Yun Na Mil Mujhse Khafa Hou Jaisay Sath ChaL Mauj-e-Saba Hou Jaisay Image Laug Yun De

[TM~NuJiN~TM]

kbi ulfat bara lehja,kbi utra huva chehra.
Smaj mn kuch ni ata,bata mera gunah kia hy..?

Meri uljhan mita to dy,mjy itna bata to dy.
mn mujrim hn,ya mehram hn,saza kia ha, jaza kia ha...?

Meri sansain to chalti hn,teri heyadon sy aey humdam.
Ni fursat k souchun,fana kia ha,baqaa kia ha...?

Mera ya dil,meri ya dharkan,meri saansain,ye sb ''MOHSIN''
Ye sab kch nam tery hy,bata pechay bacha kia hy...?

​

 

[TM~NuJiN~TM]

Sach to ye hai jo mujhey jhoot ki aadat hoti
Mujh ko tum se na tumhen mujh se shikayat hoti

Apne maazi k fasanay jo sunata tum ko
Kese zinda hun ab tak tumhain herat hoti

Kuch nhi kehta to kehte hain k magroor hun main
Aur kuch kehta to kuch aur shikayat hoti

Khud parasti jo na insan ki fitrat hoti
Saari duniya mai mohabbat hi mohabbat hoti

​

 

[TM~NuJiN~TM]

Aajab sanjok ha jana
ya kaisa rog ha jana
Bary boray btaty thy,kai kissay sunaty thy
Mgr hum mantay kb thy
Ye sub kuch janty kb thy
k
Boht puktha iraday
Kis tarah toot skty jaty hn
humen idrak he kb tha
humen kamil bharosa tha

humary sth kisi sourat
Bhi aisa ho ni sakta
ye dil kbi qaboo se
Beqaboo ho ni skta

MGR

Mgr phr youn hua Janaa
Na jany q hua janaa
Jigr ka khoon hua janaa

Tery abroo ki ik jumbish par
tery qadmoon ki aaht par

Gulbi muskhurat par
Tery sir k isharay par

Sada-e-Dilrubana par
Chehra-e-Masumana par
Nigah-e-Qatilana par
Jafa-e-Mehrmana par
Ada-e-Kafirana par

Ghayel ho gaye HUM b
Baray Be Baak Phirtay Thy
Maa'el ho gaye hum b

Sakhawat karny aye thy
AUR
Saa'el ho gaye hum b

Bary borhoon kin in baton k
Qaa'el ho gaye hum b
k........
MOHABBAT ROG Y JANAA
AJAB SANJOG HA JANAA........

​

 

[TM~NuJiN~TM]

Tumhari yaad ka mausam
Jo her ik dukh say gehra hai
Na jane kitni muddat say
hamare man main thehra hai

Mager tum nay nahi jana, mager tum nay nahi socha

Tumhare pyar ka mausam
jo her mausam se pyara hai
Mere in be-karaa'n lamhoon ka
woh wahid sahara hai

Mager tum nay nahi socha, mager tum nay nahi samjha

Tumhare baad ka mausam
Us kaali ghaata jaisa hai
Na jeeti aur na hari ho
ik aisi maat jaisa hai

Mager tum nay nahi deikha, mager tum nay nahi jana.......!!

​

​

​

 

[TM~NuJiN~TM]

Suno! Ae chand c larki
Abhi tum Titlyan pakro
Ya phir maasoom c ankhon say
Dhairon …khawab dekho tum
.

…Faraz-o-Faiz o Mohsin ki
Kitaabyn mt abhi parhna
.

Ye sab lafzon k shaair hain
Tumhain uljha k rakh dayn gay
.

Tumhain Maloom hi kab hai
Muhabbat k libaaday mai
Hawas aur Hirs hoti hai
.

Ye insanon ki dunya hai
Magr in say kahin barh kar
yahan wehshi darinday hain
.

Wo wehshi jin ki ankhon me
Machaltay piaar k peechay
Hawas aur hirs hoti hai
.

Abhi kachi kali ho tum
Abhi kanton say mat khailo
Abhi apni Hatheli par
kisi ka naam mat likho
Abhi apni kitabon mai
Gulabi phool mat rakho
Abhi shairon me mat uljho
.

Abhi to umr baqi hai
abhi khud ko sanbhalo tum
abhi mat Gungunao tum
Abhi say Ishq mat socho
Abhi sab bhool jao tum..

