANE LOG YEH KEHTE HAIN

QADAR KHO DETA HE YEH ROZ KA AANA JANA

JAB MAIN NE US SE YEH KAHA

MERA TA'ALUQ TO AISA HE US SE

JO NAMAZI KA HE MASJID SE

JO PUJARI KA HE MANDIR SE

JO BACHE KA HE MAKTAB SE

YEH SUN K US NE BAAT MERI

MERE KAANDHE PAH YOON HATH
RAKHA

AUR THAPKI DE K YEH KAHA

TUM PAGAL HO
TUM PAGAL HO

AAJ BETHE BETHE BAATON MAIN

JAB TUM NE MUJH SE YEH KAHA

FARZ KARO AISI KOI HAWA CHALE

FARZ KARO MAIN TUM KO NAH
PEHCHAN SAKOON

FARZ KARO TUM DUNIYA MAIN AB
TANHA HO

FARZ KARO MAIN APNA NAH TUJH
KO MAAN SAKOON

PHIR MUJH KO JAANE KYA HUWA

JAB PEMANA ZABT KA CHALLAK GYA

AUR AANKHAIN MERI BARAS PAREEN

SANS YEH MERA RUK GYA

AUR SAR YEH MERA JHUK GYA

DEKH To MUJH KO SAKTE MAIN

TUM ZOR SE JAB PHIR HANSTE THE

MAIN NE UTHA K SAR JAB DEKHA
TUM KO

TERI AANKHON MAIN SHARARAT
THI

DEKH K MERI PURNAM AANKHAIN

AUR AANKHON KO ISHARA KAR K

TUM NE HANSTE HANSTE YOON
KAHA

TUM PAGAL HO
TUM PAGAL HO

SUNA K NAZM JAB DEKHA Shani

HAR SU MEHFIL MAIN SARGOSHI
THI

MAIN NE JAB UTH K PUCHA SAB SE

MERE SUN'NE WALO YEH BATAO

MERE JAZBAT KO TUM NE KESA
PAYA?

YEH SUN K SAB KHARE HUAY

AUR MUNH MOR K MUJH SE CHAL
DIYE

BUS JATE JATE YEH KAHA

TUM PAGAL HO
TUM PAGAL HO
TUM PAGAL HO
TUM PAGAL HO