Faasalaa to hai magar ko_ii faasalaa nahii.n
mujhase tum judaa sahii dil se to judaa nahii.n
mujhase tum judaa sahii dil se to judaa nahii.n
aasmaa.N kaa fikr kyaa aasmaa.N Khafaa sahii
aap ye bataa_iiye aap to Khafaa nahii.n
aap ye bataa_iiye aap to Khafaa nahii.n
kashtiyaa.N nahii.n to kyaa hausale to paas hai.n
kah do naaKhudaao.n se, tum ko_ii Khudaa nahii.n
kah do naaKhudaao.n se, tum ko_ii Khudaa nahii.n
liijiye bulaa liyaa aap ko Khayaalo.n me.n
ab to dekhiye hame.n ko_ii dekhataa nahii.n
ab to dekhiye hame.n ko_ii dekhataa nahii.n
aa_iiye chiraaG-e-dil aaj hii jalaaye.N ham
kaisii kal havaa chale ko_ii jaanataa nahii.n
kaisii kal havaa chale ko_ii jaanataa nahii.n