​

 

[TM~NuJiN~TM]

''

chand na kha rota ha kis liye ?
main ne kaha dil tuta ha is liye,
chand na kha chahat mayn aesa hota he ha,
main ne kha chahat b to ak dhoka he ha,
'''''chand na kha ab usay bhool ja,
main ne kaha tun meri zindagi leja,
chand na kha dunaya main or b chahray hayn?
main ne kha dil pa us ke yad k pahray hayn,
chand na kaha har tarf verani ha,
main ne kaha ya verani b to us ke neshani he ha,,,,,,,,,,,

​

 

[TM~NuJiN~TM]

Chalo phir Dhond laein Hum
Usi Masoom Bachpan ko
Unhi Masoom Khushiyo ko

Uhi Rangeen Lamhon ko
Jaha Ghum ka pata na tha
Jaha dukh ki samjh na thi
Jaha bus Muskrahat thi
Baharein hi Baharein thi
Chalo phir dhond laein Hum
Usi masoom bachpan ko k jab
Sawan Barasta tha

To us kagaz ki kashti ko
Bana'na aur Duba dena
Bhot acha lagta tha
Aur is duniya ka hr chehra
Bhot sacha sa lagta tha
Chalo phir dhond laein HUM.

​

 

[TM~NuJiN~TM]

Barish aur piyar
ek jesy hote hain

don0n hi yaad
rehte hain

farq sirf Ye hai k
Barish wajoo0d
bhigoti hain
aur
PIYAR
ANkhen..

​

 

[TM~NuJiN~TM]

yehi hai zindagi, kuch khwaab chand umeedein
inhi khilonon se tum bhi, behel sako to chalon

​

 

[TM~NuJiN~TM]

Raat ki gehri khamoshi mein ,
chupkey sey .... dhemey sey sargoshi mein ....
koi mujh sey bola ...
suno..!

tum wohi ho na ,
jo raat hotey he, meri aankhon mein utar aatay ho ,
meri aankhon mein jugno ki tarha roshan hojatay ho ,
ik roshan tarey ki tarha meri nendo'n mein utar aatay ho
tum wohi ho na ? ....
mein bola haan... mein wohi hon ,,,,
wo bole ....

bohat buray ho ...

​

 

[TM~NuJiN~TM]

Tujhe Kya Khabar Mere Haal Ki

Mere Dard Mere Malaal Ki

Yeh Mere Khayal Ka Silsila

Kisi Yaad Se Hai Milaa Hua

Usse Dekhna Usse Sochna

Meri Zindgi Ka Hai Faisla

Yeh Usi Ki Palkon Ke Saaye Hein

Meri Rooh Mein jo Utar Gaye

Yeh janoon-e- manzil-ee ishq hai

Jo Chale Tou Jaan Se Guzar Gaye

Mujhay is Muqaam Pay Chorna

Hai yeh Bewafi Ki inteha

Yeh Kafs ho jaisay Khuli Fiza

Yehi Sukh ka sans mein loon sada

Jinhain teri deed ki piyas thi

wo katoray nainoon say bhar gaye

Yeh janoon-e-- manzil-ee ishq hai

jo chlay to jaan say guzar gayee

​

 

[Jahil]

woww what a beautifull poetries u shared us

 

[TM~NuJiN~TM]

Pagal Larki

Pehle Mere Khat Ke Us Ne
Ik Anjaane Khauf Se Dar Kar
Tukrye Tukrey Kar Daley

Ab

Ek Haseen Ahsaas Ke Taabay
Jis Ka Koi Naam Nahi
Pichle Kitne Hi Ghanton Se
Darwaaze Ki Ott Mai Chup Kar
Tukrey Jorr Rahi Hai…………Pagal

​

 

[TM~NuJiN~TM]

Tmhe Barish Pasnd hai..
or Muje Barish mai tum..

Tmhe hansna pasand hai..
or muje hanste huey tm..
...

Tmhe Baaaten Karna Pasnnd Hai..
or muje baaten karte huey tm..

Tmhe Larna Pasand hai..
Or muje Larte huey tm..

tmhe sab kuc pasand hai..
aur muje sirf tum.....!!!

​

 

[TM~NuJiN~TM]

Hoon To Khafa Us SE,
Per Janay Phir B Kiyn…?

