Wo Dil Ki Tere Liye Be-qaraar Ab Bhii Hai

[*Sarlaa*]

Khudaa wo waqt na laaye k sogwaar ho tu
sukoo.n ki neend tujhe bhii haraam ho jaaye
terii musarrat-e-paihum tamaam ho jaaye
terii hayaat tujhe talKh jaam ho jaaye


Gamo.n se aaiinaa-e-dil gudaaz ho teraa
Hujoom-e-yaas se betaab hoke rah jaaye
wafoor-e-dard se siimaab ho ke rah jaaye
teraa shabaab faqat Khwaab ho ke rah jaaye



Guruur-e-husn saraapaa niyaaz ho teraa
taweel raato.n me.n tu bhi qaraar ko tarase
teri nigaah kisi gham_gusaar ko tarase
Khizaa.n raseedaa tamannaa bahaar ko tarase


koi jabee.n na tere sang-e-aastaa.n pe jhuke
k jins-e-ijz-o-aqiidat se tujh ko shaad kare
faraib-e-waadaa-e-farda pe aetamaad kare
Khudaa wo waqt na laaye ki tujh ko yaad aaye


wo dil ki tere liye be-qaraar ab bhii hai
wo aa.Nkh jis ko teraa intazaar ab bhii hai

 

[Khalifah]

Bohot Khoob

Faiz Ahmed faiz bohot hi A'laa shayar