zindagi jazbaat o ehsasat, khiyalat o afaal se abarat hai. in main se kuch musbat hain aur kuch manfi. kisi ki nazar main kisi ki ehmiat ziyada hai to doosre ki nazar main kisi aur ki magar ek ehsaas, ek jazba jo in sab per haavi hai woh hai MOHABBAT. jo bhi kuch hai, mohabbat ka phelao hai. mohabbat ke hazaron rung, laakhon roop, karoron naam aur an ginat tareeqa-e-izhar hain. kisi jagah isey jaansaari pukaren to kahin hibbu-ul-watni ka naam paata hai. mohabbat ke baare main be-shumaar haqeeqten, muhavre aur zarb-ul-misl mashoor hain. kaha jaata hai ke 'mohabbat ki nahin jaati, mohabbat ho jaati hai' aur phir jis se mohabbat ho jaye woh is se chutkara paane ke baare main soch bhi nahin sakta. yeh bhi kaha jaata hai ke ' ishq aur mushq chupaye nahin chupte'........
kuch log mohabbat aur jung main sab kuch jaiz aur na jaiz harba istemaal kar lete hain.......mohabbat karne wale nidar, be baak aur be khauf ho jaate hain aur in ki zubaan per yehi alfaaz rehte hain ke ' jab pyar kiya to darna kya???' apne is pyar main woh apni jaan ki parwa bhi nahin karte. kuch logon ke khayal main parwana ''mohabbat'' ka isteara hota hai ke woh shammah ki aag main jall kar mar jaata aur mohabbat ko amar kar deta hai. jabke doosre logon ke khayal main shammah mohabbat hai jo ke khud jalti rehti hai aur jala ke apne aap ko khatam kar deti hai.
kuch log mohabbat aur jung main sab kuch jaiz aur na jaiz harba istemaal kar lete hain.......mohabbat karne wale nidar, be baak aur be khauf ho jaate hain aur in ki zubaan per yehi alfaaz rehte hain ke ' jab pyar kiya to darna kya???' apne is pyar main woh apni jaan ki parwa bhi nahin karte. kuch logon ke khayal main parwana ''mohabbat'' ka isteara hota hai ke woh shammah ki aag main jall kar mar jaata aur mohabbat ko amar kar deta hai. jabke doosre logon ke khayal main shammah mohabbat hai jo ke khud jalti rehti hai aur jala ke apne aap ko khatam kar deti hai.
nice sharing neeelu{(silly)}
