Kehna Yeh Tha K Mushahira Insaani Mushahira To Hota Hi Dilchaspi Ka Baayes Hai Un LogoN K Liay Jo Shaayri Se Dilchaspi Rakhtay HaiN. Lakin Socha K Kyun Na Iss Baar JanavaroN Ka Mushahira Rakha Jaaey , Zara DekheiN To Sahi K Janavar Apnay Jazbaat O Ehsasaat Ka Izhaar Kaise Kartay HaiN.'
To Humaray JanwaroN K Mushahira MeiN Tamaam Qisam K JanvaroN Ki Madad Kartay Huvay Aap LogoN Ne Un K Mehsosaat Ko Paish Karna Hai. HUmaray Is Thread Par Agar Kisi Ko Koyi Etraaz Ho To Ussay Apni Raaey DEne Ki Khuli Ijazat Hai . Iss Thread KO Lagatay Huvay Humaray Zehan MeiN Tafreeh K Sath Sath Yeh Khyaal Bhi Hai K Hum Log Ashraf Ul Mekhloqaat HaiN. Apnay JazboN Ko IshaaroN MeiN, Alfaaz K Roop MeiN KahiN Bhi Zaahir Kar Saktay HaiN. Tafreeh Mela Bhi Humaray Ehsasaat Aur Soch K Liay Aik Munfarid Sa Platefarm Hai. To Kyun Na Dil Bara Kartay Huvay ThoRi Si Jaga Be-Zuban JanvaroN K Liay Nikali Jaaey Aur Takhiyyal Kiya Jaaey K Agar Un Ko Izhaar E Khyaal Ka Mouqa Diya Jaaey To Woh Kaise KareN Gay?
Iss Munfarid Aur Achootay Khyaal Ko aap k Samnay Paish Karne Aur Mushahiray Kay Intzamaat Ko Nibhanay MeiN @Shiraz-Khan Humari Madad KareN Gay.
Plz Aap Log Apni Raaey Btaaiay Ta K Hum Log Aap SathiyoN Ki Raaey Aur Khushi K Sath Iss Silsala Ko Aagay BaRhaayeN.