Na Chaah Kar Bhi Us Ko Chahna Acha Lagta Hai…

Haqeeqat Se Hoon Dhoor,
Ye Mujh Ko Hai Pata…

Per Jaan K Anjaan Rehna Acha Lagta Hai…

Qaayel Nahi Main Ronay Ki Phir B Kabhi Kabhi…
Tanhai Main Kuch Dair Rona Acha Lagta Hai…

Tu MERA Tha,
Tu MERA Hai,
Tu MERA Rahay Ga…

Kuch Pal Is Khawab Mein Khona Acha Lagta Hai….!!

​

 

[TM~NuJiN~TM]

Hijar Tara ab Doob Chala Hai Dhalny Lagi Hai Raat WaSi
Qatra Qatra Baras Rahi Hai Ashkon Ki Barsat WaSi

Tere Baad Yeh Dunya Walay Mujh Ko Pagal Kar Dain Ge
Khushbu Ke Dais Main Mujh Ko Le Chal Apnay Sath WaSi

Yun Hi Chup Ki Mohar Laga Kar Kab Tak Gum Sum Betho Ge
Khamoshi Se Dam Ghut’ta Hai Cheyro Koi Baat WaSi

Aaj tO Us Ka Chehra B Kuch Badla Badla Lagta Hai
Mosam Badla Dunya Badli Badal Gaye Halaat WaSi

Mere Ghar Khushbu Ka Yeh Raqs Usi Ke Dam Se Hai
Us Ke Sath Chali Jaye Gi Phulon Ki Baraat WaSi

Chor Wasi Ab Us Ki Yadein Tujh Ko Pagal Kar Dain Gi
To Qatra Hai Wo Darya Hai Dekh Apni Auqaat WaSi….!!!

​

 

[TM~NuJiN~TM]

Ye wehem nahi to kya hy
ye gumaaN nahi to kya hy
ye jo dil se uth raha hy
ye dhuwaN nahi to kya hy

tujhe kis dard ka rishta
mere dar pe kheeNch laya
tujhe kis ne keh diya tha
mere paas hr dawaa hy

tere ksi dukh ka chaara
mere hath me nahi hy
maiN to khud be'karaN hoN
mere paas kya dhara hy

abi bastiyaaN yaheeN haiN
tu lout ja yaheeN se
mere sath sath na chal tu
ye bohat bara juwa hy

tujhe kya khabar ae humdum
k teri arzo k badly
mere dil pe jo lga tha
ab tak wo zakhm hara hy

pr gila nahi hy tujh se
mere khaloos me hi kami hy
maiN ne jisy b dil se chaha
usy lga k wo khuda hy

maiN koi waqiya nahi hoN
mujhe is trha na socho
meri dastaaN ko choro
bhala is me kya maza hy

tu lout k aa gya hy
pr mera dil to bujh chuka hy
ab tu ksi or se pyar kr ly
bus yehi teri saza hy

​

​

​

 

[TM~NuJiN~TM]

Eik Wafa Ko Paanay Ki Kosish Mian
Mene Ne Zakhami Kar Di Hain Wafaein Kitni

Kita Masoom Sa Lagta Hay Eik Lafz ...

"*"...MUHABBHAT...."*''

​

 

[TM~NuJiN~TM]

~*Hasartoon Ka Dhunwaan*~

Har ek moord pe pahla hay
Hasartoon ka dhunwaan

Na koi rah nazar ati
Na manzeloon k nishaan

Jo ham guzaar rahey hain
Woh zindagi to naheen

Jeyeen to kis k liye
Koi aas bhi to naheeen

Bare khalos se ham ne freeb khaey hain
Qadam qadam pe hazaroon setam uthaye hain

Yeh dard apne liye koi ajnabi to naheen
Dil_e_pareshan pe jab hadsey guzarte hain

Ham apne aap se aksar sawal karte hain
Hamare naam se khushiyoon ko dushmani to naheen

​

 

[TM~NuJiN~TM]

Khushiyon K Chaar Pal Hi Sada Dhoondta Raha?

Kya Dhoondna Tha Mujh Ko ?
Main Kia Dhoondta Raha'

Maayosion K Sheher Mai Mujh sa Gareeb Shakhs,

Lene Ko Saans Thori Hawa Dhoondta Raha'

Maloom Tha K Meri Nahi Hai Koi KhAta,

Phir B Main Wahan Apni khAta Dhoondta Raha'

Maaloom Tha K Mujh Ko Nahi Mil Saken Gay Wo,

Phir B Main Sada Unka Pata Dhoondta Raha'

Phir Yon Hua K Un Say Mulaqat Ho Gai,

Phir Umar Bhar Main Apna Pata Dhondta Raha.

​

​

​