Ja kahiyo unse naseem-e-sahar, mera chain gaya meri neend gayi,
Tumhein meri na mujh ko tumhari khabar, mera chain gaya meri neend gayi.
Na haram mein tumhare yaar pata, na surag der mein hai milta,
Kahan ja ke dekhun main na jaoon kidhar, mera chain gaya meri neend gayi.
Aey baadshah-e-khubaan-e-jahan, teri mohini soorat pe qurbaan,
Ki main ne jo teri jabin pe nazar, mera chain gaya meri neend gayi.
Hui baad-e-bahari chaman mein, ayaan gul buti mein, baaqi rahi na faza,
Meri shaakh-e-ummeed na laayi sanwar, mera chain gaya meri neend gayi.
Aey barq-e-tajalli bahar-e-khuda na jala mujh ko hijr mein shama sa,
Meri jeest hai misl=e=chiraag-e-sehar, mera chain gaya meri neend gayi.
Kehta hai yahi ro ro ke Zafar, meri aah-e-rasa ka hua na asar,
Teri hijr mein maut na aayi abhi, mera chain gaya meri neend gayi.
Tumhein meri na mujh ko tumhari khabar, mera chain gaya meri neend gayi.
Na haram mein tumhare yaar pata, na surag der mein hai milta,
Kahan ja ke dekhun main na jaoon kidhar, mera chain gaya meri neend gayi.
Aey baadshah-e-khubaan-e-jahan, teri mohini soorat pe qurbaan,
Ki main ne jo teri jabin pe nazar, mera chain gaya meri neend gayi.
Hui baad-e-bahari chaman mein, ayaan gul buti mein, baaqi rahi na faza,
Meri shaakh-e-ummeed na laayi sanwar, mera chain gaya meri neend gayi.
Aey barq-e-tajalli bahar-e-khuda na jala mujh ko hijr mein shama sa,
Meri jeest hai misl=e=chiraag-e-sehar, mera chain gaya meri neend gayi.
Kehta hai yahi ro ro ke Zafar, meri aah-e-rasa ka hua na asar,
Teri hijr mein maut na aayi abhi, mera chain gaya meri neend gayi.
