kuchh ajab shaan se logon men rahaa karte the
ham Khafaa rah ke bhii aapas men milaa karte the
itnii tahziib rah-o-rasm to baaqii thii ki vo
laakh ranjish sahii vaadaa to vafaa karte the
us ne puuchhaa thaa kaii baar magar kyaa kahiye
ham mizaajan hii pareshaan rahaa karte the
Khatm thaa ham pe mohabbat kaa tamaashaa goyaa
ruuh aur jism ko har roz judaa karte the
zindagii ham se tere naaz uThaaye na gaye
saaNs lene kii faqat rasm adaa karte the
ham baras parrte the 'Shaz' apnii hii tanhaaii par
abr kii tarah kisii dar se uThaa karte the
ham Khafaa rah ke bhii aapas men milaa karte the
itnii tahziib rah-o-rasm to baaqii thii ki vo
laakh ranjish sahii vaadaa to vafaa karte the
us ne puuchhaa thaa kaii baar magar kyaa kahiye
ham mizaajan hii pareshaan rahaa karte the
Khatm thaa ham pe mohabbat kaa tamaashaa goyaa
ruuh aur jism ko har roz judaa karte the
zindagii ham se tere naaz uThaaye na gaye
saaNs lene kii faqat rasm adaa karte the
ham baras parrte the 'Shaz' apnii hii tanhaaii par
abr kii tarah kisii dar se uThaa karte the