Mein shaa'ir hoon tou akser loag mujh say poochtay hain,
Iss haseen israr kay baray mei,
Bataye tou bhala kia hai...?'
Mohabbat aakhir shay hai kia...?'
Wasi mei hans kay kehta hoon,
Kisi piyasay ko apnay hissay ka paani pilana bhi,
Mohabbat hai
Bhanwer mei doobtay ko sahilon tak lay kay jana bhi,
Mohabbat hai
Kisi kay waastay nanni si qurbani, mohabbat hai,
Kaheen hum, raaz saray khol saktay hon magar phir bhi,
Kisi ki bay bassi ko daikh ker khamosh reh jana
Mohabbat hai
Ho dil mai dard, weerani magar phir bhi,
Kisi kay wastay jabran hi honton per hansi lana
Zabardasti hie muskana,
Mohabbat hai
Kaheen baarish mai sehmay, bheegtay billi kay bachay ko,
Zara si dair ko gher lay kay aana bhi,
Mohabbat hai
Koi chirya jo kamray mai bhatakti aan nikli ho,
Tou uss chirya ko
Pankhay band ker kay raasta bahir ka dikhlana,
Mohabbat hai
Kisi kay zakhm sehlana,
Kisi rotay huay kay dil ko behlana mohabbat hai,
Kay meetha bol, meethi baat, meethay lafz, sab kia hai?
Mohabbat hai
Mohabbat aik hie bas aik hie insan ki khatir,
Magan rehna
Hamma waqt us ki baaton, khusbooyon mai,
Dolna kab hai ?
Mohabbat sirf us ki zulf kay bal kholna kab hai,
Mohabbat kay hazaron rang
Lakhon istaray hain,
Kisi bhi rang mai ho yeh
Mujhay apna banati hai
Yeh meray dil ko bhaati hai....
(Nazam of Wasi Shah)
Iss haseen israr kay baray mei,
Bataye tou bhala kia hai...?'
Mohabbat aakhir shay hai kia...?'
Wasi mei hans kay kehta hoon,
Kisi piyasay ko apnay hissay ka paani pilana bhi,
Mohabbat hai
Bhanwer mei doobtay ko sahilon tak lay kay jana bhi,
Mohabbat hai
Kisi kay waastay nanni si qurbani, mohabbat hai,
Kaheen hum, raaz saray khol saktay hon magar phir bhi,
Kisi ki bay bassi ko daikh ker khamosh reh jana
Mohabbat hai
Ho dil mai dard, weerani magar phir bhi,
Kisi kay wastay jabran hi honton per hansi lana
Zabardasti hie muskana,
Mohabbat hai
Kaheen baarish mai sehmay, bheegtay billi kay bachay ko,
Zara si dair ko gher lay kay aana bhi,
Mohabbat hai
Koi chirya jo kamray mai bhatakti aan nikli ho,
Tou uss chirya ko
Pankhay band ker kay raasta bahir ka dikhlana,
Mohabbat hai
Kisi kay zakhm sehlana,
Kisi rotay huay kay dil ko behlana mohabbat hai,
Kay meetha bol, meethi baat, meethay lafz, sab kia hai?
Mohabbat hai
Mohabbat aik hie bas aik hie insan ki khatir,
Magan rehna
Hamma waqt us ki baaton, khusbooyon mai,
Dolna kab hai ?
Mohabbat sirf us ki zulf kay bal kholna kab hai,
Mohabbat kay hazaron rang
Lakhon istaray hain,
Kisi bhi rang mai ho yeh
Mujhay apna banati hai
Yeh meray dil ko bhaati hai....
(Nazam of Wasi Shah)
