Mein roti hoon. Meri kahani Pakistan se bohat milti julti hae. Aek muddat se mujhey
khaya ja raha hae lekin mein aaj bhi apni jaga qaem-o-daem hoon. Insaan ke pet ka
dozakh bharna mera kaam hae. Mera janam zameen se huwa, wohi zameen jo aek
roz mujhey khaney walon ko bhi kha jaey gi. Beej se ley kar fasl, fasl se ley kar chakki,
aur chakki se ley kar tawey aur tandoor ke kathan maraahil tey karney ke baad mein
aap logon shikam mein utar jati hoon. Aur mujhey khaney ke baad aap is zameen pe
jo toofaan-e-bad'tameezi bipa kartey hein, us pe phir kabhi roshni daali jaey gi