Tumhein Hai Shooq......

Discussion in 'Romantic Shayari' started by Harneet_95, Apr 25, 2008.

  1. Harneet_95

    Harneet_95
    Expand Collapse
    Senior Member

    Joined:
    Mar 16, 2008
    Messages:
    782
    Likes Received:
    234
    tumhen hai shauq agar bijaliyaaN giraane kaa
    hamaaraa kaam bhii hai aashiyaaN banaane kaa

    bhalaa vo kaise samandar ke paar utaregaa
    nafas nafas jinhen Khadshaa hai Duub jaane kaa

    sunaa hai aap hain maahir havaa chalaane mein
    magar hamein bhii hunar hai diye jalaane kaa....

    (Majid Deobandi)
    ................................................................................
    ..


    Amn kaa jo paiGaam sunaane vaale hain
    galiyon galiyon aag lagaane vaale hain

    tum le jaao nezaa Khanjar aur talvaar
    ham maqtal mein sar le jaane vaale hain

    zulm ke kaale baadal se Daranaa kaisaa
    ye mausam to aane jaane vaale hain

    biimaaron kaa ab to Khudaa hii haafiz hai
    saare masiihaa zahar pilaane vaale hain


    jaan bachaane vaale to sab hain lekin
    abb kitane imaan bachaane vaale hain

    ham ko un valiyon kii nisbat haasil hai
    dasht ko jo gulzaar banaane vaale hain

    bhuukaa rah ke saail ko Khairaat jo de
    ham bhii 'Majid' usii gharaane vaale hain
     
  2. nrbhayo

    nrbhayo
    Expand Collapse
    Newbie

    Joined:
    Nov 23, 2009
    Messages:
    111,082
    Likes Received:
    9,732
    umda...
     
  3. Dark

    Dark
    Expand Collapse
    Darknes will Fall
    VIP

    Joined:
    Jun 21, 2007
    Messages:
    28,804
    Likes Received:
    12,543
    Nice post
     

Share This Page