Qateel's Poetry

[Afrasham_afi]

Dard se mera daman bhar de ya Allah​

Phir chahe diwana kar de ya Allah​

​

Main ne tujhse chand sitare kab mange​

Raushan dil bedar nazar de ya Allah​

​

Suraj si ik chiz to ham sab dekh chuke​

Sach-much ki ab koi sahar de ya Allah​

​

Ya dharti k zakhmon par marham rakh de​

Ya mera dil patthar kar de ya Allah​

 

[Afrasham_afi]

Apne honton par sajana chahta hun​

Aa tujhe main gungunana chahta hun​

​

Koi ansu tere daman par gira kar​

Buond ko mooti banana chahta hun​

​

Thak gaya main karte-karte yad tujhko​

Ab tujhe main yad ana chahta hun​

​

Cha raha hai sari basti mein andhera​

Raushani ho ghar jalana chahta hun​

​

Akhri hichki tere zanon pe aye​

Maut bhi main shair'rana chahta hun​

 

[Afrasham_afi]

Apne hathon ki lakiron mein basale mujhko​

Main hun tera nasib apna bana le mujhko​

​

Mujhse tu puchne aya hai wafa k mani​

Ye teri sada dili mar na dale mujhko​

​

Main samandar bhi hun moti bhi hun gotazan bhi​

Koi bhi nam mera le k bulale mujhko​

​

Tune dekha nahin aine se age kuch bhi​

Khud'parasti mein kahin tu na ganwale mujhko​

​

Kal ki bat aur hai main ab sa rahun ya na rahun​

Jitna ji chahe tera aj satale mujhko​

​

Khud ko main bant na dalun kahin daman-daman​

Kar diya tune agar mere hawale mujhko​

​

Main jo kanta hun to chal mujh se bachakar daman​

Main hun gar phul to jure mein sajale mujhko​

​

Main khule dar k kisi ghar ka hun saman pyare​

Tu dabe paon kabhi aa k churale mujhko​

​

Tark-e-ulfat ki qasam bhi koi hoti hai qasam​

Tu kabhi yad to kar bhulanewale mujhko​

​

Bada phir bada hai main zahar bhi pi jaun "Qateel"​

Shart ye hai k koi bahon mein sambhale mujhko​

 

[Afrasham_afi]

Angrai par angrai leti hai rat judai ki​

Tum kya samjho tum kya jano bat meri tanhai ki​

​

Kaun siyahi ghol raha tha waqt k bahte dariya mein​

Main ne ankh jhuki dekhi hai aj kisi harjai ki​

​

Wasl ki rat na jane kyun israr tha unko jane par​

Waqt se pehle doob gae taron ne bari daanai ki​

​

Urte urte aas ka panchi dur ufaq mein dub gaya​

Rote rote baith gai awaz kisi saudai kia​

 

[Afrasham_afi]

Zindagi mein to sabhi pyar kiya karte hain​

Main to mar kar bhi meri jan tujhe chahunga​

​

Tu mila hai to ye ehsas hua hai mujhko​

Ye meri umr mohabbat k liye thori hai​

Ik zara sa gam-e-dauran ka bhi haq hai jis par​

Main ne wo sans bhi tere liye rakh chori hai​

Tujh pe ho jaunga qurban tujhe chahunga​

​

Apne jazbat mein nagmat rachane k liye​

Main ne dharakan ki tarah dil mein basaya hai tujhe​

Main tasawwur bhi judai ka bhala kaise karun​

Main ne qismat ki lakiron se churaya hai tujhe​

Pyar ka ban k nigehaban tujhe chahunga​

​

Teri har chap se jalte hain khayalon mein chirag​

Jab bhi tu aye jagata hua jadu aye​

Tujhako chhu lun to phir ae jan-e-tamanna mujhko​

Der tak apne badan se teri khushbu aye​

Tu bahron ka hai unwan tujhe chahunga​

 

[Afrasham_afi]

Pehlay To Wohi Dushman, Phir Uski Ada Dushman​

Darkar Nahi Hm Ko, Ab KOi Naya Dushman​

​

Har Shakhs Mukhtalik Tha, Jb Uss Sy Marasim Thay​

Ab Uss K Bichartay He, KOi Na Raha Dushman​

​

TOba To Nahi Mushkil, Mushkil Hay To Bus Yai Hay​

Hum Jaam Agar TOrain,Bun Jayai Ghata Dushman​

​

Kiya Husn-e-Zan Apna Tha, Uss Shaks K Baray Main​

Js Doost Nay Samjaya , WO Hm Ko Laga Dushman​

​

KOi B Qateel Un Ki Pehchan Na Kar Paayai​

Kiya Rang Badaltay Hain, Yai Doost Numa Duhman​

 

[Afrasham_afi]

@kool~nomi @white_rose991 @Pariwisha @atang_munda @huny @Mas00m-DeVil @mango @S_ChiragH

 

[Wafa_Khan]

ooo wao itna sarei ek saath

 

[Afrasham_afi]

ooo wao itna sarei ek saath

oh thanksssssssss

 

[Mas00m-DeVil]

oh thanksssssssss

 

[KhobSorat]

umda...........

 

[Dua_]

Dard se mera daman bhar de ya Allah​

Phir chahe diwana kar de ya Allah​

​

Main ne tujhse chand sitare kab mange​

Raushan dil bedar nazar de ya Allah​

​

Suraj si ik chiz to ham sab dekh chuke​

Sach-much ki ab koi sahar de ya Allah​

​

Ya dharti k zakhmon par marham rakh de​

Ya mera dil patthar kar de ya Allah​

hhmm nyc....

 

[Afrasham_afi]

hhmm nyc....

thank u