jannat se badh kar rutba jahan MEIN usi ka hai
jannat khud ek naam nabi ki gali ka hai
keh kar habib bulaya tha rab ne bulaya tha arsh PE
nabiyon mein aisa rutba batao kisi ka hai ?
Khushboo se jiski sara zamana mehak utha
beshak wo phool chehra-e-anwar nabi ka hai
ummeed iski mein aur kisi se kya karoon
bakhshish ka wada rab se to apne nabi ka hai
bechain aap rehte the ummat ke waste
aisa nabi kahan kisi aur ummati ka hai
dil ko sukoon milta hai zikr-e-habib se
padhna darood farz har ek ummati ka hai
kal ek faqeer galiyon mein deta raha sada
duniya ka jeena logon!ghadi do ghadi ka hai
shamsho kamar mein na sitaron mein roshni
darasl inmein noor hamare nabi ka hai
aaye agar kaza to dayar-e-habib mein
ae gum tere liye to yeh mauqa khushi ka hai