Bohat zabardast baat hai.
Kuch salon pehlay main bhi yay sawal parh kar chakra gai thi k jub Allah nain likh dia hai to hum kaisay qusoor waar. Main bilkul confuse ho gai thi k phir jub yay sawal zahan main aya k Allah kisi pay ziadti naheen karta. Kisi ko bilawajah saza naheen deta to khud hi hamari buri taqdeer likh kar hamain kioon day ga.
Ub is baat ki kafi achchi tarha samajh aa gai hai.
Meri naqis ul aqal nain issay samjha hai wo is tarha hai k Allah nain bayshuk likh dia hai laikin choonkay us nain hamain banaya hai wo hamari rug rug say waqif hai k hum kia kar saktay hain aur kia naheen. Jis mitti say us nain hamain banaya hai wo uski khusoosiat say bhi waqif hai aur hum ainda kia kar saktay hain aur kia naheen.
Allah nain hum ko paida kar kay Aqal di, samajh dia, ilm dia quran k zariay, amal ka tareeqa seekhaya Muhammad Sallah o Alaihi Wassalim k zariay, shaitan ko khula chora hamari azmaish k liaay aur hamain ikhtiar day dia, dua k zariaay aur amal k zariaay apni taqdeer badalna k is liaay yay hamaray upper munhasir hai k hum Allah k bataay huway rastay par quran o sunnat k mutabiq chaltnay hain gunah ka khauf kar k ya gunah ki lazzat hasil karna chahtay hain shaitan k kahnay pay chal kar. Is liaay hum apni taqeer ko badalnay ka ikhtiar rakhtay hain aik khaas dairay main rah kar. Is liaay gunah karnay per hum gunah ki saza k huqdar hon gay aur sawab ka kaam karnay per sawab k huqdar hon gay k hum nain agar taqdeer main bura likha gia tha aur ussay apni aql, nashimandi aur quran o sunna t say badal lia to yay hamara karnama hai to hum jaza pain gay. Agar hum nain Shaitan k bahkaway main aa kar apnay nusf k kahnay pay chal kar aql, quran o hadees ko chor kar gunah k irtakaab kia to hum gunahgar hon gay.
Shaitan bhi itna qusoorwar naheen hoga jitna hamara nufs hum gunah jubhi kartay hain jub hamara apna nafs gunah par amada hota hai tub hi shaitan hamain apnay bakaway k zariaay bahka leta hai. Warna uski bhi majal naheen. Warna Sirf shaitan hi qusoorwar hota. Agar hamara nufs amada naheen hota gunah par to. Laikin saza shaitan bhi paay ga hamain bahkanay par k us nain hamain bahkaya hamaray nufs ki buri rah par chalnay ko.
Hum aksar jaantay boojhtay bhi gunah ka irtakab kartay hain. Quran o hadees say mana hota hai, hamain bata dia gia hai k nufs gunah pay amada karta hai aur shatan ka bhi bata dia gia hai k wo bahkaay ga ub jub sub kuch pata hai to phir bhi gunah karain gay to hum hi gunahgar hon gay. AGar yay sub kuch pata naheen hota to phir aur baat thi.
Jub hamain koi kaam gunah ka naheen karna hota hai to shaitan us pay hamain naheen bahka sakta halankay uski ki to her lamahay pur zor koshish hoti hai is liaay k hamara nufs us pay amada naheen hota.
Choonk hamara nufs hi her baat ka zimmaydar hai is liaay hum gunahgar.
Aik aur baat jub hum gunah k kaam kar rahain hotain hain to hamara zameer hamain malamat karta aur rokta hai aur hamara dil bhi gawahi deta hai k bura kaam hai na karo phir bhi hum dheet bun kar kartay hain jaan boojh kar.
Isi liaay taqdeer naheen hum saza war hain.
Taqdeer wohi hai jo Allah janta hai k hum kia karain gay agay mukhalif situation main is liaay Allah nain likh dia hai.
Hutta k hum dauzakhi hain k naheen yay bhi hamari taqdeer main likha jaa chuka hai. Ub hum pay munhasir hai k hum ussay apnay amal ya dua aur aqal say badaltay hain k naheen.
Jaisay parents apnay buchchon main samajh saktain hain jubkay wo goad main hotay hain ya bohat chotay k kon sa bachcha kis tarha ka hai aur kia kar sakta hai baray ho kar. To Allah to her cheez ki qudrat rakhta hai is liaay wo hamari taqdeer say waqif hai aur us nain likh dia hai.
Bohat Ala tareeqay say Alim sahab baat samjhai hai masha Allah. Jazak Allah khair jinhon nain post kia.