BichhaR ke tum se yeh sochuN, K dil kahaaN jaaye
Sehar udaas kare, shaam raayegaaN jaaye
Sehar udaas kare, shaam raayegaaN jaaye
ZameeN – badar jo hue ho to mere ham-safaro
Chalay chalo K jahaaN tak yeh aasmaaN jaaye
Chalay chalo K jahaaN tak yeh aasmaaN jaaye
Tamaam shahr mein phailii hui hai tanhaayii
Ye dil jawaaN sahi, lekin kahaaN kahaaN jaaye
Ye dil jawaaN sahi, lekin kahaaN kahaaN jaaye
JaluN to yuN K azal jagmagaa uThe mujh se
BujhuN to yuN K abad tak mera dhuwaaN jaaye
BujhuN to yuN K abad tak mera dhuwaaN jaaye
Abhi to dil se nikal kar zabaaN tak aayi hai
Kise khabar K kahaaN tak yeh daastaaN jaaye
Kise khabar K kahaaN tak yeh daastaaN jaaye
Qadam-qadam pe hai zandaN ravish-ravish pe salib
Koi to ho jo K jo ab bahr E imtehaaN jaaye
Koi to ho jo K jo ab bahr E imtehaaN jaaye
BichhaR chalaa hai to meri duaa bhi leta ja
WahaaN-wahaaN mujhe paye, jahaaN-jahaaN jaye
WahaaN-wahaaN mujhe paye, jahaaN-jahaaN jaye
Main apne ghar ki taraf jaarahaa huN yuN ‘Muhsin’
K jaise luT ke, kisi ban mein kaarvaaN jaaye
K jaise luT ke, kisi ban mein kaarvaaN jaaye
(Mohsin Naqvi)