angraiii bhi wo lanay na paey utha k hath
dekhajo mujh ko, choor diye muskura k hath
bay sakhta nigahen jo aapas me mil gaee
kiya mu pe us ne rakh liye ankhen chura k hath
ye bhi naya sitam hay Hina tou lagaeen ghair
or is ki dad chahen vo mujh ko dikha k hath
be ikhtiyaar ho k jo me paoun par gira..
thorhi k neechay us nay dhara muskura k hath
qasid! teray biyaan say dil aesa theher gaya
goya kisi nay rakh diya senay pay aa k hath
kuchay say teri uthen to phr jayen hum kahan?
bethay hen yaan to dono jahan say utha k hath
dena vo us ka saghar e may yad hay "NIZAAM"!
mu phair kar udhar ko, edhar ko barha k hath..!