** main tum ko bhool jaun ga **

[*masooma*]

Mujhe is zindagani se koi shikwa nahin
lekin
Zara si besukooni hay
Najane kyoun mere dil mein
Ajub ik khouf rehta hay
Mujhe mehsoos hota hay
K mere dil k derwaze pe
Teri yaad ki dastak mein
woh shiddat nahin baqi
Bohat si khas batain hain
Ju mujh ko aam lagti hain
Mere dil mein unhain sun ker
Koi toofaan nahin uthta
Teri ankhain,tera chehra
Teri awaz ki rim jhim
Sabhi kuch khwab lagta hay
Mujhe mehsoos hota hay
Sunehri titlion jaise
Woh sab khush rang se sapne
Mere lafzon k pholon per
Bohat din se nahin bethay
Mujhe mehsoos hota hay
Samay ki taiz lehron ne
Humare rait k kache gheronday
Toor dale hain
Mujhe un taiz lehron se
Sunehri titlion jaise
Sabhi khush rang sapnon se
Koi shikwa nahin lekin
Zara si besukoon hay
Mujhe mehsoos hota hay
Tumhae dil k derwazay pe
Meri yaad ki dastak
meri jaan ab nahin hoti
meri jaan ab nahin hota
K meri yaad aye tou
Tumhari ankh bher aye
Dua'ayen mangte lamhe
Mujhe Tum bhool jati ho
Mager phir bhi mujh tum se
Koi shikwa nahin lekin
Ajub si besukooni hay
Ajub ik khouf hay dil mein
main tum ko bhool jaun ga !!!
​

 

[saviou]

masha Allah
bohot achi sharing mohtarma