Yaaraan-e-Qafas Mujh Ko Sada Kyun Nahin Detey

[dream girl]

Khamosh Ho Kyun Daad-e-Jafa Kyun Nahin Detey
Bismil Ho To Qaatil Ko Dua Kyun Nahin Detey

Wahshat Ka Sabab Roozan-e-Zindaan To Nahin Hai
Mahar-o-Maah-o-Anjum Ko Bujha Kyun Nahin Detey

Ikk Ye Bhi To Andaaz-e-Ilaaj-e-Gham-e-Jaan Hai
Aey Chaara-garo Dard Barrha Kyun Nahin Detey

Munsif Ho Agar Tum To Kab Insaaf Karo Gey
Mujrim Hain Agar Hum To Saza Kyun Nahin Detey

Rahzan Ho To Haazir Hain Mataa-e-Dil-o-Jaan Bhi
Rahbar Ho To Manzil Ka Pata Kyun Nahin Detey

Kya Beet Gayi Abb Ke 'Faraz' Ahal-e-Chaman Par
Yaaraan-e-Qafas Mujh Ko Sada Kyun Nahin Detey ! ​

 

[Dark]

Nice post

 

[Cute-Angel]

very nice sharing

thanx n keep it up

 

[dream girl]

thank u very much guys

 

[nrbhayo]

aala jee..