mohabbat karanevaale kam na ho.nge
terii mahafil me.n lekin ham na ho.nge
zamaane bhar ke Gam yaa ik teraa Gam
ye Gam hogaa to kitane Gam na ho.nge
dilo.n kii ulajhane.n ba.Datii rahe.ngii
agar kuchh mashvare baaham na ho.nge
agar tuu ittafaaqan mil bhii jaae
terii furqat ke sadame.n kam na ho.nge
'Hafeez' unase mai.n jitanaa bad_gumaa.N huu.N
vo mujhase is qadar baraham na ho.nge
terii mahafil me.n lekin ham na ho.nge
zamaane bhar ke Gam yaa ik teraa Gam
ye Gam hogaa to kitane Gam na ho.nge
dilo.n kii ulajhane.n ba.Datii rahe.ngii
agar kuchh mashvare baaham na ho.nge
agar tuu ittafaaqan mil bhii jaae
terii furqat ke sadame.n kam na ho.nge
'Hafeez' unase mai.n jitanaa bad_gumaa.N huu.N
vo mujhase is qadar baraham na ho.nge