Paa-ba-gil sab hain rihaaii kii kare tadbiir kaun
Dast-bastaa shahar main khole merii zanjiir kaun
Meraa sar haazir hai lekin meraa munsif dekh le
Kar rahaa hai mere fard-e-jurm ko tahariir kaun
Merii chaadar to chhinii thii shaam kii tanhaaii ne
Be-ridaaii ko merii phir de gayaa tashahiir kaun
Niind jab Khawaabon se pyaarii ho to aise ahad main
Khawaab dekhe kaun or Khawaabon ko de taabiir kaun
Ret abhii pichhale makaanon kii na waapis aaii thii
Phir lab-e-saahil gharondaa kar gayaa taamiir kaun
Saare rishte hijraton main saath dete hain to phir
Shahar se jaate huay hotaa hai daaman_giir kaun
Dushmanon ke saath mere dost bhii aazaad hain
Dekhnaa hai khenchataa hai mujh pe pahalaa tiir kaun
********************
( Parween Shakir )
Dast-bastaa shahar main khole merii zanjiir kaun
Meraa sar haazir hai lekin meraa munsif dekh le
Kar rahaa hai mere fard-e-jurm ko tahariir kaun
Merii chaadar to chhinii thii shaam kii tanhaaii ne
Be-ridaaii ko merii phir de gayaa tashahiir kaun
Niind jab Khawaabon se pyaarii ho to aise ahad main
Khawaab dekhe kaun or Khawaabon ko de taabiir kaun
Ret abhii pichhale makaanon kii na waapis aaii thii
Phir lab-e-saahil gharondaa kar gayaa taamiir kaun
Saare rishte hijraton main saath dete hain to phir
Shahar se jaate huay hotaa hai daaman_giir kaun
Dushmanon ke saath mere dost bhii aazaad hain
Dekhnaa hai khenchataa hai mujh pe pahalaa tiir kaun
********************
( Parween Shakir )