Main AOr Meri Aavaargi

Discussion in 'Ghamgheen Shayari' started by pink-rose, Aug 2, 2008.

  1. pink-rose

    pink-rose
    Expand Collapse
    Newbie

    Joined:
    Jul 19, 2008
    Messages:
    325
    Likes Received:
    120
    Phirtay hain kab se dar_ba_dar ab is nagar ab us nagar
    Ek doosray ke ham_safar main aur meri aavaargi
    Na-aashnaa har rah_guzar Na meharban har ek nazar
    Jaayein to ab jaayein kidhar main aur meri aavaargi

    Ham bhi kabhi aabaad thay aisey kahan bar_baad thay
    Be-fikr thay aazaad thay masroor thay dil_shaad thay
    VO chaal aisi chal gayaa ham bujh Gaye dil jal gayaa
    Niklay jalaa ke apanaa ghar main aur meri aavaargi

    VO maah-e-vash VO maahro VO maah-e-kaamil ho-ba-ho
    Thein jis ki baatein ko_ba_ko us se ajab thi guftagoo
    Phir yoon hova VO kho gai aur mujh KO zid si ho gai
    Laayeige us KO Dhoondh ker main aur meri aavaargi

    Ye dil hi tha Jo seh Gaya VO baat aisi keah Gaya
    Kahney KO phir kya rah Gaya ash-kon ka dariya beh Gaya
    Jab keah kar VO dil_bar Gaya teray liye main mar Gaya
    Rotey hain us KO raat bhar main aur meri aavaargi

    Ab Gam uthaayen kis liye ye dil jalaayen kis liye
    Aansoo bahaayen kis liye yoon jaan gavaayen kis liye
    Peshaa Na ho jis kaa sitam Dhondhenge ab aisa sanam
    Honge kahin to kaar_gar main aur meri aavaargi

    Aasaar hain sab khot ke imkaan hain sab chot ke
    Ghar band hain sab ghoth ke ab khatm hain sab totkey
    Qismat ka sab ye khel hai andher hi andher hai
    Aise Hovey hain be_asar main aur meri aavaargi

    Jab ham_dam-o-ham_raaz tha tab aur hi andaaz tha
    Ab soz hai tab saaz tha ab sharm hai tab naaz tha
    Ab mujh se ho to ho bhi kya hai saath vo to vo bhi kya
    Ek be-hunar ek be-samar main aur meri aavaargi


     
  2. Waqar Hussain

    Waqar Hussain
    Expand Collapse
    M@In ALbela M@I M@sTana
    VIP

    Joined:
    Aug 12, 2008
    Messages:
    26,932
    Likes Received:
    5,548
    bohat hee zabardast janab sach a nice sharing

    keep it up and thankx for sharing

    {(goodpost)}{(goodpost)}{(goodpost)}{(goodpost)}
     
  3. nrbhayo

    nrbhayo
    Expand Collapse
    Newbie

    Joined:
    Nov 23, 2009
    Messages:
    111,082
    Likes Received:
    9,732
    nice jee..
     

Share This Page