kyoN churaate ho dekh kar aankheiN
kar chukiiN mere dil meiN ghar aankheiN
chashm-e-nargis ko dekh leN phir hum
tum dikhaa do jo ik nazar aankheiN
hai dawaa unki aatish-e-ruKhsaar
seNkte haiN is aag par aankheiN
ko_ii aasaan hai tira deedaar
pahle banwaaye to bashar aankhein
jalwaah-e-yaar kii na taab hu_ii
TooT aayi haiN kis qadar aankheiN
dil ko to ghooNT-ghooNT kar rakhhaa
maantii hii nahiiN magar aankheiN
na gayii taaNk jhaaNk ki aadat
liye phirtii haiN dar ba dar aankheiN
kyaa yeh jaadoo_bhara na thha kaajal?
surKh kar li jo paunchh kar aanKheiN
naavak-o-neeshtar tirii palkeiN
sihr-pardaaz-o-fitnaagar aankheiN
yeh niraala hai sharm ka andaaz
baat karte ho DhaaNk kar aankheiN
Khaak par kyoN ho naqsh-e-paa teraa
hum bichhayeN zameen par aankheiN
noHaagar kaun hai muqaddar par
rone waaloN meiN haiN magar aankheiN
yahii rona hai gar shab-e-Gham ka
phooT jaayeNgii taa seHer aankheiN
Haal-e-dil dekhna nahiiN aata
dil ki banwaayeN chaaragar aankheiN
''DaaGh'' aankheiN nikaalte haiN woh
unko de do nikaalkar aankheiN
''Daagh'' Dehalvi
kar chukiiN mere dil meiN ghar aankheiN
chashm-e-nargis ko dekh leN phir hum
tum dikhaa do jo ik nazar aankheiN
hai dawaa unki aatish-e-ruKhsaar
seNkte haiN is aag par aankheiN
ko_ii aasaan hai tira deedaar
pahle banwaaye to bashar aankhein
jalwaah-e-yaar kii na taab hu_ii
TooT aayi haiN kis qadar aankheiN
dil ko to ghooNT-ghooNT kar rakhhaa
maantii hii nahiiN magar aankheiN
na gayii taaNk jhaaNk ki aadat
liye phirtii haiN dar ba dar aankheiN
kyaa yeh jaadoo_bhara na thha kaajal?
surKh kar li jo paunchh kar aanKheiN
naavak-o-neeshtar tirii palkeiN
sihr-pardaaz-o-fitnaagar aankheiN
yeh niraala hai sharm ka andaaz
baat karte ho DhaaNk kar aankheiN
Khaak par kyoN ho naqsh-e-paa teraa
hum bichhayeN zameen par aankheiN
noHaagar kaun hai muqaddar par
rone waaloN meiN haiN magar aankheiN
yahii rona hai gar shab-e-Gham ka
phooT jaayeNgii taa seHer aankheiN
Haal-e-dil dekhna nahiiN aata
dil ki banwaayeN chaaragar aankheiN
''DaaGh'' aankheiN nikaalte haiN woh
unko de do nikaalkar aankheiN
''Daagh'' Dehalvi